Hozia 12:3 - Edo Bible (E Baibol Ẹdo) Version 1996

³ E Jekọb ne erha iran odede kevbe Isọ ne irẹn vbe ọre gba re ivin eva gba ru egbe vbe iran eva he rre uwu ẹko iye iran; e Jekọb ghi waan nẹ ọ gu Osanobua suan.

Hozia 12:3 Iomraidhean Croise

Gẹnẹsis 25:26

A ghi biẹ ọtiọnrẹn nokpia, ọ ke gba ighinghin-owẹ Isọ mwẹ, a na ghi gha tie eni ẹre Jekọb. Ukpo iyeha ọre Aizik ye vbe a biẹlẹ iran.

II Ọba 17:18

Ohu ivbi Izrẹl keghi mu e Nọyaẹnmwa, ọre ọ na khulo iran hin odaro irẹn rre, ọ na sẹ arriọba e Juda ọkpa rae.

II Ọba 17:20

E Nọyaẹnmwa keghi he ivbi Izrẹl hia ye otọ, ọ na rri iran oya, ọ na vbe hẹ iran ne eghian iran ne ekhọe ẹre wegbe, a te do miẹn wẹ, vbe okiekie, a keghi wa ho iran bẹkun vbe odaro ẹre.

II Ọba 17:23

Rhinrin a te do miẹn vbe okiekie wẹ, e Nọyaẹnmwa wẹ ne a ho iran bẹkun vbe odaro irẹn, zẹ vbene ọ la unu avbe akhasẹ ne eguọmwadia ẹre ya obọ sẹ ekhae ne iran wẹ rẹn gha ru ẹe vberriọ. Ẹre a na miẹn wẹ a viọ ivbi Izrẹl gha rrie iwe vbe Asiria, ehe ne iran ye ye do sẹ ẹdẹnẹrẹ na.

Jerimaia 2:9

Rhunmwuda, mẹ ne Nọyaẹnmwa gha dọlegbe talọ ẹzọ ni gu emwa mwẹ gui, I gha ba ivbi uniẹn iran ifi ẹzọ.

Ezikiẹl 7:3

“Izrẹl, ufomwẹ rre nẹ, wa gha họn ẹmwẹ ohu mwẹ vbe egbe, rhunmwuda, I ra rria uwa ikhi ye emwi ne uwa ru. I gha ha uwa osa uyinmwẹ ne ọ hu ẹko ne uwa yinrin.

Ezikiẹl 7:8

“Vbe ọ ma he kpee wan, wa gha họn obọ ohu mwẹ ne ọ wegbe vbe egbe. Te I ra bu ohiẹn uwa rhunmwuda emwi ne uwa ru, I gha vbe ha uwa osa vbe emwi ne ọ hu ẹko ne uwa ru.

Hozia 4:1

E Nọyaẹnmwa mwẹ ẹzọ ne ọ gu emwa ni rre otọe na gui. Izrẹl, danmwehọ vbe ne ọ kha hẹ, “Uyinmwẹ esi ra aho ẹmwẹ ọmwa i zẹdẹ rre otọe nii, avbe emwa nii, ma vbe tie mwẹ Osanobua.

Hozia 4:9

“Oya ne a gha rri emwa ni re ọ re a gha vbe rri uwa ẹre! I gha rri uwa oya, I ghi vbe ru ẹe ne uwa ha osa emwi dan ne uwa ru.

Emọs 2:4

E Nọyaẹnmwa khare wẹẹ, “Te ivbi e Juda wa gha ru orukhọ yan egbe yan egbe, rhunmwuda ọnii, I gha wa rri iran oya ye emwi na. Iran zan iruẹmwi mwẹ, iran ma vbe ya iyi mwẹ ru emwi. Ẹbọ ohoghe ne avbe erha iran ghoro, vbe dee iran odẹ nẹ,

Maika 6:2

Wa ne avbe oke nekhua, wa ne avbe ẹyotọ etẹbitẹ agbọn na, wa danmwehọ ẹzọ ne Nọyaẹnmwa gui! E Nọyaẹnmwa mwẹ ẹzọ ne ọ gu emwa rẹn gui. Ọ ra ba Izrẹl ifi ẹzọ.

Ebe ne Pọl gbẹẹn gie emwa Rom 9:11

Sokpan, ne a miẹn ehe na miẹn wẹẹ, ne a na zẹ ọkpa vbe uwu emọ nii ighẹ vbene Osanobua mwamwaẹn nọ, Osanobua keghi tama rẹn wẹẹ,