Hozia 12:8 - Edo Bible (E Baibol Ẹdo) Version 1996

⁸ ‘Ma fe nẹ. Ma rri okpe ere, ọmwa ne ọ gha sẹtin gunmwa gui ẹe i rrọ wẹ odẹ omuru ọ re ima ya họn ẹfe.’

Hozia 12:8 Iomraidhean Croise

Psalm 49:6

Kevbe avbe emwa dan ni mu ẹtin yan ẹfe ne iran na vbe ya ẹfe iran ghagha.

Psalm 52:7

“Wa ghe ẹre ighẹ okpia ne ọ ma lẹ gbinna Osanobua, sokpan ọ keghi mu ẹtin yan ẹfe ẹre nibun. Ọ na wẹ uyinmwẹ dan rẹn ra ya gbe ẹkun sẹ otọ.”

Psalm 62:10

Ghẹ mu ẹtin yan uyimwẹ ika ghẹ rhie aro ye ere vbe oyi ne a rha, a deghẹ ẹfe ruẹ vbe muan yọ, ghẹ mu ẹtin yan rẹn.

Itan 11:1

Osanobua i ho ẹmwẹ emwa ni ya esike omuru mwa emwi. emwi ne a mwa ẹse ọ re ọ ye ọre.

Itan 30:12

Emwa eso rrọ ni ro wẹ te iran wa huan, vberriọ te iran wa gbe iruẹn sẹlẹkẹ.

Itan 30:20

Emwi ne okhuo ne ọ ma gua obọ ọdọ ru ọ re ọna khin: ọ ghi ya ghẹ, iyeke ọnii, ọ ghi ya khuẹ, ọ ghi kha wẹẹ, “I ma ru a i ghẹ ru!”

Jerimaia 2:23

Vbe uwa ghi ra tae hẹ yi ighe wa ma ru awua, wẹ, wa ma he gho e Baal ẹdẹ. Wa ghe vbene uwa ru orukhọ hẹ vbe uwu iya, wa ghe emwi ne uwa he ru, te uwa ye vbe ede amwẹ vbe ẹghẹ owowo, wa gha rhulẹ yo rhulẹ rre vbe ne a ma na gbe odẹ,

Jerimaia 2:35

Te uwa ye kha wẹẹ, ‘I ma rẹn okpa I ma rẹn eva, e Nọyaẹnmwa i ghi mu ohu mwẹ ọvbehe.’ Sokpan, mẹ ne Nọyaẹnmwa gha rri uwa oya, rhunmwuda ne uwa na siẹn ne uwa na tae na ighe wa ma rukhọ.

Jerimaia 5:27

Zẹ vbene ohuẹ viọ ahianmwẹ vuọn okhuae ẹre, erriọ ọ re iran viọ emwi ne iran furu vuọn owa iran. Ọnii ọ sii ẹe ne iran na fee kevbe ne iran na vbe mwẹ ẹtin.

Ezikiẹl 28:5

U ru emwamwa ẹwaẹn ọghe ẹki, u na gha rriere nibun. A miẹn vbene u ya ẹfe ruẹ rhuọ hẹ!

Hozia 13:6

Sokpan, wa ghi la otọe esi nii nẹ, ẹko keghi vuọn uwu, ọ keghi vbe sẹ uwa ọkẹn, wa keghi do gha hio, wa na mianmian mwẹ.

Hozia 14:1

Wa werriegbe bu e Nọyaẹnmwa ne Osanobua uwa gha dee, wa ne ivbi Izrẹl. Orukhọ uwa gie uwa rrua owẹ nẹ, wa keghi vbe dele.

Hozia 4:8

Orukhọ ne avbe emwa mwẹ ru ọ re uwa ya họn ẹfe, rhunmwuda ọnii, te uwa ghi ho ne iran kakabọ gha ru orukhọ yọ.

Emọs 8:5

Wa ghi gha tama egbe wẹẹ, “Ma gha sẹtin mudia ne irhiẹdẹ fo nẹ ma keghi ya gha khiẹnnẹ avbe ọka ima? De ẹghẹ ne Ẹdẹ Ikẹtin ra ya gberra yi ne ima miẹn ehe na suẹn emwi gha khiẹn? Ẹghẹ nii, ma ghi fian yan emwi hia, ma ghi gha ya omwa ne ọ ma gba mwa emwi, ma ghi mu esike ye vbene ọ gha ya mu emwa ni gu ima dẹlẹ emwi ru.

Habakọk 1:16

Uhin ighe te iran wa gho ọga iran, iran ghi vbe gha zọ ese ne iran, rhunmwuda, ọga iran ọ re ọ rhie emwi ne ọ ghi maa sẹ ne iran vbe emwi hia.

Zẹkaraia 11:5

Iran ni yan iran gbele iran, a ma vbe ru iran emwirhọkpa. Iran khiẹnnẹ emiowo iran, iran keghi vbe kha wẹẹ, ‘Wa rho e Nọyaẹnmwa, ma fe nẹ, uhin ighẹ avbe ọsuohuan iran ma tohan iran hiehiere.’ ”

Malakai 2:17

Te egbe etalọ ne uwa talọ ghi wọ e Nọyaẹnmwa. Sokpan, wa ghi vbe nọ wẹẹ, “Vbe ima ya ya egbe wọ ẹre hẹ yi?” Vbe ekpa ne uwa na kha wẹẹ, “E Nọyaẹnmwa ne Oghodua ro wẹ emwa esi ọre emwa hia ni ru; emwi dan khin, vbe ẹmwata, ọ wa ho ẹmwẹ iran.” Ra ne uwa na kha wẹẹ, “Rẹn ghi vbo yi ighẹ nene Osanobua ne a wẹ ẹmwata nọ?”

Malakai 3:13

E Nọyaẹnmwa khare wẹẹ, “Ẹ i re avbiẹ ẹmwẹ dan wa he talọ vbe ekpa mwẹ. Sokpan, wa keghi vbe nọ wẹẹ, ‘De ẹmwẹ ne ima tae vbe ekpa ruẹ?’

Iyẹn ne ọ Maan Ọghe Luk 10:29

Sokpan ne ọmaemwa uhi ni keghi ho ne irẹn rhie maa ighẹ rẹn yin ẹse, ọ keghi rhunmwuda ọnii nọ Jesu wẹẹ, “Gha ọre ogieva mwẹ?”

Iyẹn ne ọ Maan Ọghe Luk 12:19

I ghi tama egbe mwẹ wẹẹ, Uhunmwu ne ọ maa! Emwi esi ne ọ gha tọ la ukpo ni bun rre uẹ otọ nẹ nian, si orhiọn koko, gha re, gha da ne u gha zọmọ!’

Iyẹn ne ọ Maan Ọghe Luk 16:13

“Ọguọmwadia ọkpa ne ọ gha sẹtin ga arowa eva ẹ i rrọọ, ọ gha ho ẹmwẹ ọkpa ọ ghi gha mu ohu enọkpa, ọ gha mwẹ ekhọe esi ghe ọkpa ọ ghi gha zan nọkpa. Wa i sẹtin ga Osanobua ga igho.”

Iyẹn ne ọ Maan Ọghe Luk 16:15

Jesu keghi khama iran wẹẹ, “Wa na ọre ọ rhie egbe ma emwa ne agbọn zẹ vbe emwata, sokpan Osanobua rẹn ekhọe uwa. Rhunmwuda, emwi ne emwa ne agbọn ghe gẹdẹgbẹ, ọ ma sẹ emwi rhọkpa vbe odaro Osanobua.

Diuteronomi 8:17

Rhunmwuda ọnii, wa ghẹ ro ighẹ ẹtin kevbe iwegbe obọ uwa ọ re uwa ya họn ẹfe ne egbe rua.

I Timoti 6:17

Tama iran ni fe vbe emwi agbọn na wẹ, ne iran ghẹ tọn egbe mu, kevbe wẹ, ne iran ghẹ mu ẹtin yan egbe emwi ne ọ mu yo mu rre vbe ne ẹfe ye, sokpan ne iran mu ẹtin yan Osanobua, ọmwa ne ọ viọ emwi hia ne ima wọrhọwọrhọ ne a ya gha zọmọ.

I Timoti 6:5

Igbeagbanmwẹ ne iran muhẹn ighẹ emwa ne ekhọe ẹre sohie nẹ, ẹmwata i ghi vbe rre iran unu. Iran ro ighẹ iyayi, emwi ne a ya gualọ igho ọre nọ.

Arhie Maan 3:17

U khare wẹ, ‘I fe nẹ, obọ gue mwẹ, emwi ne I ho gba mẹ.’ Sokpan, u ma rẹn ighẹ agbọn ọrhiae ne a gbe ọsọre na, ọre u ye. Ovbiogue ọre u khin, te u bannọ uan, te u rhu aro.