Hozia 12:6 - Edo Bible (E Baibol Ẹdo) Version 1996

⁶ Rhunmwuda ọnii nian, wa ne ivbi uniẹn e Jekọb wa mu ẹtin yan Osanobua uwa ne uwa vbe hu ẹre gha dee. Wa mudia ẹse, wa gha ru emwi ẹmwata ne uwa ya i ziengbe mudia khẹ Osanobua uwa ne ọ guan yọ.

Hozia 12:6 Iomraidhean Croise

Gẹnẹsis 49:18

I diakhẹ ẹghẹ imiẹnfan ruẹn Osanobua.

Psalm 123:2

Zẹ vbene ọguọmwadia ye egbe yan arowa ẹre, zẹ vbene ọguọmwadia okhuo ye egbe yan aro wa ẹre nokhuo, erriọ ma khian gha ghe ruẹ obọ Nọyaẹnmwa Osanobua mwa a te do miẹn wẹ u tohan mwa.

Psalm 27:14

Mu ẹtin yan e Nọyaẹnmwa, gha mwẹ iyayi ghẹ gie ẹtin fo uẹ mu ẹtin yan e Nọyaẹnmwa.

Psalm 37:7

Zin egbe ne u rhie ẹghẹ ne Nọyaẹnmwa ya winna. Ghẹ si osi ye ẹmwẹ iran ne agbọn maa rẹn, ra ye emwa ne iro dan ne iran zẹ dunna na.

Ẹksọdọs 3:15

Osanobua keghi dọlegbe gu e Mosis guan, “Ọna ọrọre ẹmwẹ ne u gha tama ivbi Izrẹl, e Nọyaẹnmwa, Osanobua avbe erha uwa odede, Osanobua ọghe Ebraham, Osanobua Aizik kevbe Osanobua ọghe Jekọb ọre ọ gie mwẹ gie uwa. Ọnọna ọrọre eni mwẹ ẹdẹdẹmwẹdẹ, erriọ ọre avbe orre ni dee hia gha tie mwẹ.

Itan 1:23

Wa gha danmwehọ vbe a gha gu uwa gui, I gha rhie ibude esi ne uwa, I ghi vbe ghae ne uwa vbe uwu irẹnmwi mwẹ.

Itan 21:3

Ru emwi ne ọ kere kevbe ne ọ hẹnhẹn, ọnii ọ re ọ yẹ Nọyaẹnmwa sẹẹ ese ne a zọ ghe ẹre.

Aizaia 1:16

Wa khuẹ, ne egbe uwa huan. Wa dobọ emwi dan ne imẹ miẹn ighe uwa ru na yi. Ẹn, wa dobọ emwi dan ne a ru yi,

Aizaia 30:18

Sevba e Nọyaẹnmwa ye mudia ne ọ tohan uwa. Ọ mu egbe ne ọ ya tohan uwa, rhunmwuda emwi ne ọ gbae ọ re irẹn ru vbe ẹghẹ hia. Ọmakin iran ni mu ẹtin yan e Nọyaẹnmwa.

Aizaia 31:6

Osanobua khare wẹẹ, “Wa ne ivbi Izrẹl, wa rukhọ ghe mwẹ nẹ, wa keghi vbe gha gbodan ghe mwẹ. Sokpan, banbanna nian, wa dọlegbe bu mwẹ gha dee.

Aizaia 40:31

Sokpan iran ni mu ẹtin yan iyobọ Nọyaẹnmwa, a gha ya ẹtin iran khian ọghọgbọn. Iran gha ya ifuẹn iran tin kpao vbe oghohọn iran gha rhulẹ, egbe i ra wọ iran iran gha khian, ẹtin i ra vbe fo iran.

Aizaia 58:6

“Egbe aguẹ ne imẹ ho ọ re ọna khin; wa viọ eghan ne a ya wọ emwa uhunmwu, kevbe urọnghọn aita ẹmwata kua, ne uwa gie iran ne a wọ ẹre uhunmwu gha rrie kẹkan.

Aizaia 8:17

E Nọyaẹnmwa rhie egbe ẹre lẹre ne emwa rẹn nẹ, sokpan, mẹ mu ẹtin yan rẹn, I vbe mwẹ idaehọ vbe uwu irẹn.

Jerimaia 22:15

U gha bọlọ owa isida, ne ọ mose sẹ ọghe emwa ọvbehe. Onii gha ya uwẹ khian ọba ne ọ maa sayọ ra? Te erha a wa rrii orhiẹnrhiẹn agbọn rẹn sẹ omwa. Te irẹn wa gha taa ẹmwata, ọ vbe gha ru emwi vbene ọ kei yi, emwi ne ọ ru hia, te ehia wa dunna ne ẹẹn.

Ezikiẹl 18:30

“Mẹ ne Nọyaẹnmwa ne Udazi ọ re ọ tama uwa ne ivbi Izrẹl na nian wẹ emwi ne dọmwadẹ ọghọe vbe uwu uwa ru ọ re I ra ya bu ohiẹn ọnrẹn. Wa rhie obọ hin emwi dan ne uwa ru hia rre, ne uwa ghẹ gie orukhọ ne uwa ru gbe uwa uhunmwu.

Hozia 10:12

Mẹ keghi kha wẹẹ, ‘Ya gua ehe ne ọ maa ọghe obọ ruẹ, kọ emwiokọ uhunmwu ẹmwẹ ne u vbe rhọ afiangbe ne ọ gha ladian vbe ekhọe esi ne u ya ga mwẹ. Ẹghẹ sẹe nẹ ne u ya bu mwẹ gha dee, mẹ ne Nọyaẹnmwa ruẹn, mẹ gha rre I ghi vbe do rhọ afiangbe yan ruẹn.’

Hozia 14:1

Wa werriegbe bu e Nọyaẹnmwa ne Osanobua uwa gha dee, wa ne ivbi Izrẹl. Orukhọ uwa gie uwa rrua owẹ nẹ, wa keghi vbe dele.

Hozia 4:1

E Nọyaẹnmwa mwẹ ẹzọ ne ọ gu emwa ni rre otọe na gui. Izrẹl, danmwehọ vbe ne ọ kha hẹ, “Uyinmwẹ esi ra aho ẹmwẹ ọmwa i zẹdẹ rre otọe nii, avbe emwa nii, ma vbe tie mwẹ Osanobua.

Joẹl 2:12

“Sokpan, vbene emwi hia ye ye na, wa fiwerriẹ ne uwa bu mwẹ gha dee, ekhọekekhọe hia, deba aguẹ, kevbe eve kevbe akhiẹ.” Erriọ Nọyaẹnmwa khare:

Joẹl 2:13

“Wa gie orhiọn ne ọ ma sẹ uwa otọ rhie ma vbene uwa khiẹ sẹ hẹẹ, ukpọn ne a sọ ye egbe ọmwa ẹkun, ma zẹdẹ sẹ.” Wa dọlegbe bu e Nọyaẹnmwa ne Osanobua uwa gha dee, ọ mwẹ ekhọe agiẹngiẹn, ọ vbe vuọn ne itohan, ọ mwẹ izin egbe, ọ vbe mu eyan ne ọ yanrẹn sẹ, ọ mu egbe ne ọ ya bọ vbe ẹghẹ hia, ẹ i re ne ọ gha rri emwa oya.

Emọs 4:13

Osanobua ọ re ọ yii avbe oke nekhua, ọ keghi vbe yii avbe ẹhoho. Ọ gie ọmwa ne agbọn rẹn emwi ne ọ rre irẹn ekhọe, ọ sẹtin ye avan khian asọn, ọ ghi vbe gha khian vbe ehe ne ọ yo vbe agbọn. Eni ẹnrẹn ọrọre Nọyaẹnmwa, Osanobua ne Oghodua.

Emọs 5:24

Ye ihe enena, wa gie ohiẹn ẹmwata gha lẹ vbe ẹzẹ, kevbe uyinmwẹ ẹmwata zẹ vbe ẹzẹ ne ẹ i ka.

Maika 6:8

Ẹn o, e Nọyaẹnmwa ta ma ima nẹ emwi ne ọ maa. Emwi ne ọ ho vbe obọ mwa ọre ena khin: ne a gha ru emwi ẹmwata, ne a gha mwẹ itohan ne ẹ i rueghe; kevbe ne ima gha ye a mu egbe rriotọ lele Osanobua mwa khian.

Maika 7:7

Sokpan, mẹ gha rhie aro ye odẹ khẹ Nọyaẹnmwa. I gha ya iziengbe diakhẹ Osanobua, ọmwa ne ọ gha miẹn mwẹ fan. Osanobua mwẹ gha họn ọghomwẹ.

Habakọk 2:3

Gbẹnnẹ ọẹn ye otọ rhunmwuda, ọ ma he sẹ ẹghẹ ne ọ gha ya sunu. Sokpan ẹghẹ nii dee ẹgiẹgiẹ, emwi ne I mu ma ruẹn na, te ọ gha sunu. Ọ sẹtin yevbe ne okhian i kẹ ọre vbene ọ ya dee hẹ, sokpan, ziengbe diakhẹ ọre, ẹ i mwẹ ọ ma sunu, ẹ i ra vbe kpẹe.

Zẹfanaia 3:8

E Nọyaẹnmwa khare wẹẹ, “Wa zin egbe, wa ziengbe khẹ ẹdẹ ne I gha guakpao ba avbe uhunmwu ẹvbo ifi ẹzọ. I ta ẹe nẹ wẹ, I gha si avbe uhunmwu ẹvbo kevbe avbe arriọba koko ne iran miẹn ehe na họn obọ ohu mwẹ vbe egbe. Erhẹn ohu mwẹ nọkhua, gha giẹn agbọn na hia.

Zẹkaraia 1:3

sokpan, banbanna nian, mẹ tama uwa wẹẹ wa werriegbe bu mwẹ gha dee, mẹ gha vbe werriegbe bu uwa rre.

Zẹkaraia 7:9

“Vbe ẹghẹ ne ọ kpee fua, I keghi gu avbe emwa mwẹ guan wẹẹ, ‘Wa gia miẹn wẹ vbene ọ khẹke ọ re a ru emwi yi wa ghi vbe gha tohan egbe, wa ghi gha mwẹ ẹnina egbe.

Zẹkaraia 8:16

Emwi ne uwa gha ru ọre ọna khin: Wa gha ta ẹmwata ma egbe. Wa gha bu ohiẹn ẹmwata vbe iko, egbe ne ọ rhie ọfurre ye ẹvbo.

Iwinna 2:38

Pita tama iran wẹẹ, “Dọmwadẹ ọghọe vbe uwu uwa zẹ obọ vbe orukhọ ne a ru ne a do sa amẹ ne uwa, vbe eni Jesu Kristi, ne a miẹn ehe na ya orukhọ uwa bọ uwa, wa gha vbe mwẹ Orhiọn Ne Ọ Huanrẹn ne Osanobua gha ya ru uwa ẹse.

Iwinna 26:20

I keghi suẹn gha kpe orhu, okaro vbe Damaskọs, vbe iyeke ọnii vbe Jerusalẹm kevbe la otọ Judia hia kevbe ma iran ne ẹ i re Ju wẹ ne iran fi uyinmwẹ werriẹ vbe ọghe orukhọ ne iran ru, ne iran bu Osanobua gha dee ne iran vbe gha ru emwi ne ọ gha rhie ma ighẹ iran gele fiwerriẹ.

Jems 1:27

Emwi ne Osanobua ne Erha tie ẹre iyayi ẹmwata ne ọ gbae ọre ọna khin, ne a gha koko avbe emọ ne ẹ i mwẹ erha kevbe ikhuo ni de ẹgbẹ vbe uwu usẹ ne iran ye, kevbe ọmwa bi egbe, ne agbọn na ghẹ mu ẹn rhia.

Jems 2:13

Rhunmwuda, ọmwa ne ọ ma mwẹ itohan, Osanobua i ra tohan rẹn vbe ọ a gha bu ohiẹn, sokpan itohan ọre ọ khọnmiotọ ibuohiẹn.