Hozia 14:1 - Edo Bible (E Baibol Ẹdo) Version 1996

¹ Wa werriegbe bu e Nọyaẹnmwa ne Osanobua uwa gha dee, wa ne ivbi Izrẹl. Orukhọ uwa gie uwa rrua owẹ nẹ, wa keghi vbe dele.

Hozia 14:1 Iomraidhean Croise

II Ọba 8:12

E Hazaẹl keghi nọ rẹn wẹẹ, “Vbọzẹ ne u na viẹ yi enọwanrẹn?” Elaisia keghi wanniẹn wẹẹ, “Rhunmwuda, I miẹn emwi ne ọ wegbe ne u ra ru ivbi Izrẹl re. U gha rhu erhẹn ye owa ọkhẹ iran, u ghi rẹnkhẹn nii maa sẹẹ vbe igbama iran, u ghi dunmwu ivbi iran an, u ghi vbe wọlọ akpa hin ẹko ikhuohanmwẹ rre.”

Aizaia 19:22

E Nọyaẹnmwa gha rri ivbi Igipt oya, sokpan, ọ gha vbe mu iran egbe rran. Iran gha fiwerriẹ bu irẹn rre, rẹn ghi vbe mu iran egbe rran.

Jerimaia 2:19

Emwi dan uwa ọ re ọ ra rri uwa oya ne uwa na fi iyeke gbe mwẹ ọ re ọ ra bu abe uwa. Wa gha ruẹ vbene ọ rriara hẹ kevbe, vbene ọ ma gba hẹ ne uwa na hee mwẹ yotọ mẹ ne Nọyaẹnmwa ne Osanobua rua; vbene uwa i ghi na vbe ya ọghọ mẹ. Mẹ ne Nọyaẹnmwa ne Udazi, ne Oghodua taa ẹe nẹ.”

Jerimaia 4:1

E Nọyaẹnmwa khare wẹẹ, “Ivbi Izrẹl, adeghẹ wa ho ne uwa fiwerriẹ, wa fiwerriẹ, bu mwẹ gha dee. Adeghẹ wa viọ avbe amazẹ ni sọnnọ mwẹ kua, wa na mudia ke mwẹ ẹse,

Eve Orriara 5:16

Avbe emwi ne ima te ya ghan hia okpa ma ghi kẹe vbọ. Ma ru orukhọ nẹ, banbanna, ọghe ima fo.

Ezikiẹl 16:46

Ọtuẹn nokhuo nọdiọn, ke ẹe ke avbe igue ne ọ mwẹ, ọrọre Sameria ne ọ rre odẹ okuọ. Ọtuẹn nokhuo nekherhe, ke ẹe ke avbe igue ẹre, ọrọre Sọdom vbe odẹ ekẹn.

Ezikiẹl 33:11

Vbene aro na dae na wẹ mẹ ne Nọyaẹnmwa ne Udazi ọrọre Osanobua ne ọ rrọọ, ẹko i rhiẹnrhiẹn mwẹ ye uwu ọmworukhọ. Emwi ne ọ yẹ mwẹ sẹẹ ọrọre ne iran dobọ orukhọ ne a ru yi ne iran diagbọnya. Izrẹl, dobọ orukhọ ne a ru yi. Vbọzẹ ne u na ho ne u wu yi?

Ezikiẹl 33:14

I sẹtin tama ọmwa dan wẹ te ọ ra wu yọ, sokpan, a deghẹ ọ dobọ emwi dan ne a ru yi, ọ na suẹn gha yin ẹse, vbe ne ọ maa,

Hozia 10:12

Mẹ keghi kha wẹẹ, ‘Ya gua ehe ne ọ maa ọghe obọ ruẹ, kọ emwiokọ uhunmwu ẹmwẹ ne u vbe rhọ afiangbe ne ọ gha ladian vbe ekhọe esi ne u ya ga mwẹ. Ẹghẹ sẹe nẹ ne u ya bu mwẹ gha dee, mẹ ne Nọyaẹnmwa ruẹn, mẹ gha rre I ghi vbe do rhọ afiangbe yan ruẹn.’

Hozia 12:6

Rhunmwuda ọnii nian, wa ne ivbi uniẹn e Jekọb wa mu ẹtin yan Osanobua uwa ne uwa vbe hu ẹre gha dee. Wa mudia ẹse, wa gha ru emwi ẹmwata ne uwa ya i ziengbe mudia khẹ Osanobua uwa ne ọ guan yọ.

Hozia 12:8

‘Ma fe nẹ. Ma rri okpe ere, ọmwa ne ọ gha sẹtin gunmwa gui ẹe i rrọ wẹ odẹ omuru ọ re ima ya họn ẹfe.’

Hozia 13:9

“I gha fuẹn uwa ne ivbi Izrẹl ua! De Ọmwa ne ọ ghẹ ghi sẹtin ru iyobọ ne uwa?

Hozia 4:8

Orukhọ ne avbe emwa mwẹ ru ọ re uwa ya họn ẹfe, rhunmwuda ọnii, te uwa ghi ho ne iran kakabọ gha ru orukhọ yọ.

Hozia 5:5

Uhiomwẹ ivbi Izrẹl ya iran rrie. Orukhọ iran ọ re ọ ye iran rrua owẹ ne iran na dele. Ivbi e Juda keghi dele ba iran.

Hozia 6:1

Emwa ni khare wẹẹ, “Wa gie ima werriegbe bu e Nọyaẹnmwa. Ọ ru ima emwi nẹ, sokpan ẹ i mwẹ ọ ma mu ima egbe rran, ọ kuan ima nẹ, sokpan ọ gha gbalọ ima ẹwẹn ra u ma ro vberriọ?

Hozia 9:13

E Nọyaẹnmwa, mẹ bẹghe ẹre vbe a zọ uhio ivbi iran khian, a na vbe gha gbele iran an.

Hozia 9:7

Ẹghẹ ne a ya rri emwa oya rre nẹ, ẹghẹ ne a gha na ru emwa emwi ne ọ ma iran. Ọnii gha ghi sunu, Izrẹl gha vbe rẹn. Wa khare wẹẹ, “Akhasẹ na, akpa nọ, ọmwa ne a rhie ẹmwẹ ya giee ẹre uhunmwu na, te ọ mwẹmwẹ.” Wa na wa mu ohu mwẹ vberriọ, rhunmwuda, orukhọ uwa kpọlọ.

Emọs 1:13

E Nọyaẹnmwa khare wẹẹ, “Te ivbi Amọn wa gha ru orukhọ yan egbe yan egbe, rhunmwuda ọnii, I gha wa rri iran oya ye emwi na. Vbe okuo ne iran khọn ba ẹmwẹ otọ, uhin ighe te iran gha va ẹkpoliyẹkẹ ẹko vbe Giliad.