Hozia 10:13 - Edo Bible (E Baibol Ẹdo) Version 1996

¹³ Sokpan, u keghi ya kọ emwi dan, u na vbe rhọ ọmọ rẹn. U rrii ọmọ ne ohoghe ne u ta mọẹn nẹ. Rhunmwuda ne u na mu ẹtin yan avbe ikẹkẹ okuo ruẹ, kevbe avbe ivbiyokuo ruẹ nibun,

Hozia 10:13 Iomraidhean Croise

Job 4:8

Mẹ miẹn emwa ni gua ugbo ọkhọ nẹ, iran na kọ uyinmwẹ ika zẹ vbe emwi okọ, eban nian, emwi ne iran rhọ ọrọre ọkhọ kevbe emwi dan.

Psalm 33:16

Ẹi re rhunmwuda iyokuo ẹre ne ọ wegbe, ọ re ọba na khọnmiotọ, ẹi re ekpa ẹtin obọ ẹre ọ re ovbiyokuo ya khọnmiotọ.

Psalm 52:7

“Wa ghe ẹre ighẹ okpia ne ọ ma lẹ gbinna Osanobua, sokpan ọ keghi mu ẹtin yan ẹfe ẹre nibun. Ọ na wẹ uyinmwẹ dan rẹn ra ya gbe ẹkun sẹ otọ.”

Psalm 62:10

Ghẹ mu ẹtin yan uyimwẹ ika ghẹ rhie aro ye ere vbe oyi ne a rha, a deghẹ ẹfe ruẹ vbe muan yọ, ghẹ mu ẹtin yan rẹn.

Itan 1:31

Rhunmwuda ọnii nian, wa miẹn emwi ne ọ ke ne uwa, uyinmwẹ uwa ọ re ọ ra si emianmwẹ ye uwa egbe.

Itan 12:19

Ohoghe i tọ, sokpan, etẹbitẹ ọ re ẹmwata khin.

Itan 13:2

A gha san emwa esi ẹse ye ẹmwẹ ne iran guan, sokpan, iran ni re emwa erẹrẹ, e piankhanrhan ọ re iran fie ho khin.

Itan 19:5

U gha ta ohoghe vbe iko, a gha rri uẹ oya, ẹ i mwẹ vbene a tae hẹ.

Itan 22:8

U gha gbọ inian a i ta ẹmwata, ọfuan ọ re ọ ra yuo ladian vbọ, ufomwẹ ọghe ne u na zẹ emwa kpokpo ghi rrie.

Asan-Ibo 9:11

I keghi vbe miẹn emwi okpa ọvbehe vbe agbọn na wẹ, ẹ i re iran ni rhulẹ sẹẹ ọ re ọ mu okaro vbe ulẹ, ẹ i vbe re iran ni din sẹ ọ re ọ khọn miotọ vbe okuo. Avbe umẹwaẹn i mobọ sẹtin khuan okhuan unu iran, emwa ni fu ẹro i mobọ vbe sẹtin fe, emwa ni guẹ sẹẹ i mobọ sẹ ukpo ni yo. A i miẹn ọmwa ne emwi i beghe.

Aizaia 17:11

Gia kha wẹ iran gele gbọọ, iran na họn ebe ẹsẹse vbe owiẹ ne uwa gbọọ iran zẹẹ, wa i ra kọlọ ọmọ iran. Ọlọghọmwa kevbe obalọ ne ẹ i mwẹ ukhunmwu ọkpa ọ re uwa ra miẹn vbọ.

Hozia 11:12

E Nọyaẹnmwa khare wẹẹ, “Ivbi Izrẹl ya ohoghe kevbe erẹrẹ gha ogba ga mwẹ, te ivbi e Juda ye sọtẹ mwẹ; mẹ ne Osanobua ẹmwata nọhuanrẹn.

Hozia 4:2

Iran gha yan eyan, iran i yae ru emwi, iran ta ohoghe, iran de izigha, iran rhaa, iran vbe ghẹẹ. Aghẹru wa biẹ yọ, izigha ne a de emwa ẹre ghi gha degbe egbe.

Hozia 4:8

Orukhọ ne avbe emwa mwẹ ru ọ re uwa ya họn ẹfe, rhunmwuda ọnii, te uwa ghi ho ne iran kakabọ gha ru orukhọ yọ.

Hozia 7:3

E Nọyaẹnmwa khare wẹẹ, “Emwa gha yo uma dan ne iran si ya rẹrẹ ọba kevbe ekhaẹmwẹ ọnrẹn.

Hozia 8:7

Iran kọ ẹhoho iran gha rhọ okpẹhoho! Ugbo ọka ne ọma mọ ọka, ẹ i sẹtin rhie ebrẹd ladian. Sokpan, a deghẹ ọ sẹtin gha yerriọ, ẹrrẹe ọ re ọ ra rriọe rua.

I Samuẹl 24:14

Ghe emwi ne ọba Izrẹl ho ne ọ gbe ua! Ghe emwi ne ọ khu khian, ekita ne ọ wu, ovbi ọkhọe.