Hozia 10:8 - Edo Bible (E Baibol Ẹdo) Version 1996

⁸ Aro ẹbọ ne ọ rre oke Avọn, ehe ne avbe ivbi Izrẹl na ya gha gho ẹbọ, a gha fuẹn ọnrẹn uan. Igban kevbe irunmwu gha zọ vbe Ogiukpo iran. Emwa nii gha go tama avbe oke nekhua wẹẹ, “Viọ ima lẹre!” Kevbe avbe oke negiẹrẹ wẹẹ, “Guẹ ima muotọ!”

Hozia 10:8 Iomraidhean Croise

Gẹnẹsis 3:8

Vbe ota nii, iran keghi họn vbe Nọyaẹnmwa Osanobua khian vbe uwe ogba, iran keghi mu erhan gue egbe ya lẹre ne ẹn.

I Ọba 13:2

Zẹ vbene e Nọyaẹnmwa gie, akhasẹ nii keghi ya yan aka nii, ọ wẹẹ: “Aka o, aka, vbenian ọre Nọyaẹnmwa khare: A gha biẹ ọmọ okpia ọkpa nẹ Devid, a ghi gha tie eni ọmọ ni e Josaia. Ọ gha gbele avbe ohẹn ni do gha ga vbe aro ẹbọ enimayayi na, iran ni zọ ese vbe uhunmwu ruẹn, ọ ghi giẹn ugboloko emwa ne agbọn yan ruẹn.”

I Ọba 13:34

Orukhọ ne ọ ru na ọre ọ silo ẹe ne ẹgbẹe ọre na fuan, ọ na wa gbe ẹro.

I Ọba 14:16

E Nọyaẹnmwa ghi fi iyeke gbe Izrẹl, rhunmwuda, e Jeroboam ru orukhọ nẹ, ọ kevbe silo ivbi Izrẹl fi uwu orukhọ.”

II Ọba 23:15

E Josaia kevbe guọghọ ẹe sẹ otọ ighẹ ehe ne a na te ga vbe Bẹtẹl, ne Jeroboam ne ọba ne ovbi e Nebat bọe, ọmwa ni ne ọ si ivbi Izrẹl obọ fi orukhọ. E Josaia keghi siẹn Ogiukpo ne ọ rrọ sẹ otọ, ọ na rẹnkhẹn okuta ni rrọọ, ọ na dunmwu ẹẹn ya khian ebubẹ, ọ kevbe giẹn ọnrẹn uan ighẹ amazẹ Asiẹrra.

II Krọnikol 31:1

Iran ghi ru emwiukpo na nẹ, ivbi Izrẹl hia keghi khian lele ore ẹvbo ni rre Juda hia, iran keghi ya guọghọ orre okuta ni rrọ kua, iran keghi siẹn ama Asiẹrra ne ẹbọ ne okhuo sẹ otọ, iran keghi dunmwu avbe Ogiukpo kevbe aro ẹbọ iran ni ga ẹbọ hia a. Iran keghi vbe ru ẹe vberriọ vbe ehe ni dekẹe vbe Juda, kevbe otọe Bẹnjamin, Ifreim kevbe Manasẹ, iyeke ọnii, iran hia kegha die owa.

Aizaia 2:19

Emwa gha lẹre ye uwu avbe uvun ye uwu otọ ne iran miẹn ehe na lẹfe vbe obọ ohu e Nọyaẹnmwa, kevbe ne iran vbe lẹre hin obọ ẹtin kevbe uyi ẹre rre, vbe ẹghẹ ne ọ gha na mu agbọn rueghe.

Aizaia 2:21

E Nọyaẹnmwa gha rre do mu agbọn na rueghe, emwa gha lẹre ye uvun otọ kevbe uvun okuta, ne iran miẹn ehe na lẹ ohu ẹre fe, kevbe ne iran lẹre ne ẹtin ẹnrẹn kevbe uyi ẹre.

Aizaia 32:13

igban kevbe ọkọsọ ọ re ọ ghi zọ vbe otọ emwa mwẹ. Wa gha viẹ ne avbe owa ne ọyẹnmwẹ na te sẹ emwa, kevbe avbe okpẹvbo ne ọ te hu yo hu rre.

Aizaia 34:13

Igban kevbe ọkọsọ gha zọ vbe ehe hia kevbe avbe ẹvbo ne a gbe ekẹn gaa. Avbe edi kevbe esughusughu ọ re ọ ghi ra gha rrọọ.

Hozia 10:2

Emwa ne ekhọe ẹre vuọn ne erẹrẹ, te iran ghi ra rrioya ye orukhọ ne iran ru. Osanobua gha guọghọ Ogiukpo iran an, ọ ghi dunmwu okuta ẹbọ iran an.

Hozia 10:5

Ohan gha mu emwa ni rre ore Sameria, iran ghi vbe gha khiẹ ye ẹmwẹ ẹkhuia ẹmila ne iran ya igoru ma mu ye Bẹtẹl, iran kevbe avbe ohẹn ni gho nene amazẹ gha viẹ ẹsẹse. Iran gha go ugomwẹ eve vbe ẹghẹ ne a gha na bannọ ẹre ose igoru ẹre hẹ kua.

Hozia 10:9

E Nọyaẹnmwa khare wẹẹ, “Avbe ivbi Izrẹl ma he dobọ orukhọ ne a ru ghe mwẹ yi, kevbe ne iran ya rukhọ vbe Gibea gha dee. Rhunmwuda ọnii, e Gibea ọ re okuo ra na ya khu iran mu.

Hozia 2:6

Rhunmwuda ọnii, I ra ya ẹti igban gba ogba ga ẹre. I ghi gbe ekẹn ya ran odẹ ọre.

Hozia 4:13

Iran zọ ese vbe ehe ne iran na gho iran vbe uhunmwu oke nekhua. Iran keghi vbe giẹn eturari vbe uhunmwu oke negiẹrẹ, vbe ototọ avbe erhan ni taẹn kevbe ni zẹlẹ abọ ẹsẹse, rhunmwuda, irhu iran wa fu ọmwa egbe ẹsẹse. “Rhunmwuda ọnii, avbe ivbi uwa nikhuo gha gbe ebabotu, kevbe ivbi amwẹ uwa nikhuo gha vbe ru oghẹ.

Hozia 4:15

“A gha rhe miẹn wẹ wa ne ivbi Izrẹl ma guobọ mwẹ, a i gha miẹn egbọre vbe obọ e Juda. Wa ghẹ ghi ga vbe Bẹtẹl ra Gilgal ra ne uwa ye gha ya eni e Nọyaẹnmwa ne ọ rrọ yan eyan vbe evba.

Hozia 5:8

Wa kpe okpe okuo vbe Gibea, wa so okokoko vbe Rama. Wa tu utumwẹ okuo vbe Bẹtẹl! Ivbi e Bẹnjamin, wa la okuo.

Hozia 8:5

Ẹkhuia ẹmila igoru ne emwa e Sameria gho wa sọnnọ mwẹ. Ohu iran wa kakabọ mu mwẹ vbe ọ ra kpee sẹ hẹ yi iran ke do mu ẹbọ ne iran gho fua?

Hozia 9:6

Ọkhọ gha ghi rruan iran nẹ, ighe avbe emwa ni hia vbe zagha kua, ivbi Igipt gha si iran koko iran ghi si iran koko ne iran ya re iran vbe Mẹmfis! Emwi ẹfe esiliva ne iran mwẹ, kevbe ehe ne owa te gha ye vbe ẹghẹ ọkpa, irunmwu kevbe igban, ọ re ọ gha zọọ gue ehia.

Emọs 1:5

I gha dunmwu onurho e Damaskọs rua, I ghi viọ emwa ni rre Iya Avẹn, kevbe ne ọ khaemwisẹ Bẹtẹdẹn kpao. A gha viọ ivbi e Siria oghunmwu gha rrie Kaa.”

Emọs 3:14

“Ẹdẹ ne I gha rri ivbi Izrẹl oya ye orukhọ ne iran ru, I gha dunmwu Ogiukpo ne ọ rre Bẹtẹl rua, a gha vbe kpannọ igẹngẹn Ogiukpo hia kua, ehia ghi dele kuotọ.

Emọs 7:9

A gha fuẹn ọnrẹn uan ighẹ ehe ne ivbi uniẹn Aizik na ru ugamwẹ. A gha ye ehe nọhuanrẹn ọghe Izrẹl khian itowa. I gha ru ẹe ne uniẹn e Jeroboam ne Ọba gbẹro.”

Emọs 8:14

Iran ni vẹn ẹbọ e Sameria, iran ni kha wẹẹ, ‘I vba ẹbọ ne Dan’ ra ‘I vba ẹbọ ne Biẹsiẹba’ iran ni gha dele guọghọ ua, iran i ghi vbe kpao ọvbehe.”

Maika 1:13

Wa ni rre Lakis, wa gbalọ ẹsin mu avbe ikẹkẹ okuo. Wa ọ re ọ ya egbe ta orukhọ ivbi Izrẹl wa na vbe gie Jerusalẹm ru orukhọ.

Maika 1:5

Ena hia gha sunu rhunmwuda ivbi Izrẹl ru orukhọ nẹ, iran keghi vbe sọtẹ ghe Osanobua. De ọmwa ne a gha lẹ isọtẹ ivbi Izrẹl ginna ẹre obọ yi? E Sameria ne igiogbẹ ẹvbo nii tobọ ẹre! De ọmwa ne ọ rri abe ẹbọ ne a gho vbe Juda yi? E Jerusalẹm tobọ ẹre nọ ra!

Nahum 3:11

E Ninevi, wẹ tobọ ruẹ gha vbe zurọ ezurọ ọmwa ne ayọn gbe! We tobọ ruẹ gha vbe hia ne u lẹ eghian ruẹn fe.

Iyẹn ne ọ Maan Ọghe Luk 23:30

Ẹdẹ ne ẹdẹrriọ ọre emwa gha khama oke nekhua wẹẹ, ‘De rhu ima!’ kevbe avbe oke negiẹrẹ wẹẹ, ‘Gue ima muotọ.’

Diuteronomi 9:21

I keghi mu emwi orukhọ ne uwa ru nii ighẹ ẹkhuia ẹmila nii, I na fi ẹe fi uwu erhẹn. Iyeke ọnii, I keghi bunnọ ẹre ukhiọnmwẹ, I na lọ ẹe rẹnhunrẹnhun, I na rhurhu ne rẹnhunrẹnhun ni ku uwu ẹzẹ ne ọ lẹ ghe ototọ oke.

Arhie Maan 6:16

Iran kegha go tie avbe oke ni yo kevba avbe okuta nekhua wẹ, “De rhu ima ne u rhie ima lẹre hin aro ọmwa nii, ne ọ tota ye ẹkete, kevbe hin izohu oteghe Ohuan nii.

Arhie Maan 9:6

Vbe uwu uki isẹn na, emwa ni bun gha gualọ uwu, sokpan iran i ra miẹn, iran gha ho ne iran wulo sokpan uwu ghi lẹ ne iran.