Hozia 12:11 - Edo Bible (E Baibol Ẹdo) Version 1996

¹¹ Sevba te emwa ye ya uhunmwu rhanmwẹ otọ ne avbe ẹbọ vbe Giliad, iran ni ya uhunmwu rhanmwẹ otọ ne iran gha wulo. A ya ẹkhuia ẹmila zọ ese vbe Gilgal, avbe Ogiukpo ni re evba gha khian utete okuta vbe oha.”

Hozia 12:11 Iomraidhean Croise

I Ọba 17:1

Akhasẹ ọkpa ne a tie ẹre Elaija ne ovbi e Tisbi ne Giliad ke tama Ehab wẹẹ, “Vbe eni e Nọyaẹnmwa ne Osanobua Izrẹl ne imẹ ga, I tama ruẹn nian wẹ amẹ i ghi ra rhọ, evbu i ra ghi vbe tuo ọ te ya sẹ ukpo eha vbe ẹ i re te I fi ẹmwẹ na werriẹ ta.”

II Ọba 17:13

E Nọyaẹnmwa gie avbe odibo ẹre kevbe avbe akhasẹ ne a tama Izrẹl kevbe Juda wẹẹ, “Wa la hin odẹ dan ne uwa la khian rre, ne uwa gha ru vbene I khare zẹ vbene ọ rre uwu uhi ne I rhie ne avbe erha uwa odede, ne I vbe rhie ne avbe akhasẹ ne eguọmwadia mwẹ rhie ye uwa obọ.”

Jerimaia 10:15

Iran i mwẹ esa ne iran ye, te ọ kere ne a gha zan iran, a gha fuẹn iran an, vbe Nọyaẹnmwa a ghi fi iran emwi.

Jerimaia 10:8

Akpa vbe abobo ọ re iran hia khin. De ẹwaẹn ne iran ra miẹn ruẹ vbe ukhurhẹ?

Jerimaia 2:20

E Nọyaẹnmwa ne Udazi khare wẹẹ, “Izrẹl, ọ kpẹre ne uwa ghi he asẹ mwẹ yotọ wa he ne uwa họn ẹmwẹ mẹ ra ne uwa ga mwẹ wa keghi ya gha gho avbe ẹbọ emwiokọ, vbe uhunmwu oke kevbe ototọ erhan ni mwẹ ebe hia.

Jerimaia 2:28

“Avbe ẹbọ ne uwa mu gbọ ne egbe uwa ghi vbo yi? Wa gha rre uwu ibaro, wa we ne iran do miẹn uwa fan adeghẹ iran gha sẹtin. E Juda, vbene avbe okpẹvbo uwa bun sẹ, erriọ ọ re avbe ẹbọ uwa vbe sẹ.

Ezikiẹl 17:2

“Ovbi ọmwa, kpa itan okpa ma ivbi Izrẹl.

Hozia 10:1

Te ivbi Izrẹl te yevbe erhan azara ne ọmọ gba ẹre uhunmwu. Vbene emwi ya gha maa ne iran, erriọ ọ re iran ya gha bọlọ Ogiukpo yọ. Vbene emwiokọ iran ya gha maa yọ, erriọ iran ya gha te ẹre egbe yọ ighẹ avbe okuta ẹbọ ne iran gho.

Hozia 10:2

Emwa ne ekhọe ẹre vuọn ne erẹrẹ, te iran ghi ra rrioya ye orukhọ ne iran ru. Osanobua gha guọghọ Ogiukpo iran an, ọ ghi dunmwu okuta ẹbọ iran an.

Hozia 4:15

“A gha rhe miẹn wẹ wa ne ivbi Izrẹl ma guobọ mwẹ, a i gha miẹn egbọre vbe obọ e Juda. Wa ghẹ ghi ga vbe Bẹtẹl ra Gilgal ra ne uwa ye gha ya eni e Nọyaẹnmwa ne ọ rrọ yan eyan vbe evba.

Hozia 6:8

Ẹvbo ne ọ vuọn ne emwa dan kevbe avbe izigha ọ re Giliad khin.

Hozia 8:11

Vbene ivbi Izrẹl ya bọlọ ogiukpo ne a na khue orukhọ kua ne ọ gha bun yọ, erriọ ehe ne iran na ru orukhọ vbe ya bun yọ.

Hozia 9:15

E Nọyaẹnmwa khare wẹẹ, “E Gilgal ọre emwi dan hia ne iran ru na suẹn. Evba nii ọ re ohu iran keghi suẹn gha mu mwẹ. Rhunmwuda emwi dan ne iran ru, I gha khulo iran hin otọe mwẹ rre. Mẹ i ghi ra dọlegbe ho ẹmwẹ iran ọvbehe, avbe ọkaolotu iran hia wa sọtẹ mwẹ nẹ.

Emọs 4:4

E Nọyaẹnmwa ne Udazi khare wẹẹ, “Wa ne ivbi Izrẹl, wa gha rrie ehe nọhuanrẹn ne ọ rre Bẹtẹl ne uwa ya ru orukhọ khekherriọ! Wa gha rrie Gilgal ne uwa ya ye ẹtin uwa hia ru orukhọ! Wa tua obọ yọ, ne uwa gha munọ aranmwẹ rre ne a ya gha zọ ese owiẹ owiẹ, ne uwa vbe gha viọ aghae ye ihigbe ọwua rre ẹdẹ eheha.

Emọs 5:5

Wa ghẹ yo ya ga vbe Biẹsiẹba. Wa ghẹ yo ya gualọ mwẹ vbe Bẹtẹl, e Bẹtẹl gha la ọrhiae rrie. Wa ghẹ ye Gilgal, a mu emwa ni rrọ uhunmwu da iwe nẹ.”

Jona 2:8

Iran ni gho ẹbọ ohoghe, rhie ẹmwẹ ruẹn hin ekhọe iran rre nẹ.

Nọmbas 12:6

E Nọyaẹnmwa keghi kha wẹẹ, “Banbanna nian, danmwehọ ẹmwẹ ne I ra ta. A gha miẹn ighẹ akhasẹ rre uwu uwa, mẹ ghi rhie egbe mwẹ ma rẹn vbe umian, I ghi vbe gu iran guan vbe imina.