Hozia 1:11 - Edo Bible (E Baibol Ẹdo) Version 1996

¹¹ A gha ku ivbi Izrẹl kevbe ivbi e Juda kugbe ne iran gha re ọkpa. Iran ghi koko tobọ iran zẹ olotu ọkpa. Iran ghi dọlegbe gha bun yọ, agbọn ghi maa iran vbe otọe iran. Ẹn, ẹdẹ nọkhua ọre ẹdẹ, Jizrẹl ra gha khin.

Hozia 1:11 Iomraidhean Croise

Psalm 110:3

Ẹdẹ ne u gha gu avbe eghian ruẹn gbinna, emwa ruẹn gha tobọ iran la igbinna, zẹ vbe evbu owiẹ vbirrivbirri avbe igbama ruẹn gha bu ruẹ gha die uhunmwu oke ne ọ huanrẹn ni.

Jerimaia 30:21

Ẹvbo iran ọ re ogie iran gha ke rre ovbiọba iran ghi gha re okpa vbe uwu iran I gha tie ẹre, ọ ghi bu mwẹ gha dee rhunmwuda, de ọmwa ne ohan gha giee rre vbe a ma tie ẹre? Iran ghi gha re emwa mwẹ, mẹ ghi gha re Osanobua iran. Mẹ ne Nọyaẹnmwa tae nẹ.”

Jerimaia 30:3

Rhunmwuda ẹghẹ dee ne I gha na viọ emwa mwẹ ighe Izrẹl kevbe Juda. I ghi viọ iran dọlegbe gha di otọe nii ne I mu ne avbe erhan iran odede, iran ghi dọlegbe do yan ẹnrẹn. Mẹ ne Nọyaẹnmwa ọre ọ taa ẹe.”

Jerimaia 30:7

Ẹdẹ ohan wa dee; a i miẹn ẹdẹ ne a ya gie ẹre, ẹghẹ akhiẹ nọ ne emwa mwẹ, sokpan iran gha miẹn uhunmwu vbọ.”

Jerimaia 31:33

Ile ọgbọn ne I ghi ra gu ivbi Izrẹl ta, enian ọ khian gha ye, I gha rhie uhi mwẹ ye uwu iran, I ghi vbe gbẹnnẹ ọẹn ye iran ekhọe. Mẹ ghi gha re Osanobua iran, iran ghi gha re emwa mwẹ.

Jerimaia 32:37

I ra ya si avbe emwa nii hia koko ke ehe ne I te zagha iran kui vbe ohu mu mwẹ, werriegbe gha die emwa na, I gha gie iran gha rrọ vbe a i mwẹ ẹbe.

Jerimaia 50:19

“I gha viọ ivbi Izrẹl dọlegbe gha die otọ iran. Iran gha re vbe emwiokọ ne ọ zọ vbe Oke Kamẹl, kevbe otọe Basian, iran ghi vbe rri enọrhirhi khọn iran vbe emwiokọ ne a miẹn vbe otọe Ifreim kevbe Giliad.

Ezikiẹl 39:25

E Nọyaẹnmwa ne Udazi khare wẹẹ, “Sokpan, banbanna nian, I gha tohan ivbi uniẹn e Jekọb ighe ivbi Izrẹl, I ghi gie agbọn dọlegbe maa iran, I gha da uyi eni mwẹ nọhuanrẹn yi.

Hozia 2:1

Rhunmwuda ọnii, tie ivbi Izrẹl ne ihua “Ivbi Osanobua” kevbe “Ne Nọyaẹnmwa ho ẹmwẹ ọnrẹn.”

Hozia 3:5

Sokpan, ẹghẹ dee ne ivbi Izrẹl gha na dọlegbe bu e Nọyaẹnmwa ne Osanobua iran gha dee, iran gha vbe bu ovbi uniẹn e Devid rre zẹvbe ọba iran. Ẹghẹ nii, iran gha mu ohan e Nọyaẹnmwa, iran ghi vbe miẹn emwi ọhẹ vbe obọ ẹre.

Ebe ne Pọl gbẹẹn gie emwa Rom 11:15

Rhunmwuda, ugbẹn vbe a he iran, a keghi ya agbọn khian ọse Osanobua. Vbe uwẹ a ghi yayi ighẹ ogha ye hẹẹ khekherriọ ugbẹn vbe a gha rhan obọ miẹn iran? Iran ni te wulo gha wa rrie agbọn!