Hozia 11:1 - Edo Bible (E Baibol Ẹdo) Version 1996

¹ E Nọyaẹnmwa khare wẹẹ, “Ẹghẹ ne Izrẹl na re ọvbokhan, I keghi gha hoẹmwẹ ọnrẹn, I keghi tie ẹre ke Igipt rre, zẹ vbe ovbi mwẹ nokpia.

Hozia 11:1 Iomraidhean Croise

Psalm 129:1

Izrẹl, tama mwa vbene avbe eghian zẹ uẹ kpokpo hẹ, ke ẹghẹ ọvbokhan ruẹn gha dee.

Ẹksọdọs 19:4

“Wa miẹn emwi ne I ru ivbi Igipt re, vbene I na mu uwa zẹ vbene oghohọn mu ovbi ẹre vbe ifuẹn ọnrẹn, I na viọ uwa gha die ehe ne I ye.

Ẹksọdọs 4:22

Ẹghẹ nii, u ghi tama rẹn wẹẹ, vbenian ọre Nọyaẹnmwa khare ‘Izrẹl ọrọre ovbi mwẹ ne ọdiọn.

Ẹksọdọs 4:23

I tama ruẹn ne u gie ovbi mwẹ gha khian ne ọ ya ga mwẹ sokpan u keghi he. Wanwanna nian, mẹ gha gbe ovbi uẹ ne okpia ne ọdiọn.’ ”

Aizaia 43:4

I gha sẹ avbe uhunmwu ẹvbo rae ne iran miẹn ruẹn fan, rhunmwuda ighobioye ọ re u khin mwẹ re kevbe wẹ rhunmwuda ighẹ I ho ẹmwẹ ruẹn, I vbe rhie ọghọ nuẹn.

Jerimaia 12:7

E Nọyaẹnmwa khare wẹẹ, “I hee Izrẹl yotọ nẹ. I sẹẹ uhunmwu ẹvbo mwẹ ne I hannọ zẹ rae nẹ I viọ emwa ne I ho ẹmwẹ ọnrẹn ye obọ ẹtin eghian iran nẹ.

Jerimaia 2:2

ne I ya ta ẹmwẹ na ma emwa hia ni rre Jerusalẹm. “I yerre wẹ ọmwa ne ọ mudia ẹse ọ re u wa gha khin vbe ẹghẹ ne u na ye kherhe. Vbene u gha ho ẹmwẹ mwẹ hẹ vbe ẹghẹ ne a na da rhie ruẹ rre. U lele mwẹ la ato, la otọ ne a ma he mu ẹre ugbo ẹdẹ.

Ezikiẹl 16:22

Ẹghẹ ne u na gha lo ẹdẹ ruẹ ye uyinmwẹ ẹwia ọghe igberagia, u ma ghi dọlegbe ye ẹghẹ ne u na gha rre ọvbokhan rre ọvbehe, ẹghẹ ne u na gha rre irhunmwuirhun, ne u na gha wunnu vbe uwu esagiẹn ruẹn.”

Ezikiẹl 16:6

“Mẹ ghi la evba nii gberra, I keghi bẹghe ruẹ vbe u wunnu vbe uwu esagiẹn ruẹn. Te esagiẹn wa ro gue ruẹ, sokpan I ma se uẹ rae ne u wu.

Hozia 10:15

Erriọ ọ ra sunu vbe egbe uwa ne ivbi e Bẹtẹl, rhunmwuda emwi dan ne ọ muohan ne u wa ru. Okuo gha wa da suẹn nii, ọba Izrẹl ghi wu.”

Hozia 12:13

E Nọyaẹnmwa keghi giee akhasẹ ne ọ ya fannọ ivbi Izrẹl hin ọviẹn rre vbe Igipt, kevbe ne ọ gha gbearoghe iran.

Hozia 12:9

Sokpan, mẹ ne Nọyaẹnmwa ne Osanobua uwa, ne ọ viọ uwa ke Igipt ladian gha dee, I gha dọlegbe ru ẹe ne uwa dọlegbe ya gha di okhogbo ya. Zẹ vbene uwa gha ru ẹe vbe ẹghẹ ne I na bu uwa rre vbe uwu ato.

Hozia 13:4

E Nọyaẹnmwa khare wẹẹ, “Mẹ ọrọre Nọyaẹnmwa ne Osanobua rua ne ọ viọ uwa ke Igipt ladian. Wa imwẹ Osanobua ọvbehe gberra imẹ, mẹ ọkpa kẹkan ọ re ọ vbe re ọmiọnmwafan uwa.

Hozia 2:15

I gha mu ogba azara ne ọ kagha mwẹ dọlegbe nẹẹn, I ghi ya Iya orueghe khian Onurho idaehọ ne ẹẹn. Ọ gha zẹ yọmwẹ re vbe odọ niii zẹ vbene ọ ka gha ru ẹghẹ ne ọ na ye kherhe, ẹghẹ ne ọ na ke Igipt rre.

Malakai 1:2

E Nọyaẹnmwa tama emwa rẹn wẹẹ, “Te I wa ho ẹmwẹ ruẹn ẹdẹdẹmwẹdẹ.” Sokpan, iran wanniẹn wẹẹ, “Vbe u a ghi ya rhiema hẹ ighe u gele ho ẹmwẹ mwa?” E Nọyaẹnmwa wanniẹn wẹẹ, “Etẹn ọkpa ọ re Isọ kevbe Jekọb gha khin, sokpan mẹ keghi hoo ẹmwẹ e Jekọb kevbe ivbi uniẹn ọnrẹn.

Matiu 2:15

Evba iran gha ye Hẹrọd to do wu. Ọna sunu ne ẹmwẹ ne Nọyaẹnmwa la unu akhasẹ guan miẹn ehe na sẹ wẹẹ, “Mẹ tie ovbi mwẹ ke Igipt rre.”

Diuteronomi 33:3

E Nọyaẹnmwa ho ẹmwẹ emwa ẹnrẹn, ọ keghi vbe degue iran ni re ọghe ọe. Rhunmwuda ọnii, ma ghughẹrre vbe owẹ ọre a na ya uhi ẹre gha ru emwi.

Diuteronomi 7:7

“Ẹ i re rhunmwuda ighẹ wa bun sẹ emwa ọvbehe hia ọ re Nọyaẹnmwa na ho ẹmwẹ uwa ọ na vbe hannọ uwa zẹ. Wa ọ re ọ gha re uhunmwu ẹvbo ne ọ ghi kanmwa sẹẹ vbe agbọn.