Hozia 12:9 - Edo Bible (E Baibol Ẹdo) Version 1996

⁹ Sokpan, mẹ ne Nọyaẹnmwa ne Osanobua uwa, ne ọ viọ uwa ke Igipt ladian gha dee, I gha dọlegbe ru ẹe ne uwa dọlegbe ya gha di okhogbo ya. Zẹ vbene uwa gha ru ẹe vbe ẹghẹ ne I na bu uwa rre vbe uwu ato.

Hozia 12:9 Iomraidhean Croise

Gẹnẹsis 25:27

Emọ ikpia na keghi do wan, Isọ kegha re ohuẹ ẹmwata ne ọ la ehe hia khian, sokpan e Jekọb kegha re ọmwa ne ọ hunwan ne ọ vbe di owa ya.

II Samuẹl 7:2

Ẹre ọba na tama e Natan ne akhasẹ wẹẹ, “Ghe, mẹ rre owa ne a ya sida bọ, sokpan, Ẹkpẹti Ile ọghe Osanobua rre uwu owa ukpọn.”

Ẹzra 3:4

Iran kevbe ru Emwiukpo Irhu zẹ vbene a mwamwa ẹẹn yi. Ẹdẹgbegbe ọ re iran ya zọ ese ne a vbe mwa ye ẹdẹ nii.

Psalm 49:7

Ọmwa ọkpa ne ọ gha sẹtin dẹ egbe ẹre werriegbe i rrọọ. Ẹ i sẹtin ha osa ive orhiọn rẹn werriegbe ne Osanobua.

Psalm 81:10

Mẹ ọrọre Nọyaẹnmwa ne Osanobua uwa, ne ọ viọ uwa ke otọe Igipt ladian, wa rhan unu uwa, I gha koko uwa.

Ẹksọdọs 20:2

Mẹ ọrọre Nọyaẹnmwa Osanobua ruẹ ne ọ rhie ruẹ ladian hin otọe Igipt rre, lahin owa ọviọnmwa.

Itan 30:12

Emwa eso rrọ ni ro wẹ te iran wa huan, vberriọ te iran wa gbe iruẹn sẹlẹkẹ.

Jerimaia 35:7

Ọ vbe tama ima wẹ ne ima ghẹ bọlọ owa ra ne a vbe mu ugbo ra ne a vbe mu ugbo azara, ra na a vbe dẹ. Ọ tama ima ne a gha di owa ukpọn ya ne ima miẹn ehe na gha rre ẹvbo ne ima ye na zẹ vbe erriọvbe.

Jerimaia 5:27

Zẹ vbene ohuẹ viọ ahianmwẹ vuọn okhuae ẹre, erriọ ọ re iran viọ emwi ne iran furu vuọn owa iran. Ọnii ọ sii ẹe ne iran na fee kevbe ne iran na vbe mwẹ ẹtin.

Hozia 11:1

E Nọyaẹnmwa khare wẹẹ, “Ẹghẹ ne Izrẹl na re ọvbokhan, I keghi gha hoẹmwẹ ọnrẹn, I keghi tie ẹre ke Igipt rre, zẹ vbe ovbi mwẹ nokpia.

Hozia 13:4

E Nọyaẹnmwa khare wẹẹ, “Mẹ ọrọre Nọyaẹnmwa ne Osanobua rua ne ọ viọ uwa ke Igipt ladian. Wa imwẹ Osanobua ọvbehe gberra imẹ, mẹ ọkpa kẹkan ọ re ọ vbe re ọmiọnmwafan uwa.

Hozia 2:15

I gha mu ogba azara ne ọ kagha mwẹ dọlegbe nẹẹn, I ghi ya Iya orueghe khian Onurho idaehọ ne ẹẹn. Ọ gha zẹ yọmwẹ re vbe odọ niii zẹ vbene ọ ka gha ru ẹghẹ ne ọ na ye kherhe, ẹghẹ ne ọ na ke Igipt rre.

Levitikọs 19:36

Wa gha lo uwan ẹmwata, ukhuamwẹ ẹmwata ke omwa ẹmwata. Mẹ ọre Nọyaẹnmwa Osanobua rua, te I dẹ uwa ke otọ Igipt gha dee.

Levitikọs 26:13

Mẹ ne Nọyaẹnmwa Osanobua rua ọ re ọ viọ uwa ke Igipt ladian ne uwa ghẹ ghi gha re eviẹn ọvbehe. I guọghọ ẹtin ne ọ te de uwa ginna otọ, I na gie uwa gha khian vbe ne uwa na tọn uhunmwu uwa mu ẹsẹse.”

Maika 6:4

I viọ uwa ke Igipt ladian, I fannọ uwa hin ọviẹn rre. I gie Mosis, Errọn kevbe Miriam, ne iran su uwa gha khian.

Zẹkaraia 11:5

Iran ni yan iran gbele iran, a ma vbe ru iran emwirhọkpa. Iran khiẹnnẹ emiowo iran, iran keghi vbe kha wẹẹ, ‘Wa rho e Nọyaẹnmwa, ma fe nẹ, uhin ighẹ avbe ọsuohuan iran ma tohan iran hiehiere.’ ”

Nọmbas 15:41

Mẹ ọ re Nọyaẹnmwa Osanobua rua. Te I viọ uwa ke Igipt ladian ne I do gha re Osanobua uwa. Mẹ ọ re Nọyaẹnmwa.”

Iyẹn ne ọ Maan Ọghe Jọn 7:2

Emwiukpo Ibu agọ ọghe avbe Ju keghi sikẹ otọ.