Hozia 11:2 - Edo Bible (E Baibol Ẹdo) Version 1996

² Sokpan vbene I ya gha tie ẹre, erriọ ọ re ọ ya gha lẹ mẹ. Emwa mwẹ zọ ese ne Baal, iran giẹn eturari ne amazẹ.

Hozia 11:2 Iomraidhean Croise

I Ọba 12:33

Ọ ghi sẹ ikpẹdẹ ekesugie ọghe uki ne ogiẹrẹnrẹn, vbe ẹdẹ ne irẹn bu ẹre yi, ọ kegha rrie Bẹtẹl ọ na ya ru emwiukpo ne irẹn tobọ ẹre mu gbọọ ne ivbi Izrẹl vbene irẹn na zọ ese vbe aka ni.

I Ọba 18:19

Banbanna nian, tama ivbi Izrẹl hia ne iran bu mwẹ gha die oke Kamẹl. Wa ghi viọ avbe akhasẹ e Bal ne ọre ekigbe siyeha ọ yan uri eva (450) gha dee, kevbe akhasẹ Asiẹrra ne ọre uri eva (400) ne Jezibẹl ne Amwẹ Ọba koko.”

Nehimaia 9:30

Ke ukpo dinna ukpo, u keghi ye izin egbe gha ma iran emwi u ru ẹe ne avbe akhasẹ ruẹ guan, sokpan emwa ruẹn keghi yin ehọ u keghi rhunmwuda ọnii rhie ẹghẹ ne ẹvbo ọvbehe ya khọn iran.

Aizaia 65:7

ighẹ orukhọ iran kevbe orukhọ avbe erha iran odede. Iran giẹẹn eturari vbe uhunmwu oke ẹbọ, iran kevbe gha ya ukpe sakan mwẹ. Rhunmwuda ọnii, I gha rri iran oya zẹ vbene ọ khẹke orukhọ ne iran ru gberra.”

Jerimaia 18:15

Sevba, emwa mwẹ mianmian mwẹ, iran gha giẹn eturari ne avbe amazẹ. Iran rrua owẹ vbe odẹ ne ọ te kei ne iran la iran i ghi lele odẹ nẹdẹ, odẹ ne a ma gbẹn ọre iran ghi la.

Jerimaia 44:5

Sokpan, wa ma danmwehọ, amawẹ te uwa ghi ra zẹ yọ. Wa ma dobọ emwi dan ne uwa ru yi ra ne uwa dobọ ese ne a zọ ghe ẹbọ yi.

Hozia 11:7

Iran wa mu aro ye ẹmwẹ ne iran gha rhie aro lẹ mẹ. Iran gha viẹ ba ẹmwẹ urọnghọn ne ọ rre iran urhu, sokpan, iran i ra miẹn ọmwa ne ọ gha rhan ẹnrẹn hin iran urhu rre.

Hozia 2:13

I gha rria ẹre ikhi ye ẹghẹ ne ọ ya mianmian mwẹ, ọ na ya gha giẹn eturari ne Baal, ọ na silo ikpẹrọnmwọ ye egbe rhikhan lele avbe esiọre. E Nọyaẹnmwa taa ẹe nẹ.

Hozia 4:13

Iran zọ ese vbe ehe ne iran na gho iran vbe uhunmwu oke nekhua. Iran keghi vbe giẹn eturari vbe uhunmwu oke negiẹrẹ, vbe ototọ avbe erhan ni taẹn kevbe ni zẹlẹ abọ ẹsẹse, rhunmwuda, irhu iran wa fu ọmwa egbe ẹsẹse. “Rhunmwuda ọnii, avbe ivbi uwa nikhuo gha gbe ebabotu, kevbe ivbi amwẹ uwa nikhuo gha vbe ru oghẹ.

Hozia 4:17

Ekanse ọghe ẹbọ ọ re ọ mu ivbi Izrẹl na. Wa gie iran gha ru ọghe iran khian.

Zẹkaraia 1:4

Wa ghẹ gha ye vbe avbe erha uwa odede. Vbe ẹghẹ ne ọ kpee fua, avbe akhasẹ ta uhunmwu ne I giee gie iran ma iran, wẹ ne iran ghẹ gha ru emwi dan ra ne iran gha yin uyinmwẹ dan, sokpan iran ma zẹ yọ mwẹ re, ra ne iran họn ẹmwẹ mwẹ.

Zẹkaraia 7:11

“Sokpan, emwa mwẹ keghi ze vbe udu, iran ma zẹ yọ. Iran keghi rri ekhọe iran gbua,

Iyẹn ne ọ Maan Ọghe Luk 13:34

“Eu! Jerusalẹm, Jerusalẹm! Wẹ ne ọ gbele avbe akhasẹ kevbe avbe odibo ne Osanobua gie ẹre uhunmwu bu ruẹ gha dee! Inu igba I he te gha ho ne I tan ifuẹn mwẹ ga emwa ruẹn vbe ne iye ọkhọkhọ tan ifuẹn gue ivbi ẹre, sokpan u ma kue.

Iyẹn ne ọ Maan Ọghe Jọn 3:19

Vbene ibuohiẹn ni ya de ọre ọ na khin wẹẹ: Uwanmwẹ rrie agbọn, sokpan emwa ne agbọn keghi ho ẹmwẹ ebiebi sẹ uwanmwẹ rhunmwuda ọkhọ ne iran ru.

Iwinna 7:51

“Wa na ni zẹ udu gbee! Wẹ ne ekhọe ibisi, wa ni kan igban khiọ ehọ, ne ẹ i họn ẹmwẹ Osanobua. Vbene avbe erha uwa gha ye ọre uwa vbe ye. Orhiọn Ne Ọ Huanrẹn ọre uwa gu suan ẹdẹ.

Giọgis 10:6

Ivbi Izrẹl keghi vbe dọlegbe rukhọ ghe e Nọyaẹnmwa. Iran na gha gho e Bal kevbe Astat deba avbe ẹbọ e Siria, e Saidọn, e Moab, Amọn kevbe Filistia. Iran keghi fi iyeke gbe e Nọyaẹnmwa, iran ma gha gae.

Giọgis 2:13

Iran fi iyeke gbe ugamwẹ e Nọyaẹnmwa, iran na ya gha gho avbe Bal kevbe Astat.

Giọgis 3:7

Ivbi Izrẹl keghi mianmian e Nọyaẹnmwa ne Osanobua iran, iran na ru orukhọ ghe ẹre, iran kevbe gha gho avbe Bal kevbe Asiẹrra.