Hozia 1:1 - Edo Bible (E Baibol Ẹdo) Version 1996

¹ Ọna ọrọre uhunmwu ne Nọyaẹnmwa gie ẹre re ighe Hozia ne ovbi e Biẹri vbe ẹghẹ ne avbe Uzaia, Jotan, Ehaz kevbe Hẹzekaia na gha re ọba e Juda, ne Jeroboam ne ovbi e Jehoas na gha re ọba Izrẹl.

Hozia 1:1 Iomraidhean Croise

II Ọba 13:13

E Jehoas keghi wu, a na re ẹre ye idin avbe ọba vbe Sameria, ẹre ovbi ẹre ighẹ Jeroboam ne ukpogieva na rriọba lele ẹe.

II Ọba 14:16

Ẹ Jehoas keghi wu, a na re ẹre ye idin avbe ọba vbe Sameria, ẹre ovbi ẹre ighẹ Jeroboam Ne Ogieva na rriọba lele ẹe.

II Ọba 14:23

Ugbẹn vbe ọ ghi rre ukpo ekesugie ne Amazaia ne ovbi e Joas rriọba vbe Juda, e Jeroboam ne ovbi e Jehoas keghi rriọba vbe Izrẹl, ọ keghi ya ukpo ọkpa yan iyeva vbe ẹkete vbe Sameria.

II Ọba 15:32

Ọ ghi rre ukpo ne ogieva ne Pẹka ne ovbi e Remalaia rriọba vbe Izrẹl, e Jotan ne ovbi Uzaia keghi rriọba e Juda,

II Ọba 15:5

E Nọyaẹnmwa keghi hihiẹ emwirregbekẹn ne emianmwẹ dan ku Uzaia. Ọ ma lahin ẹre egbe rre ọ te ya wu. Rẹn ọkpa vbe ẹhi ẹre keghi ya gha re owa ọkpa, a ma ghi gie ẹe ru emwi ne ọ khẹ ke ẹe rhọkpa, e Jotan ne ovbi ẹre kegha khaemwisẹ gbearoghe ẹvbo.

II Ọba 15:7

Uzaia keghi wu, a na re ẹre ye idin avbe ọba vbe Ẹvbo e Devid, ẹre ovbi ẹre ighẹ Jotan na rriọba lele ẹe.

II Krọnikol 27:1

Ukpo ekesọgban ọre Jotam ye vbe ọ rriọba, ọ keghi ya ukpo enẹirrọvbugie vbe ẹkete vbe Jerusalẹm. Iye ẹe kegha re Jerusia ne ovbi e Zadọk.

II Krọnikol 28:1

Ehaz ghi rre ọmọ ukpo ugie, ọ keghi rriọba. Ọ keghi ya ukpo enẹirrọvbugie vbe ẹkete vbe Jerusalẹm. Ọ ma lele igiemwi esi ọghe e Devid ne Ọba ne erha ẹe odede, sokpan, ọ kegha ru emwi ne ẹ i yẹ e Nọyaẹnmwa.

II Krọnikol 29:33

Debare iran keghi vbe viọ ẹkhuia ẹmila arriaeha (600) rre, kevbe ohuan arriaisẹn eha (3,000) zẹ vbe emwi ne a ya zọ ese, ne emwa ni rri ọe.

Aizaia 1:1

Ẹmwẹ ne Osanobua rhie ma Aizaia ne akhasẹ ne ovbi Amọz vbe ekpa e Juda kevbe Jerusalẹm, vbe ẹghẹ avbe ọba Uzaia, e Jotan, Ahaz kevbe Hẹzekaia ne avbe ọba e Juda, ọ re ọ rre Ebe na.

Aizaia 7:1

Ẹghẹ ne Ọba Ehaz ne ovbi e Jotam kevbe eyẹ ọghe Uzaia na gha rre ẹkete e Juda, okuo keghi saa. E Rezin ne ọba e Siria, kevbe Pẹka ne ovbi e Remalaia ọba Izrẹl keghi dekun e Jerusalẹm, sokpan, iran ma sẹtin khọn rẹn.

Jerimaia 1:2

E Nọyaẹnmwa keghi gu e Jerimaia guan vbe ọ rre ukpo iwera ne ọ rriọba ighe Josaia ne ovbi Amọn ne ọ rriọba vbe Juda.

Jerimaia 1:4

E Nọyaẹnmwa keghi tama mwẹ,

Ezikiẹl 1:3

Vbe ọkpẹn Ẹzẹ e Kiẹba nii, I keghi họn vbe Nọyaẹnmwa gunmwẹ guan, I keghi vbe họn obọ ẹtin ẹnrẹn vbe egbe mwẹ.

Joẹl 1:1

Uhunmwu ne Nọyaẹnmwa giee gie Joẹl ne ovbi e Pẹtuẹl ọ re ọna khin.

Emọs 1:1

Ẹmwẹ Emọs ne Ọsuohuan ne ovbi ẹvbo ne a tie ẹre Tẹkoa ọ re ena khin. A ghi tie ẹre ukpo eva ne igbohiotọ ra sunu, vbe ẹghẹ ne Uzaia na gha re ọba e Juda, e Jeroboam na vbe gha re ọba Izrẹl, Osanobua keghi rhie emwi na hia vbe ekpa Izrẹl ma Emọs.

Jona 1:1

Ẹdẹ ọkpa, e Nọyaẹnmwa keghi tama e Jona ne ovbi Amitai.

Maika 1:1

Ẹghẹ ne Jotam, Ehaz kevbe Hẹzekaia na gha re avbe ọba e Juda, ọ re Nọyaẹnmwa na gie Maika ne ovbi ẹvbo ne a tie ẹre Morẹsiẹt. E Nọyaẹnmwa keghi rhie avbe emwi na ma e Maika vbe ekpa Sameria kevbe Jerusalẹm.

Zẹkaraia 1:1

Vbe uki ne ogierẹnrẹn ọghe ukpo nogieva ne Dariọs ya gha re ọgbaisi e Pẹsia, e Nọyaẹnmwa keghi gie ẹre uhunmwu na ighe Zẹkaraia ne ovbi e Berakia kevbe eyẹ Iddo.

Iyẹn ne ọ Maan Ọghe Jọn 10:35

Ma rẹnrẹn wẹ ẹmwẹ ne ebe ne ọ huanrẹn tae, ẹmwata ẹtẹbitẹghori ọre nọ. Osanobua tie iran ne a rhie ẹmwẹ ọnrẹn na, Osanobua.

Ebe ne Pọl gbẹẹn gie emwa Rom 9:25

Rhunmwuda ẹmwẹ ne ọ tae vbe ebe Hosia ọre ọ na khin wẹẹ, “Emwa ne ẹ i te re emwa mwẹ ‘I gha tie iran emwa mwẹ,’ Okpẹvbo ne I ma te ho ẹmwẹ ọnrẹn, I gha tie ẹre ‘Ne ẹko mwẹ rhiẹnrhiẹn ghe.’

II Pita 1:21

Rhunmwuda, ẹmwẹ avbe akhasẹ hia, ọkpa i rrọọ ne a tae zẹ vbe iho ọghe ọmwa kẹkan, sokpan te a gha dia ọmwa khian vbe ekpa Orhiọn Ne ọ huanrẹn, vbe uwu ehe ne iran na ta ẹmwẹ ne ọ ke ehe ne Osanobua ye rre.