Hozia 13:13 - Edo Bible (E Baibol Ẹdo) Version 1996

¹³ Ẹghẹ te wa gha rrọ ne Izrẹl gha na miẹn uhunmwu, sokpan ukọnmwẹ ma gie ẹe lo ẹre, ọ yevbe ọmọ ne a ra biẹ ne ọ wẹ rẹn ighi ke ẹko ladian.

Hozia 13:13 Iomraidhean Croise

II Ọba 19:3

Uhunmwu ne ọ gie iran re gie Aizaia ọ re ọ na khin wẹẹ, “Ẹdẹ nẹrẹ na, ẹdẹ irrioya nọ, te a rri ima oya na, a vbe fa ima an. Ma ye vbe okhuo ne emwi ubiẹmwẹ ru ne ọ ma sẹtin biẹ.

Psalm 48:6

Evba ọ re oguozizi kevbe irriakọn na dobọ mu iran ẹkun. Zẹvbe okhuo ne emwi ubiẹmwẹ ru.

Itan 22:3

Emwa ni wan gha miẹn wẹ orueghe dee, iran ghi rhie uhunmwu iran lẹre, sokpan, ọmwa ne ẹ i ro iro ghi wa ya owẹ khian larọ, ọ ghi ya gha gbe ima rẹn vbe okiekie.

Aizaia 13:8

Ehia gha runran, obalọ ghi la iran egbe, zẹ vbe obalọ okhuo ne emwi ubiẹmwẹ ru. Iran gha ya ohan tanro ye egbe egbe, ekhue ghi giẹn iran aro hia a.

Aizaia 21:3

Emwi ne I họẹn kevbe ne I miẹn vbe umian nii, sii ohan kevbe obalọ yọmwẹ egbe, obalọ ne ọ yevbe ọghe okhuo ne emwi ubiẹmwẹ ru.

Aizaia 26:17

Nọyaẹnmwa, wẹ ọ re ọ ya ima tu ladian zẹ vbene okhuo ne emwi ubiẹmwẹ ru tu ladian vbe obalọ.

Aizaia 37:3

Vbene ọ wẹ ne iran tama Aizaia ọ re ọna khin: “Ẹdẹ irrioya ọ re ẹdẹnẹrẹ na wa khin, a wa rri ima oya, a fa ima an. Ma ye vbe okhuo ne ọ te ra biẹ, sokpan orhiọn i rrọ ẹre re ne ọ gha ya biẹ ọe.

Aizaia 66:9

Ghẹ gha ro wẹ mẹ gha viọ emwa mwẹ sẹ ọ kẹe ekherhe ne a biẹ iran, ne I ghẹ vbe gia biẹ iran.” E Nọyaẹnmwa tae nẹ.

Jerimaia 13:21

A deghẹ avbe emwa ne u tie ẹre ọse ruẹ ghi khọn ruẹn, iran na gha khaemwisẹ yan ruẹn, vbe u a ra kha hẹ. U ghi do gha rre uwu obalọ, zẹ vbe okhuo ne emwi ubiẹmwẹ ru.

Jerimaia 22:23

Ẹkun te wa sẹ uẹ otọ vbe uwu ẹbu sida ne a viọ ke Lebanọn rre sokpan, nian, ọ so uẹ vbe obalọ a vba ruẹ, obalọ ne ọ yevbe ọghe okhuo ne emwi ubiẹmwẹ ru.

Jerimaia 30:6

Banbanna nian, wa mudia ne uwa ro iro. Okpia gha hanmwa ọmọ biẹ ra? Vbọzẹ ne I na bẹghe avbe ikpia yi ni viọ obọ yan ẹko iran, vbe okhuo ne emwi ubiẹmwẹ ru? Vbe ehia ghi na fua banbanban hẹ?

Jerimaia 4:31

I họn urhu eve ọkpa, ọ yevbe ọghe okhuo, ne emwi ubiẹmwẹ ru, vbe ọ khian biẹ ọmọ okaro. Utumwẹ e Jerusalẹm nọ, ọ gha hẹwẹ ukuke, o nien obọ ladian gha kha wee, “I wiri! Iran ra do gbe mwẹ uan.”

Jerimaia 49:24

Te ivbi e Damaskọs ghi mitan, iran ye afianma lẹ kua. Iran rre uwu obalọ kevbe omanọ, zẹvbe okhuo ne emwi ubiẹmwẹ ru.

Hozia 5:4

Emwi dan ne emwa ni ru ma ghi gie iran dọlegbe bu Osanobua iran gha dee. Ẹbọ ne a gho la iran uhunmwu nẹ, iran ma ghi vbe kha ighe iran rẹn e Nọyaẹnmwa.

Iyẹn ne ọ Maan Ọghe Jọn 16:21

Emwi ubiẹmwẹ gha ru okhuo, egbe i rọkhọ ẹe, rhunmwuda ẹghẹ ne ọ gha ya rri oya sẹ nẹ, sokpan, ọ ghẹ ghi biẹ ọmọ nii nẹ, ẹ i ghi ye obalọ rre rhunmwuda, ọ biẹe rhie mwẹ.

Iyẹn ne ọ Maan Ọghe Jọn 5:4

Rhunmwuda ẹghẹ hia ọre odibo e Nọyaẹnmwa ya tuorre la uwu odighi nii ya gha tughu amẹ ọnrẹn, ọkhọnmwọ ne ọ ghi rhirhi ka la uwu amẹ nii vbe a ghi tughu ẹe nẹ, ọ ghi fe vbe obọ emianmwẹ ne ọ rhirhi a gha khuọnmwi.]

Iwinna 24:25

Sokpan Pọl ghi suẹn gha ta ẹmwẹ uyinmwẹ esi, a mu egbe ye ọghọ kevbe Ẹdẹ Ibuohiẹn, ohan kegha mu e Fẹlis, ọ na kha wẹẹ, “U sẹtin gha khian nẹ, I gha dọlegbe tie ruẹ vbe i a miẹn obọ.”

II Kọrinti 6:2

Wa họn vbene Osanobua kha hẹ: “I họn ọwua vbe ẹghẹ ne I ya ru uwa ẹse: I ye uwa obọ vbe ẹdẹ imiẹnfan.” Wa danmwehọ nian, ẹghẹ ne a ya miẹn aro ne ọ maa Osanobua ọna khin na, ẹdẹ nẹ rẹ ọrọre ẹdẹ imiẹnfan.

Diuteronomi 32:6

Erriọ ọ re uwa ra ru e Nọyaẹnmwa ra, wa ne akpa ne ẹ i mwẹ ẹwaẹn? Rẹn ọrọre erha uwa, ọmwa ne ọ yi uwa, rẹn ọ re ọ ya uwa khian okpẹvbo.

I Tẹsalonaika 5:3

Ẹghẹ, ne emwa gha na gha kha wẹẹ, “Ore wa ma nian, ẹbe i rre odẹ,” Orriọkhọ ghi de gbe iran vbe udomwurri. Ọkpa ne ọ ra miẹn uhunmwu ẹ i rrọọ, te ọ ra ye vbe obalọ okhuo ne emwi ubiẹmwẹ ru.