Hozia 10:10 - Edo Bible (E Baibol Ẹdo) Version 1996

¹⁰ I gha dekun emwa orukhọ na, I gha rri iran oya. Avbe uhunmwu ẹvbo gha ku obọ gbe mu aro da iran, a gha vbe rri iran oya ye orukhọ iran nibun ẹsẹse.

Hozia 10:10 Iomraidhean Croise

I Ọba 12:28

Ọ ghi roro ẹe nẹ, ọ keghi do mannọ ẹmila ọwẹe igoru eva, ọ na tama emwa rẹn wẹẹ, “Ọ kpẹre ne uwa kegha yo e Jerusalẹm ya gha ga. Ivbi Izrẹl, wa ghe avbe ẹbọ uwa ne ọ viọ uwa ke otọe Igipt ladian!”

Job 39:10

U gha sẹtin ya irri de ọkpa vbọ ra? Ne uwẹ ne ọ do gha vulo otọ?

Aizaia 1:24

Rhunmwuda ọnii nian, danmwehọ vbene ọ kha hẹ ighe e Nọyaẹnmwa ne Oghodua, Osanobua ne ọ mwẹ ẹtin ọghe Izrẹl: “I gha rria uwa ikhi, wa ne eghian mwẹ, wa i ghi ra gha kpokpo mwẹ ọvbehe.

Jerimaia 15:6

Wa he mwẹ nẹ, wa keghi vbe fi iyeke gbe mwẹ, rhunmwuda ọnii, ọ re I na niẹn obọ ya rẹnkhẹn uwa a. Rhunmwuda, I ma ghi sẹtin ziengbe ohu ne ọ mu mwẹ.

Jerimaia 16:16

E Nọyaẹnmwa keghi kha wẹẹ, “I ra gie ne a tie avbe ọgbehẹn nibun, ne iran do munọ avbe emwa na, vbe iyekọnii, I ghi vbe gie ne a tie avbe ohuẹ nibun, ne iran do ru ọba fi iran vbe avbe uhunmwu oke nekhua kevbe negiẹrẹ hia kevbe vbe uwu uvun okuta nekhua.

Jerimaia 21:4

Ne iran tama e Zedekaia wẹ e Nọyaẹnmwa ne Osanobua Izrẹl wẹẹ, “E Zedekaia, te I ra khọn iran muotọ ighẹ ivbiyokuo ruẹ ni gue ọba e Babilọn kevbe ivbiyokuo ẹre khọn, I gha si emwi igbinna ọghe avbe iyokuo ruẹ gboo ye adesẹ ore ẹvbo.

Ezikiẹl 16:37

Rhunmwuda emwi na, I si avbe egbakhian ruẹn nẹdẹ hia koko, iran ne ẹmwẹ ọnrẹn gha yẹ ruẹ kevbe iran ne u ma ho ẹmwẹ ọnrẹn, I gha viọ iran rre ne iran do doga ruẹ, I ghi bannọ ọn ukpọn hẹ kua, ne iran miẹn uwẹ eban ra vbe u rre irhunmwuirhun.

Ezikiẹl 16:42

Ẹghẹ nii, ohu gha fo mwẹ vbe ẹko, I ghi hẹwẹ vbọ. I i ghi mu ohu ra ne ẹko ye gha khọ mwẹ ọvbehe.

Ezikiẹl 23:46

Vbenian ọ re e Nọyaẹnmwa ne Udazi khare, “Wa viọ otu ni si ọbọbọ ẹrhia gha dee ne iran do runran iran kevbe ne iran vbe do iran emwi hẹ.

Ezikiẹl 23:9

Mẹ keghi rhie ẹre ne ivbi e Asiria ni zẹ ọre ọse, ne aro irẹn wa vbe ye ẹsẹse.

Ezikiẹl 5:13

“Wa gha họn ẹmwẹ obọ ohu kevbe okuosu mwẹ vbe egbe, a te do miẹn wẹ ẹko ẹre vuọn mwẹ. Ena hia ghẹ ghi sunu nẹ, wa ghi do rẹn wẹ te imẹ ne Nọyaẹnmwa gu uwa guan rhunmwuda ohu mu mwẹ ye uyinmwẹ a ma guobọ ọmwa uwa.

Hozia 10:9

E Nọyaẹnmwa khare wẹẹ, “Avbe ivbi Izrẹl ma he dobọ orukhọ ne a ru ghe mwẹ yi, kevbe ne iran ya rukhọ vbe Gibea gha dee. Rhunmwuda ọnii, e Gibea ọ re okuo ra na ya khu iran mu.

Hozia 4:19

Iran gha kpolo iran gha rrie zẹ vbene ẹhoho ru, ẹmwẹ ese emwa ni ga ẹbọ ne iran zọ ghi do gha mu iran ekhue.

Hozia 4:9

“Oya ne a gha rri emwa ni re ọ re a gha vbe rri uwa ẹre! I gha rri uwa oya, I ghi vbe ru ẹe ne uwa ha osa emwi dan ne uwa ru.

Hozia 8:1

E Nọyaẹnmwa khare wẹẹ, “Wa kpe orhu okuo! Avbe eghian wa hẹ bu otọe mwẹ dee zẹvbe avbe oghohọn. Avbe emwa mwẹ rra ile ne imẹ vbe iran gba ta nẹ, iran keghi vbe sọtẹ ghe emwi ne I ma iran re.

Hozia 8:10

“Sokpan banbanna nian, mẹ ra si iran koko ne I rri iran oya. Vbe ọ ma he kpee wan, iran gha wunnu yo wunnu rre vbe uwu obalọ, vbe ọba Asiria a ra gha wọ iran uhunmwu.

Matiu 22:7

Ohu keghi mu ọba ni, ọ na gie ivbiyokuo ẹre, iran na ya gbele avbe izigha ni uan, iran na giẹn ẹvbo iran muotọ.

Diuteronomi 28:63

Zẹ vbene Nọyaẹnmwa wa yan gha zẹ ọma ne agbọn ku uwa, kevbe ne ọ na vbe gie uwa gha bun yọ, erriọ ọ re ọ ra vbe yan fuẹn uwa a, kevbe ne ọ vbe mu ọ rhiae lele uwa. A ghi ho uwa bẹkun vbe otọ ni ne uwa ra yin na.