Hozia 12:7 - Edo Bible (E Baibol Ẹdo) Version 1996

⁷ E Nọyaẹnmwa khare wẹẹ, “Emwa nii vbe zẹ ibeleku zẹ vbene ivbi e Kenan ye ọ re ivbi Izrẹl wa khin. Esike ne ẹ i maa ọ re iran ya mu emwa ni gu iran do ẹki ru. Iran ghi gha kha wẹẹ,

Hozia 12:7 Iomraidhean Croise

Gẹnẹsis 49:18

I diakhẹ ẹghẹ imiẹnfan ruẹn Osanobua.

Itan 11:1

Osanobua i ho ẹmwẹ emwa ni ya esike omuru mwa emwi. emwi ne a mwa ẹse ọ re ọ ye ọre.

Itan 16:11

E Nọyaẹnmwa ho ne emwi ne a mwa rẹn hia, ọghe ubunmwẹ kevbe ọghe ukhuamwẹ ne ọ gha re ọghe ẹmwata, kevbe ne emwi ne a khiẹn hia gha re vbene ọ kei yi.

Aizaia 3:5

Edọmwadẹ ọghọe ghi gha gbe ogieva ẹre rhu. Avbe igbama i ra ghi gha ya ọghọ ne eniwanrẹn, deba re avbe ivbivbi emwa nii i ghi ra gha yọghọ ne emwa ni sẹẹ iran.

Aizaia 56:1

E Nọyaẹnmwa tama emwa rẹn wẹẹ, “Wa gha ru emwi ẹmwata kevbe ne ọ gbae, rhunmwuda, ẹ i ghi rrei ban I do miẹn uwa fan.

Ezikiẹl 16:3

Tama e Jerusalẹm, emwi ne Nọyaẹnmwa tama rẹn na wẹẹ: “Otọe Kenan ọ re a na biọ. Ovbi Amọri ọre erha gha khin, iye uẹ ke gha re ovbi e Hiti.

Ezikiẹl 22:29

Iran ni fe rha, iran do oyi. Iran ye obọ dan mu avbe ivbiogue, iran keghi vbe mu avbe orhunmwuyẹn vbuẹvbuẹ.

Ezikiẹl 28:5

U ru emwamwa ẹwaẹn ọghe ẹki, u na gha rriere nibun. A miẹn vbene u ya ẹfe ruẹ rhuọ hẹ!

Hozia 14:2

Wa bu e Nọyaẹnmwa werriegbe gha dee, wa gie erhunmwu na gha re emwi ne uwa gha ya ha oko gie ẹe wẹẹ, “Ya orukhọ ima hia bọ mwa, ne u vbe rhan obọ miẹn erhunmwu ima hia. Ma gha vbe rho ruẹ zẹ vbene ima yan rẹn.

Joẹl 2:12

“Sokpan, vbene emwi hia ye ye na, wa fiwerriẹ ne uwa bu mwẹ gha dee, ekhọekekhọe hia, deba aguẹ, kevbe eve kevbe akhiẹ.” Erriọ Nọyaẹnmwa khare:

Emọs 2:7

Iran ye owẹ rrilo ovbiogue kevbe ne ẹ i mwẹ ginna otọ, iran keghi vbe sua ovbiogue hin urodẹ rre. Ọmọ kevbe erha ẹe ghi gha gu ọmọ okhuo ọviẹn ọkpa ru emwi, iran na la ekpa ọnii ya iruẹn ye eni mwẹ nọhuanrẹn.

Emọs 3:9

Wa tama iran ni rre ẹguae vbe Igipt kevbe Asdọd wẹẹ: “Wa ya si egbe koko ye oke ni rre ọkpẹn e Sameria ne uwa ya ghe otighi kevbe emwi dan ne iran ru vbe evba.”

Emọs 4:1

Wa danmwehọ ẹmwẹ na, wa ne ikhuo e Sameria, ni ti ye egbe vbe ẹmila ne a koko vbe Basian, ni ru emwa ni ma wegbe khọ, ni wọ avbe ivbiogue uhunmwu, ni nọ wẹ ne avbe ọdafẹn iran gha dẹ ayọn gie iran.

Emọs 5:11

Wa wọ avbe ivbiogue uhunmwu, wa keghi vbe do iran ọka viọ. Rhunmwuda ọnii, wa i yin owa okuta ne mose mose ne uwa bọlọe, ra na uwa da ayọn ne ọ ke ugbo azara ne uwa gbe rre.

Maika 2:1

Umiẹn vbe ọ gha ba so iran hẹ ighe iran ne ẹ i miẹn ovbe vbe iran a lovbiẹ rhunmwuda emwi dan ne iran mwamwa vbe ekhọe! Iran gha wa miẹn ẹkpotọ ọwarọkpa vbe owiẹ, iran ghi ru emwi ne iran mwamwaẹn.

Maika 7:2

Ọmwa ẹmwata ọkpa ma ghi ke ẹe vbe otọe nii, ne ọ ye ekhọe ga Osanobua i ghi rrọ. Dọmwadẹ ọghe ọe wa gualọ ehe ne ọ gha na de izigha. Dọmwadẹ ọghe ọe wa ru ohuẹ ovbi ẹvbo ẹre.

Zẹkaraia 14:21

Uwawa ne a ya le evbare hia vbe Jerusalẹm kevbe Juda, a gha zẹ ehia kọ ye ne a ya ga e Nọyaẹnmwa ne Oghodua. Iran ni do zọ ese gha ya ẹe le emiowo ne iran ya zọ ese. Ọ gha sẹ ẹghẹ nii, a i ghi miẹn avbe emwa ni do ẹki vbe uwu Ọgua Osa ọghe Nọyaẹnmwa ne Oghodua.

Zẹkaraia 5:8

Odibosa nii keghi kha wẹẹ, “Okhuo na mudia ye ihe uyinmwẹ dan.” Rẹn keghi rrua okhuo nii gbe otọ vbe uwu okhuae nii, ọ na mu ugue ẹre rhu ẹe.

Zẹkaraia 7:9

“Vbe ẹghẹ ne ọ kpee fua, I keghi gu avbe emwa mwẹ guan wẹẹ, ‘Wa gia miẹn wẹ vbene ọ khẹke ọ re a ru emwi yi wa ghi vbe gha tohan egbe, wa ghi gha mwẹ ẹnina egbe.

Malakai 3:5

E Nọyaẹnmwa ne Oghodua khare wẹẹ, “I gha ladian vbe uwu ẹbu uwa ne I do bu ohiẹn. I gha wa sẹ osẹe gbe iran ni ru e emaziki awan, iran ni ghẹ, iran ni sẹ osẹe ohoghe, iran ni gbe igho emwa ne iran ya winna rhu, iran ni mu avbe ẹgbẹe ru kevbe emọ ne ẹ i mwẹ erha, kevbe avbe erhunmwuyẹn, kevbe iran hia ne ẹ i da mẹ.”

Iyẹn ne ọ Maan Ọghe Jọn 2:16

Ọ keghi tama iran ni khiẹn elikhukhu wẹẹ, “Wa viọ iran hin emwa rre, wa ghẹ ya owa Erha mwẹ khian ẹki.”

Jems 5:4

Wa ma he ha osa ne iran ne uwa ya gbe ugbo. Wa gha họn vbe ne iran gui hẹ! Eve ne iran ni rhọ emwiokọ uwa ne uwa viẹ, sẹ ehọ Osanobua nẹ, Nọyaẹnmwa ne Oghodua.

I Samuẹl 12:3

Ghe mwẹ vbe emwa na. A deghẹ I ru aghẹru, wa gun mwẹ gui ẹe nian vbe odaro e Nọyaẹnmwa kevbe ọba ne ọ zẹe. I miẹn ọmwaikọmwa ẹmila ra ekẹtẹkẹtẹ ra? Ọmwa ne I mu ru ra ne I ye obọ yẹn ọnrẹn ẹho rrọọ ra? De ọmwa ne I miẹn igho erinmwian vbe obọ ẹre? A deghẹ I ru emwi vbenian, I gha ha ẹre werriegbe ighẹ emwi ne I rhiere.”