Hozia 11:3 - Edo Bible (E Baibol Ẹdo) Version 1996

³ Vberriọ, mẹ ọ re ọ ma Izrẹl okhian I mu emwa mwẹ vbe ekuabọ, sokpan, iran ma miẹnkue ighe mẹ ọ re ọ gbearoghe iran.

Hozia 11:3 Iomraidhean Croise

Psalm 107:20

Ọ kha ẹmwẹ ya mu iran egbe rran, ọ keghi sinmwi iran hin idin rre.

Ẹksọdọs 15:26

Ọ keghi kha wẹẹ, “A deghẹ wa họn ẹmwẹ mwẹ, mẹ ne Osanobua rua, ne uwa gha ru emwi ne imẹ ye obọ yi ne uwa gha ye uhi mwẹ rre, ne uwa vbe gha rhie uhi mwẹ hia mwẹ, mẹ i ra ye avbe emianmwẹ ne I mu yan ivbi Igipt rhọkpa rri uwa oya. Mẹ ọrọre Nọyaẹnmwa ne ọ mu uwẹ egbe rran.”

Ẹksọdọs 19:4

“Wa miẹn emwi ne I ru ivbi Igipt re, vbene I na mu uwa zẹ vbene oghohọn mu ovbi ẹre vbe ifuẹn ọnrẹn, I na viọ uwa gha die ehe ne I ye.

Ẹksọdọs 23:25

Wa gha ga imẹ e Nọyaẹnmwa Osanobua uwa, I gha vbe ye amẹ kevbe evbare sẹ uwa ọkẹn, I ghi vbe viọ avbe emianmwẹ hia hin ehe ne uwa ye rre.

Aizaia 1:2

E Nọyaẹnmwa khare wẹẹ, “Otọe vbe ukhunmwu, wa danmwehọ ẹmwẹ ne I ra ta na! Emọ ne I biẹlẹe sọtẹ mwẹ.

Aizaia 30:26

Uki ghi gha baa vbe owẹn, owẹn ghi rhie ukhukhu ihinrọn ba egbe vbene ọ ya yunmwu de yi, vbene a miẹn wẹ ne ọ gha te yunmwu vbe ikpẹdẹ ihinrọn ọ re ọ ghi wa rhie ye ikpẹdẹ okpa kẹkan. Ọna gha sunu, vbe ẹghẹ ne Nọyaẹnmwa gha na gbalọ, ọ ghi kpee rrie ighe ẹwẹn ne ọ te fian emwa rẹn re.

Aizaia 46:3

“Wa danmwehọ mwẹ, wa ne ivbi uniẹn e Jekọb, wa hia ni ghi kẹe vbe emwa mwẹ, te I gha gbearoghe uwa ke ẹghẹ ne a ya biẹlẹ uwa gha dee.

Aizaia 63:9

hin uwu usẹ iran hia rre. Ẹ i re odibosa ọ re ọ do miẹn iran fan, e Nọyaẹnmwa tobọ ẹre, ọ re ọ miẹn iran fan. Ahoẹmwọmwa kevbe itohan, ọ re ọ ya miẹn iran fan. Ọ ka wa gbearoghe iran dee ẹdẹ,

Jerimaia 30:17

I gha ru ẹe ne egbe rran uwa, I gha kpe uwa ẹwẹn rrie, avbe eghian uwa gha rhe gha kha wẹẹ, ‘Evbahe ọ re Zaiọn khin; a i miẹn ọmwa ne ọ zẹye ọre re.’ Mẹ ne Nọyaẹnmwa tae nẹ.”

Jerimaia 8:22

Ukhunmwu ighi rre Giliad ra? Avbe ọbo i ghi rre evba ra? Vbọ ghi zẹ ne a ma na ye mu avbe emwa mwẹ egbe rran khekherriọ?

Hozia 14:4

E Nọyaẹnmwa khare wẹẹ, “I gha dọlegbe si emwa mwẹ kẹ egbe. I gha ya ekhọe mwẹ hia hoẹmwẹ iran, ohu iran i ghi mu mwẹ ọvbehe.

Hozia 2:8

Rẹn I ra miẹnkue ighe mẹ ọ re ọ rhie ọka kevbe ayọn kevbe ofigbọn oliv ne ẹẹn, deba esiliva kevbe igoru hia ne ọ ya gho e Baal.

Hozia 7:1

“Ẹghẹikẹghẹ ne I ya ho ne I sinmwi emwa mwẹ ighẹ ivbi Izrẹl kevbe ne I gie agbọn ma iran, emwi ne I miẹn vbe obọ iran ọrọre ekhọe dan, kevbe uyinmwẹ dan ne iran yin. Iran gha mu egbe ru. Iran gbe urho la owa ya gha rha, iran do emwa emwi hẹ vbe adesẹ ore.

Hozia 7:15

“A gha rhe miẹn wẹ mẹ ọ re ọ koko iran wan, I na vbe ru ẹe ne iran wegbe, iran keghi ya gha si uma ọkhọ ghe mwẹ.

Iwinna 13:18

Ukpo iyeva ọre ọ ya mu ẹmwẹ iran woo egbe vbe uwu ato.

Diuteronomi 1:31

Kevbe uwu ato. Wa miẹn vbene ọ ya viọ uwa do sẹ emwa na hẹ ke odọ hia gha dee, zẹ vbene erha mu ovbi ẹre.’

Diuteronomi 33:27

Osanobua ọ re ne ọmiẹguan ne uwa de ẹdẹ ekuabọ etẹbitẹ ọ re, ẹre ọ da uwa yi. Ọ keghi khulo eghian uwa ladian vbene uwa ya sikẹ odaro. Ọ wẹ ne uwa wa dunmwu ehia a fẹẹrẹ.

Diuteronomi 8:2

Wa ghi yerre vbene Nọyaẹnmwa Osanobua uwa su uwa vbe okhian ne ọ taẹn la uwu ato nii vbe ukpo iyeva ni gberra na, ọ na vbe gie ọlọghọmwa gie uwa ne ọ ya danmwẹ uwa ghe, ne ọ miẹn ehe na rẹn emwi ni rre uwa ekhọe, nẹ ọ miẹn ehe na vbe rẹn adeghẹ wa gha ya uhi ẹre ru emwi.