Hozia 13:2 - Edo Bible (E Baibol Ẹdo) Version 1996

² Te iran ra wa ye gha ru orukhọ khian, vbekpa ne iran gha na gha ye ematọn dunmwu emwi ne iran ra gha gho avbe amazẹ esiliva, ne emwa nagbọn ye ekhọe mwamwa, ne emwa nagbọn ye obọ ru, iran keghi vbe kha wẹẹ, “Wa ya gha zọ ese gie ẹe.” Vbe emwa gu ye unu soso avbe amazẹ vberriọ unu yi, avbe amazẹ ni ye vbe ẹkhuia ẹmila.

Hozia 13:2 Iomraidhean Croise

I Ọba 19:18

Sokpan, I gha sẹ arhiẹn arriaisẹn ihinrọn (7,000) rae vbe Izrẹl, emwa ni rhie egbe mu mwẹ, emwa ni ma he vbokho igue rre ne Bal ra ne iran ya unu soso amazẹ ẹre unu.”

II Krọnikol 28:13

Iran keghi kha wẹẹ, “Wa ghẹ viọ avbe oghunmwu ni rri edinran. Ma rukhọ ghe Nọyaẹnmwa nẹ, ma keghi ya ohu mu ẹẹn sẹ vbene ọ gha na rri ima oya. Banbanna nian wa ra vbe ru emwi ne ọ gha ya orukhọ ima kpọlọ sẹ ayọ.”

II Krọnikol 33:23

sokpan, aro irẹn ma rriotọ vbe ẹghẹikẹghẹ ne ọ vbe fiwerriẹ bu e Nọyaẹnmwa gha dee vbene erha ẹe ru, ọ keghi kakabọ ru orukhọ erha ẹe ẹsẹse.

Psalm 2:12

ne uwa vbe ya uhunmwu rhanmwẹ otọ ne ẹẹn. Ne uwa ghẹ gie ohu ya mu ẹẹn, wa ghi wulo uwu udomwurri. Afiangbe ọre ọghe iran hia, ni lẹgbinna ẹẹn.

Aizaia 1:5

Vbọzẹ ne uwa na sọtẹ khian vberriọ yi? Te uwa ho ne a ye rri uwa oya sẹẹ ọna ra? Izrẹl, ghe vbe ẹtẹ gba uwa uhunmwu hia. Orhiọn kevbe ekhọe uwa khuọnmwi.

Aizaia 30:1

E Nọyaẹnmwa guaan nẹ wẹẹ, “Ọghe iran ni khaemwisẹ yan Igipt fo nẹ rhunmwuda, iran sọtẹ mwẹ. Uviẹn ne I ma vin ọ re iran lele. Iran ghi vbe ya gha gu emwa ke ọta ne I i ma kue yi, iran ghi gha kun orukhọ yan orukhọ.

Aizaia 44:11

Emwa hia ni gho ẹre a gha ru iran emwi oya, avbe emwa ni ru amazẹ, emwa nagbọn kẹkan ọ re iran khin, iran ma vbe gberra vberriọ. We ne iran gha dee ne iran do mudia ye erhan ẹzọ, iran gha runran, ekhue ghi vbe mu iran.

Aizaia 45:20

E Nọyaẹnmwa khare wẹẹ, “Wa do si egbe koko, wa ne emwa ni rre uhunmwu ẹvbo, wa hia ni miẹn uhunmwu vbe arriọba nọkhua ni de. Wa ladian ne a do gui ẹzọ uwa. Iran ni gha mu amazẹ erhan, hẹ yo hẹ rre iran na gha na erhunmwu ghe ẹbọ ne ẹ i ra sẹtin miẹn iran fan, emwa nii ma zẹdẹ rẹn emwi rhọkpa hiehiere.

Aizaia 46:6

Emwa ghi rhan ẹsiso iran iran ghi viọ igoru ladian, iran ghi ya mwa esiliva vbe esike iran ghi tie ogun ẹrọnmwọ ne ọ do dunmwu ẹbọ ne iran, iran ghi ya uhunmwu rhanmwẹ otọ iran ghi gha ya uhunmwu rhanmwẹ otọ iran ghi gha gho ẹre.

Aizaia 46:8

“Wa ye ọna rre, wa ne emwa orukhọ wa ghi ro iwinna ne imẹ winna ẹn.

Jerimaia 10:4

A ghi do ya esiliva kevbe igoru tee iran, a ghi ya ise kaan rẹn ginna otọ ne a ya daeyi ne ọ ghẹ de.

Jerimaia 10:8

Akpa vbe abobo ọ re iran hia khin. De ẹwaẹn ne iran ra miẹn ruẹ vbe ukhurhẹ?

Jerimaia 8:5

Emwa mwẹ vbọzẹ yi ne uwa na fi iyeke gbe mwẹ wa i ghi dọlegbe werriegbe? Wa rhikhan mu ẹbọ uwa, wa ma ghi dọlegbe bu mwẹ gha dee.

Hozia 10:1

Te ivbi Izrẹl te yevbe erhan azara ne ọmọ gba ẹre uhunmwu. Vbene emwi ya gha maa ne iran, erriọ ọ re iran ya gha bọlọ Ogiukpo yọ. Vbene emwiokọ iran ya gha maa yọ, erriọ iran ya gha te ẹre egbe yọ ighẹ avbe okuta ẹbọ ne iran gho.

Hozia 10:5

Ohan gha mu emwa ni rre ore Sameria, iran ghi vbe gha khiẹ ye ẹmwẹ ẹkhuia ẹmila ne iran ya igoru ma mu ye Bẹtẹl, iran kevbe avbe ohẹn ni gho nene amazẹ gha viẹ ẹsẹse. Iran gha go ugomwẹ eve vbe ẹghẹ ne a gha na bannọ ẹre ose igoru ẹre hẹ kua.

Hozia 11:2

Sokpan vbene I ya gha tie ẹre, erriọ ọ re ọ ya gha lẹ mẹ. Emwa mwẹ zọ ese ne Baal, iran giẹn eturari ne amazẹ.

Hozia 11:6

Okuo gha khọn la ore iran, ọ ghi guọghọ urho ne a la la ẹvbo kua. Ọ gha rẹnkhẹn emwa mwẹ rhunmwuda, emwi ne iran ro ighe ọ maa sẹ vbe ekhọe iran ọ re iran ru.

Hozia 14:3

Asiria i sẹtin miẹn ima fan hiehiere, avbe ẹsin okuo i vbe sẹtin degue ima. Ma i ghi dọlegbe tama avbe ẹbọ ima ẹdẹ wẹ iran ọrọre Osanobua mwa. Nọyaẹnmwa, wẹ wa tohan emwa hia ni i mwẹ ọmwa ọvbehe ne ọ ra lẹ bu.”

Hozia 2:8

Rẹn I ra miẹnkue ighe mẹ ọ re ọ rhie ọka kevbe ayọn kevbe ofigbọn oliv ne ẹẹn, deba esiliva kevbe igoru hia ne ọ ya gho e Baal.

Hozia 4:17

Ekanse ọghe ẹbọ ọ re ọ mu ivbi Izrẹl na. Wa gie iran gha ru ọghe iran khian.

Hozia 8:4

“Avbe emwa mwẹ zẹ ọba, sokpan, ọghe negbe iran ọ re iran ru, iran vbe zẹlẹ avbe ọkaolotu sokpan, ẹ i re ne imẹ kue yi. Iran viọ esiliva kevbe igoru iran, iran keghi mannọ ẹbọ ne iran ra ya fuan ne egbe iran.

Hozia 8:5

Ẹkhuia ẹmila igoru ne emwa e Sameria gho wa sọnnọ mwẹ. Ohu iran wa kakabọ mu mwẹ vbe ọ ra kpee sẹ hẹ yi iran ke do mu ẹbọ ne iran gho fua?

Hozia 8:6

Owinna ne ovbi Izrẹl ọ re ọ ma amazẹ nii, ẹ i vbe zẹdẹ re ẹbọ hiehiere. Iran gha rẹnkhẹn ọẹn ruan ighe ẹbọ igoru ne iran gho vbe Sameria.

Nọmbas 32:14

Banbanna nian, wa vbe rhie ihe erha uwa, orre ọgbọn ọ ghe emwa orukhọ, emwa ni wa vbe mu egbe ne iran vbe tie okuosu e Nọyaẹnmwa dọlegbe yan Izrẹl uhunmwu.

Ebe ne Pọl gbẹẹn gie emwa Rom 11:4

De ewanniẹn ne Osanobua ghi rhie nẹẹn? Ọ wẹẹ, “I ye mwẹ arhin arriaisẹn ihinrọn, emwa ne ọ ma ya uhunmwu rhanmwẹ otọ ne Bal ne ẹbọ ohoghe.”

Ebe ne Pọl gbẹẹn gie emwa Rom 2:5

Sokpan ẹkoko udu ne ọ ze kevbe ne ọ wo vbe egbe ọre u mwẹ. Rhunmwuda ọnii te u yae kpọlọ yọ ighẹ oya ne a gha rriọ re vbe ẹdẹnẹdẹrriọ ne izohu Osanobua kevbe ihuohiẹn emwata ẹre gha rhie egbe maa.

II Timoti 3:13

Sokpan avbe emwa dan kevbe ayunukpaegbe ghi gha rhia yọ rhia yọ, iran ghi gha mu emwa ọvbehe rẹrẹ, a ghi vbe gha mu iran tobọ iran rẹrẹ.

I Samuẹl 10:1

Ẹre Samuẹl na mu ovbi ẹluba ori, ọ na hihiẹe yan e Sọl uhunmwu, ọ mu ẹre unu hiẹnhiẹn, ọ wẹẹ, “E Nọyaẹnmwa nọnọ ori yan ruẹn, ne u gha re ne ọ khaemwisẹ yan emwa Izrẹl ne emwa rẹn. U gha khaemwisẹ yan avbe emwa rẹn, u ghi fannọ iran ye otọ hin obọ iran ne eghian iran hia rre. Emwi ne a gha ya yi ama yọ wẹ te Nọyaẹnmwa gele zẹ ruẹ ne u gha khaemwisẹ yan iran ne emwa rẹn ọ re ọna khin.