Hozia 11:5 - Edo Bible (E Baibol Ẹdo) Version 1996

⁵ “Iran he ne iran werriegbe bu mwẹ gha dee, rhunmwuda ọnii, Igipt iran gha werriegbe gha rrie, Asiria gha vbe gha khaemwisẹ yan iran.

Hozia 11:5 Iomraidhean Croise

II Ọba 15:19

E Tiglat Pailesa ne ọgbaisi Asiria, keghi mu okuo gha die Izrẹl, ẹre Menahem na viọ uwan esiliva arriaisẹn enẹ yan ọgban (34,000) ne ẹẹn, ne ọ miẹn ehe na rhie obọ ye ọ re iyeke ne obọ e Menahem miẹn ehe na gba ẹvbo ni rẹn gha khaemwisẹ yan.

II Ọba 15:29

Ẹghẹ ne Pẹka na gha re ọba, ọre Tiglat Pailesa ne ọgbaisi Asiria na khọn munọ avbe ẹvbo na, Ijọn, Ebel Bẹt, Maka, Janoa, Kedẹs kevbe Hazọ, kevbe otọ e Giliad, e Galili kevbe Naftali, ọ keghi viọ emwa ni rrọ oghunmwu gha rrie Asiria.

Hozia 10:6

Iran gha mu amazẹ nii gha rrie Asiria zẹ vbe emwi ne a ya yo imuohan gie ọgbaisi nọkhua nii, a gha fa Izrẹl rua, a ghi vbe ya ekhue mu ẹẹn, rhunmwuda ude ne ọ ya gha ru emwi.

Hozia 5:13

“Izrẹl ghi miẹn vbene obọ emianmwẹ da irẹn hẹ, e Juda ghi miẹn ẹwẹn ne egbe ẹre, Izrẹl keghi gha rrie Asiria ne ọ ya nọ iyobọ vbe obọ ọgbaisi nọkhua, sokpan, ọ ma sẹtin sinmwi iran, ra ne ọ kpe ẹwẹn iran rrie.

Hozia 6:1

Emwa ni khare wẹẹ, “Wa gie ima werriegbe bu e Nọyaẹnmwa. Ọ ru ima emwi nẹ, sokpan ẹ i mwẹ ọ ma mu ima egbe rran, ọ kuan ima nẹ, sokpan ọ gha gbalọ ima ẹwẹn ra u ma ro vberriọ?

Hozia 7:16

Iran keghi wa gha fi iyeke gbe mwẹ iran na gha lẹ bu ẹbọ ne ẹ i mwẹ ẹtin rhọkpa yo. Zẹ vbene uhanbọ ne ọ gọe ye, ne ẹ i na gia mu ẹtin yan, erriọ ọre iran ye. Rhunmwuda ẹmwẹ uhiomwẹ ne iran ta, avbe ọkaolotu iran gha wulo uwu dan, ivbi Igipt ghi vbe gha giẹ.”

Hozia 8:13

Iran zọ ese ghe mwẹ, iran ghi vbe rri emiowo nene emwi izọ ese nii. Sokpan, ẹko iran i rhiẹnrhiẹn imẹ ne Nọyaẹnmwa, wanwanna nian, I gha ya orukhọ iran rre ne I vbe rri iran oya yọ. I gha viọ iran werriegbe gha rrie Igipt.

Hozia 9:3

Ivbi Izrẹl i ra vbe gha rre otọe e Nọyaẹnmwa, sokpan, te iran ra werriegbe gha rrie Igipt, iran ghi vbe ya gha rri evbare awua vbe Asiria.

Hozia 9:6

Ọkhọ gha ghi rruan iran nẹ, ighe avbe emwa ni hia vbe zagha kua, ivbi Igipt gha si iran koko iran ghi si iran koko ne iran ya re iran vbe Mẹmfis! Emwi ẹfe esiliva ne iran mwẹ, kevbe ehe ne owa te gha ye vbe ẹghẹ ọkpa, irunmwu kevbe igban, ọ re ọ gha zọọ gue ehia.

Emọs 4:11

“I fuẹn eso vbe uwu uwa a, zẹ vbene I fuẹn Sọdom kevbe Gomorra, wa ni miẹn uhunmwu vbọ keghi yevbe ovbi erhan ne ọ giẹn khian, a keghi rhie ẹre hin erhẹn rre. Sevba, wa ma ye bu mwẹ rre,” erriọ Nọyaẹnmwa khare.

Emọs 4:6

“Mẹ ọ re ọ ru ẹe ne ohanmwẹ na fi la otọe uwa hia, sevba wa ma dọlegbe bu mwẹ rre.

Emọs 5:27

Vbe ẹghẹ ne I gha na viọ uwa gha rrie iwe vbe odẹ vbe a gberra e Damaskọs nẹ.” Erriọ Nọyaẹnmwa ne a tie ẹre Osa ne Oghodua khare.

Diuteronomi 17:16

Ọ ma kei ne ọba gha mwẹ ẹsin ni bun, ne ọ gha re ọghe ivbiyokuo ẹre, ọ ghẹ vbe gie emwa gha rrie Igipt ya dẹlẹ ẹsin rre, rhunmwuda, e Nọyaẹnmwa ta ẹe wẹ emwa irẹn i ra dọlegbe gha rrie odọ.