Hozia 10:4 - Edo Bible (E Baibol Ẹdo) Version 1996

⁴ Ẹmwẹ akuọkan ọ re iran ta ladian vbe unu, iran ghi vbe gha yan eyan ifianyanegbe kevbe ebe ne ẹ i mwẹ esa ne a gha rhie obọ yi. Ohiẹn ẹmwata gele khian ohiẹn ne ẹ i re ẹmwata nẹ nian, ọ gha wan khian zẹ vbe ne irunmwu eruan ye vbe otọ ne a mu ugbo yi.

Hozia 10:4 Iomraidhean Croise

Aizaia 5:7

Izrẹl ọrọre ogba azara ọghe Nọyan ne Oghodua; emwa e Juda ọrọre azara ne ọ kọ yọ. Rẹn te rhie aro yọ ne iran gha ru emwi ne ọ maa, sokpan, iran kegha do izigha. Rẹn te rhie aro yọ ne iran gha ru emwi ne ọ gbae, sokpan, emwa ne obọ iran vbare kegha tu wẹ ne a bu ohiẹn ẹmwata.

Hozia 4:2

Iran gha yan eyan, iran i yae ru emwi, iran ta ohoghe, iran de izigha, iran rhaa, iran vbe ghẹẹ. Aghẹru wa biẹ yọ, izigha ne a de emwa ẹre ghi gha degbe egbe.

Hozia 6:7

“Sokpan ọwarọkpa vbe iran ghi la otọ Adam nẹ, iran keghi wa rra iyi ne ima gba yi ne egbe.

Emọs 5:7

Ọghe uwa fo nẹ, wa ni khiẹn ohiẹn bu, ni vbe mu emwa buzọ ẹre aro ua vbe emwi ne ọ wa khẹke iran!

Emọs 6:12

Ẹsin vbe gbe ọkuẹkuẹ vbe uhunmwu okuta ra? Avbe ya ẹmila vulo otọ vbe amẹ okun ra? Sevba, wa ye ohiẹn ẹmwata khian eruan, wa keghi vbe ya ne ọgbae khian ne ọ magba.

Iwinna 8:23

Rhunmwuda mẹ miẹn nian wẹ okuosu oyọmwadọmwa wa vuọn ekhọe ruẹ, orukhọ vbe mu ẹn izẹghede.”

Ebe ne Pọl gbẹẹn gie emwa Rom 1:31

Iran ghi gha gbe alama oghẹ, iran i mu eyan iran sẹ, iran i tohan ọmwa rhọkpa.

Diuteronomi 29:18

Wa ghẹ gie a miẹn wẹ, ọ re okpia nọ ra okhuo nọ, ẹgbẹe ra ẹwae ni rre emwa ẹrẹna, fiwerriẹ hin ehe ne Nọyaẹnmwa Osanobua mwa ye rre, ne iran ya gha ga ẹbọ ẹvbo ọvbehe. Te ọnii ra gha yevbe inian ne ọ zọ ladian do khian erhan ne ọ rriara kevbe ne obi ye.

Diuteronomi 31:16

E Nọyaẹnmwa keghi tama e Mosis wẹẹ, “U gha rherhe wu ban, u gha ghi wu nẹ, emwa na gha do khian ne a i ghi mu ẹtin yan ghe mwẹ, iran ghi gha rra ile nii ne I gue iran ta. Iran ghi he mwẹ ye otọ ya gha gho avbe ẹbọ otọe nii ne iran khian lao na.

Diuteronomi 31:17

Emwi vberriọ gha sunu, ohu iran gha mu mwẹ, I gha he iran ye otọ, a ghi fuẹn iran an. Ọkhọ ni mu ohan hia gha rruan iran, ẹghẹ nii iran ghi do rẹn wẹ emwi na sunu vbe egbe iran rhunmwuda, mẹ ne Osanobua iran i ghi rrọ yaba iran.

II Timoti 3:3

Iran i ghi mwẹ itohan, iran ghi rri vbe ekhọe, iran ghi ye unu rhia ọmwa ran, iran ghi gha yin uyinmwẹ ikẹtin, aro iran ghi gha kpannọ ugiọnmwẹ erhẹn, ohu emwi ne ọ maa ghi gha mu iran.

Hibru 12:15

Wa khẹ ye egbe, ne ọmwaikọmwa ghẹ ya fi iyeke gbe ẹsọhẹ Osanobua. Wa mwẹ ẹwaẹn, ne ọmwaikọmwa ghẹ ya khian utẹzi ne ọ gha wan nẹ, ọ ghi ye obi ẹre gha kpokpo emwa ni bun.