Hozia 11:8 - Edo Bible (E Baibol Ẹdo) Version 1996

⁸ “Vbe I a ghi ra he uwẹ fua hẹ Izrẹl? Vbe I a ghi ra sẹtin fi iyeke gbuẹ hẹ? Mẹ gha sẹtin fuẹn uwẹ ua zẹ vbe Adma ra? Ra ne I ru uẹ vbene I ru Zẹboim? Ekhọe i sẹ mwẹ ya ru ẹe ahoẹmwọmwa mwẹ ghe ruẹ kpọlọ gbe.

Hozia 11:8 Iomraidhean Croise

Gẹnẹsis 14:8

Ẹre ọba ọghe Sọdom, Gomorra, Adma, Zẹboim kevbe Bẹla na ku iyokuo iran kugbe ne iran ya khọn vbe Iya ọghe Sidim, ne iran

II Samuẹl 24:16

Ugbẹn vbe odibo e Nọyaẹnmwa ghi te ra fuẹn Jerusalẹm rua, e Nọyaẹnmwa keghi fi ekhọe werriẹ vbe oya ne ọ te rhie emwa ni re, ọ keghi tama odibo Osa nii ne ọ te gbele iran wẹẹ, “Dobọyi! Ọnii sẹe!” Ehe ne odibo Osa nii gha ye keghi re isi okọ ọghe Arauna ne ovbi e Jebus.

I Ọba 3:26

Ekhọe okhuo ne ọ yan ọmọ keghi vuọn ne agiẹngiẹn ovbi ẹre, ọ keghi kha ma ọba wẹẹ, “U gha tọ u kpẹre Umogun, ghẹ gbe ọmọ nii uan, mu ne ẹẹn.” Sokpan, okhuo nọkpa keghi kha wẹẹ, “Ghẹ mu ẹẹn ne ọmwa rhọkpa vbe uwu ima, fian ẹre eva.”

II Ọba 13:23

sokpan e Nọyaẹnmwa keghi mwẹ itohan kevbe ẹnina ghe iran, ọ ma gie a wa fuẹn iran an, sokpan, ọ keghi yi iran obọ rhunmwuda ile ne ọ gu Ebraham, Aizik kevbe Jekọb ta. Ọ ma he mianmian emwa rẹn ẹdẹ.

II Krọnikol 36:15

E Nọyaẹnmwa ne Osanobua avbe erha iran odede kegha gie avbe akhasẹ rre ne ọ do gha bu iran ude, rhunmwuda, rẹn te gha ho ne ọ sẹ iran kevbe Ọgua Osa rae.

Psalm 106:45

Ọ rhunmwuda iran ye ile ẹre rre, rhunmwuda ne ọ na kakabọ ho ẹmwẹ iran ọ keghi gbe ibiẹ rriẹ.

Aizaia 16:11

I ya akhiẹ viẹ eve orriara ne Moab, kevbe eve oya ne Kẹ Hẹrẹs.

Aizaia 63:15

E Nọyaẹnmwa, gbearoghe odẹ ne ima ye ke ẹrinmwi gha dee, ehe ne uwẹ ye vbe uwu uhuanmwẹ kevbe uyi ruẹ. Ẹnina nọkhua ne u mwẹ ghe ima vboo? Ẹtin ruẹn vbo? Ahoẹmwọmwa kevbe itohan ruẹn vbo? Ghẹ yangbe mwa.

Jerimaia 18:8

ẹre ẹvbo nii ghi na fi uyinmwẹ dan rẹn werriẹ, I i ghi ru ẹre emwi ne I te wẹ I gha ru ẹre re.

Jerimaia 3:12

Rẹn keghi tama mwẹ wẹ ne I ya tama Izrẹl wẹẹ, “Izrẹl ne ekhọe ẹre ma mudia ẹse, werriegbe bu mwẹ gha dee, mẹ mwẹ itohan, ohu i ra vbe mu mwẹ. I i ra muohu ruẹ rhinrin ẹdẹ.

Jerimaia 31:20

“Izrẹl, ovbi mwẹ ne ọ ghan sẹẹ ọ re u khin, ọmọ ne I ho ẹmwẹ ọnrẹn sẹẹ. Ẹghẹ ne I rhirhi a ya so eni ruẹn I ghi gha ye aho ẹmwẹ ọmwa mu ẹmwẹ ruẹn ro. Orhiọn mwẹ ghi tin bu ruẹ gha dee, I gha mwẹ itohan.

Jerimaia 42:10

‘A deghẹ wa ho ne uwa ye gha rre otọe na, ẹghẹ nii, I gha dọlọ uwa yi. I i ghi ra vbe rhia uwa a. I gha mu uwa mudia, I i ra silo uwa vbọlọ. Ọkhọ ne I gie ẹe rruan uwa, wa ya ẹko mwẹ rhiaa ẹsẹse.

Jerimaia 9:7

Rhunmwuda ọnii, e Nọyaẹnmwa ne Oghodua khare wẹẹ, “I gha fan emwa mwẹ zẹ vbe ematọn I ghi vbe danmwẹ iran ghe. Emwa mwẹ ru emwi dan nẹ, vbe I a ghi ra ye ya iran ru ọvbehe?

Eve Orriara 1:20

“E Nọyaẹnmwa, ghe obalọ ne I ye, ghe obalọ ekhọe mwẹ, ẹkoko udu mwẹ vua ba akhiẹ, ne I khiẹ ye orukhọ. Iran wa do izigha vbe adesẹ ore ẹvbo, a gha sẹ uwu owa, uwu vbe rre evba.

Eve Orriara 3:32

Ọ sẹtin gie ima miẹn akhiẹ sokpan ahoẹmwọmwa rẹn ghe mwa re ne aro dae kevbe ne ọ deziẹn ẹsẹse.

Eve Orriara 3:33

Ẹ i yẹ ọre ne ọ gie ima gha miẹn akhiẹ ra obalọ.

Ezikiẹl 33:11

Vbene aro na dae na wẹ mẹ ne Nọyaẹnmwa ne Udazi ọrọre Osanobua ne ọ rrọọ, ẹko i rhiẹnrhiẹn mwẹ ye uwu ọmworukhọ. Emwi ne ọ yẹ mwẹ sẹẹ ọrọre ne iran dobọ orukhọ ne a ru yi ne iran diagbọnya. Izrẹl, dobọ orukhọ ne a ru yi. Vbọzẹ ne u na ho ne u wu yi?

Ezikiẹl 6:9

ehe ne iran gha na gha rre iwe. Evba nii ọre iran gha na ye mwẹ rre, iran ghi vbe rẹn we mẹ ọ re ọ rrii iran oya, I na vbe fa iran an, rhunmwuda ekhọe iran nẹi guobọ ọmwa he mwẹ yotọ, iran keghi rhie egbe lele ẹbọ ne ọ yẹ iran sẹẹ imẹ. Ẹmwẹ egbe iran gha sọnnọ iran rhunmwuda emwi dan kevbe emwi ifaegbua ne iran ru.

Hozia 6:4

Sokpan, e Nọyaẹnmwa khare wẹẹ, “Izrẹl kevbe Juda, vbe I a ra ya uwa ru? Ahoẹmwọmwa uwa ghe mwẹ, vbene a zẹgiẹgiẹ ho evbu owiẹ bẹkun, te ọ yevbe evbu ne a zẹgiẹgiẹ ho kẹbun vbe owiẹ.

Hozia 7:1

“Ẹghẹikẹghẹ ne I ya ho ne I sinmwi emwa mwẹ ighẹ ivbi Izrẹl kevbe ne I gie agbọn ma iran, emwi ne I miẹn vbe obọ iran ọrọre ekhọe dan, kevbe uyinmwẹ dan ne iran yin. Iran gha mu egbe ru. Iran gbe urho la owa ya gha rha, iran do emwa emwi hẹ vbe adesẹ ore.

Emọs 4:11

“I fuẹn eso vbe uwu uwa a, zẹ vbene I fuẹn Sọdom kevbe Gomorra, wa ni miẹn uhunmwu vbọ keghi yevbe ovbi erhan ne ọ giẹn khian, a keghi rhie ẹre hin erhẹn rre. Sevba, wa ma ye bu mwẹ rre,” erriọ Nọyaẹnmwa khare.

Emọs 7:3

E Nọyaẹnmwa keghi fi ekhọe werriẹ, ọ keghi kha wẹẹ, “Emwi ne u miẹn i ghi ra sunu.”

Emọs 7:6

E Nọyaẹnmwa keghi vbe fi ekhọe werriẹ ọ wẹẹ, “Ọna i ghi ra vbe sunu.”

Maika 5:3

Erriọ, e Nọyaẹnmwa gha zẹ emwa rẹn obọ ne avbe eghian iran, a te do miẹn wẹ ọmwa ne ọ ra biẹ ọe biẹ ọmọ okpia. Ẹghẹ nii, a ghi do ku ivbi ẹvbo ẹre ni rre iwe koko ba emwa iran.

Zẹfanaia 2:9

Omwa vbene a na miẹn wẹ mẹ ọrọre Osanobua ne ọ rrọọ ọghe Izrẹl, I vẹn ihen nẹ wẹ te a ra fuẹn Moab kevbe Amọn zẹ vbe Sọdom kevbe Gomorra. Iran gha khian otọ uye umwẹ kevbe itowa ẹdẹdẹmwẹdẹ ne ekie hinrin. Iran ni ghi miẹn uhunmwu vbe emwa mwẹ gha hẹ rhu iran, iran ghi mu otọ iran.”

Matiu 23:37

“Jerusalẹm, Jerusalẹm, wẹ ne ọ gbele avbe akhasẹ, u na vbe ye okuta gbele emwa ne Osanobua gie bu ruẹ gha dee! Inugba inugba I he te gha ho ne I tan obọ mwẹ ga emwa ruẹn zẹ vbene iye ọkhọkhọ tan ifuẹn gue ivbi ẹre, sokpan, u ma kue yọ.

Diuteronomi 29:22

“Vbe ẹghẹ ne ọ dee, avbe ivbi uwa kevbe avbe erriọvbe ni ke otọe ne ọ rre gha dee, gha miẹn ọkhọ kevbe oya ne Nọyaẹnmwa zẹ rruan otọe uwa.

Diuteronomi 29:23

Oha ghi khian ehe ọrhiae ne ọ dihoi rua ne ugbofi kevbe umwẹ lẹ rhu, a i kọ emwi yọ, irunmwu i ra vbe zọ vbọ. Otọe uwa ghi yevbe avbe ẹvbo e Sọdom kevbe Gomorra, zẹ vbe Adma ke Zẹboim, ne e Nọyaẹnmwa dunmwu an vbe ohu kakabọ mu ẹẹn.

Diuteronomi 32:36

E Nọyaẹnmwa gha miẹn emwa rẹn fan, vbe ọ gha miẹn wẹ ẹtin fo iran nẹ, ọ gha tohan iran ni ga ẹe, vbe ọ gha miẹn ibozẹghẹ ọ re ọ ghi ke ẹe.

II Pita 2:6

Osanobua bu ohiẹn gbe avbe ẹvbo Sọdom kevbe Gomorra, ọ keghi ye erhẹn fuẹn iran uan, ọ keghi ya iran khian igiemwi ne emwa dan, vbe ekpa emwi ne ọ gha sunu vbe egbe iran.

Ebe ne Jud gbẹẹn 1:7

Wa ye Sọdom kevbe Gomorra kevbe ivbi ẹvbo ni lẹga iran rre, emwa ni ru vbene avbe odibosa vbe ru, ne iran na gha ru emwi ne ọ ma gba vbe ekpa oghẹ, iran kegha fi ehia werriẹ ghe odẹ dan, a keghi ya erhẹn ne ọ giẹn ẹdẹdẹmwẹdẹ rri iran oya ne emwa hia gha miẹn ọnii waan.

Arhie Maan 11:8

Ikun iran ghi vbe gha rre adesẹ ẹvbo nọkhua nii, ehe ne a na kan Nọyan iran mu ugbugbe. Eni oro ne a mu ne ẹvbo ni ọrọre Sọdom ra Igipt.

Arhie Maan 18:18

Iran hia kegha goo vbe iran bẹghe ighogho ẹre vbe ọ giẹn, “Ẹvbo ne a gha ya gie ẹvbo nọkhua nii ẹ i ghi rrọọ.”

Giọgis 10:16

Rhunmwuda ọnii, iran keghi viọ ẹbọ ẹrrẹe iran kua, iran na gha ga e Nọyaẹnmwa, rẹn keghi vbe gha mu ẹmwẹ usẹ ne ọ sẹ ivbi Izrẹl rro.