Hozia 12:5 - Edo Bible (E Baibol Ẹdo) Version 1996

⁵ Ọnọna ọ re Nọyaẹnmwa Osanobua ne Oghodua, e Nọyaẹnmwa ọrọre eni ne a gha ya gha ga ẹe.

Hozia 12:5 Iomraidhean Croise

Gẹnẹsis 28:16

E Jekọb keghi rhiọrre ọ wẹẹ, “Vbe ne a i na gbe awẹawẹ, Nọyaẹnmwa rre emwana, mẹ ma te rẹn!”

Gẹnẹsis 32:30

E Jekọb keghi kha wẹẹ, “I miẹn Osanobua vbe ghe aro mwẹ ghe aro ruẹ, I keghi ye rre agbọn.” Ẹre ọ na ghi gha tie eni evba nii Peniẹl.

Gẹnẹsis 35:9

E Jekọb ghi ke Mẹsopotamia rre, Osanobua keghi dọlegbe rhie egbe ma rẹn ọ na fiangbe ẹe.

Psalm 135:13

E Nọyaẹnmwa, te a gha go wan ruẹn tie ruẹ Osanobua ẹdẹdẹmwẹdẹ, orre hia ọre ọ gha ye ruẹ rre.

Psalm 30:4

Wa so ihuan urhomwẹ ghe Nọyaẹnmwa, wa ne emwa rẹn ni gia mu ẹtin yan. Wa yerre, emwi ne Ne ọ huanrẹn Nii ru ne uwa rhie ekpọnmwẹ ne ẹẹn.

Ẹksọdọs 3:15

Osanobua keghi dọlegbe gu e Mosis guan, “Ọna ọrọre ẹmwẹ ne u gha tama ivbi Izrẹl, e Nọyaẹnmwa, Osanobua avbe erha uwa odede, Osanobua ọghe Ebraham, Osanobua Aizik kevbe Osanobua ọghe Jekọb ọre ọ gie mwẹ gie uwa. Ọnọna ọrọre eni mwẹ ẹdẹdẹmwẹdẹ, erriọ ọre avbe orre ni dee hia gha tie mwẹ.

Aizaia 42:8

“Mẹ ọkpa kẹkan ọrọre Nọyaẹnmwa, Osanobua ruẹ. Emwi ne a gho ọvbehe ne ọ gha gunmwẹ ghae vbe uyi mwẹ, ẹ i rrọ, mẹ i ra kue ne amazẹ gunmwẹ ghae vbe uyi mwẹ.