Hozia 1:2 - Edo Bible (E Baibol Ẹdo) Version 1996

² Ẹghẹ ne Nọyaẹnmwa na gie Hozia uhunmwu gie ivbi Izrẹl vbe okaro, ọ tama Hozia wẹẹ, “Ya rhie okhuo; amwọn gha wa gha ghẹẹ, te emọ ne u ra biẹlẹ ra wa vbe yevbe irẹn. Erriọ wa vbe nọ, emwa mwẹ sẹ mwẹ rae, iran ma ghi guobọ mwẹ.”

Hozia 1:2 Iomraidhean Croise

II Krọnikol 21:13

Sokpan, u keghi lele igiemwi avbe ọba Izrẹl, u na ye ivbi e Juda kevbe ivbi e Jerusalẹm khian ni ma ghi guobọ e Nọyaẹnmwa zẹ vbene Ehab kevbe iran ni rriọba lele ẹe silo ivbi Izrẹl hin iyayi rre. Sẹe hia, u keghi gbele iran ighẹ avbe etuẹn ni re emwa ni maa sẹ ruẹ.

Psalm 106:39

Iran keghi lekpa uyinmwẹ iran ya egbe iran khian ne ọ ma huan, iran ma gie Osanobua mu ẹtin yan.

Psalm 73:27

Ẹ i mwẹ iran ni he uwẹ ye otọ ma fuẹn uan, wẹ gha fuẹn iran an ighe emwa ni ma guobọ ruẹ.

Jerimaia 2:13

rhunmwuda orukhọ eva ọ re emwa mwẹ ru: iran fi iyeke gbe mwẹ, mẹ ne uhunmwu ẹzẹ amẹ ne ọ furre, iran keghi ya gha fian ivbi uhae, uhae ni halọe, ne ẹ i vbe sẹtin rrọ amẹ hiehiere.

Jerimaia 2:20

E Nọyaẹnmwa ne Udazi khare wẹẹ, “Izrẹl, ọ kpẹre ne uwa ghi he asẹ mwẹ yotọ wa he ne uwa họn ẹmwẹ mẹ ra ne uwa ga mwẹ wa keghi ya gha gho avbe ẹbọ emwiokọ, vbe uhunmwu oke kevbe ototọ erhan ni mwẹ ebe hia.

Jerimaia 2:23

Vbe uwa ghi ra tae hẹ yi ighe wa ma ru awua, wẹ, wa ma he gho e Baal ẹdẹ. Wa ghe vbene uwa ru orukhọ hẹ vbe uwu iya, wa ghe emwi ne uwa he ru, te uwa ye vbe ede amwẹ vbe ẹghẹ owowo, wa gha rhulẹ yo rhulẹ rre vbe ne a ma na gbe odẹ,

Jerimaia 3:9

ekhue ma vbe mu ẹẹn hiehiere. Ọ ru otọ awua, ọ keghi ghẹ vbekpa ne ọ na gha gho avbe okuta kevbe erhan.

Ezikiẹl 6:9

ehe ne iran gha na gha rre iwe. Evba nii ọre iran gha na ye mwẹ rre, iran ghi vbe rẹn we mẹ ọ re ọ rrii iran oya, I na vbe fa iran an, rhunmwuda ekhọe iran nẹi guobọ ọmwa he mwẹ yotọ, iran keghi rhie egbe lele ẹbọ ne ọ yẹ iran sẹẹ imẹ. Ẹmwẹ egbe iran gha sọnnọ iran rhunmwuda emwi dan kevbe emwi ifaegbua ne iran ru.

Hozia 2:7

Ọ gha rhie ulẹ lele avbe esiọre, sokpan ẹ i ra vba iran. Ọ gha gualọ iran, sokpan ẹ i ra miẹn iran. Ẹghẹ nii, ọ ghi kha wẹẹ, “I ra do bu ọdọ mwẹ ne I ka rọnmwẹ. Ẹghẹ nii ọre agbọn na ma mwẹ sẹ ne I ghi ye na.”

Hozia 3:1

E Nọyaẹnmwa keghi tama mwẹ wẹẹ, “Dọlegbe gha khian, ne u ya ho ẹmwẹ okhuo ne irẹn vbe egbakhian rẹn gba ghẹ khian nii, u ghi ho ẹmwẹ ọnrẹn zẹ vbene imẹ ye vbe ho ẹmwẹ ivbi Izrẹl ne emwa mwẹ, a gha rhe miẹn wẹ iran lẹ lele ẹbọ ọvbehe, iran keghi vbe gha ya ititi ọmọ erhan ne a kae re, zọ ese ghe amazẹ.”

Hozia 5:3

I rẹn vbene Izrẹl ye hẹ, ẹ i sẹtin lẹre mẹ. Rẹn ma ka guobọ mwẹ ẹdẹ, emwa rẹn ma vbe sẹ ne ọ gha ga mwẹ.”

Iyẹn ne ọ Maan Ọghe Mak 1:1

Ọna ọrọre Iyẹn Ne ọ maa vbekpa Jesu Kristi ne Ovbi Osanobua.

Diuteronomi 31:16

E Nọyaẹnmwa keghi tama e Mosis wẹẹ, “U gha rherhe wu ban, u gha ghi wu nẹ, emwa na gha do khian ne a i ghi mu ẹtin yan ghe mwẹ, iran ghi gha rra ile nii ne I gue iran ta. Iran ghi he mwẹ ye otọ ya gha gho avbe ẹbọ otọe nii ne iran khian lao na.

II Pita 2:14

Iran i ho ne iran bẹghe emwi ọvbehe gberra ikhuo ni ku ogboi, ẹko i sẹtin vuọn ohanmwẹ orukhọ iran ẹdẹ. Iran ghi gha sua ọmwa ne ọ ma wo vbe egbe fi ifi. Te a wa ma ekhọe iran ẹre ne iran gha zuan. Te Osanobua fi iran unu.

Arhie Maan 17:5

Iran keghi gbẹn eni ne ọ mwẹ emwi oro ne a yae kha ye ọre uharo wẹ, “Babilọn Nọkhua, iye ebabotu hia kevbe avbe emwi ni kẹkua hia vbe agbọn.”