Gẹnẹsis 9:3 - Edo Bible (E Baibol Ẹdo) Version 1996

³ U sẹtin gha rri iran kevbe ebe uwọnmwẹ. I ya ehia fiohan nuẹn zẹ vbe evbare.

Gẹnẹsis 9:3 Iomraidhean Croise

Gẹnẹsis 9:2

Aranmwẹ hia kevbe ahianmwẹ ni rre otọ agbọn hia, kevbe ehẹn, te ohan ruẹn gha mu iran hia. A viọ ehia ye ototọ asẹ ruẹ.

Levitikọs 22:8

We ne ọ ghẹ rri emiowo aranmwẹ ne ọ wu uwu ẹhi, ra ne aranmwakọn gbe. Ọ gha mu awua gie ẹe. Mẹ ọ re Nọyaẹnmwa.

Ebe ne Pọl gbẹẹn gie emwa Rom 14:14

Akugbe ne I mwẹ ba Kristi, rhie ma mwẹ vbe ne aro na da ẹe wẹẹ emwi ọkpa i rrọọ ne ọ wa tobọ ẹre re ne ọ ma huan, sokpan deghẹ ọmwaikọmwa na ghi ka emwi ọkpa ye ne ọ ma huan nẹ, emwi ni khian ne ọ ma huan ne irẹn.

Ebe ne Pọl gbẹẹn gie emwa Rom 14:17

Rhunmwuda, Arriọba Osanobua i re ẹmwẹ ne a gha re kevbe ne a gha da, sokpan ọghe nene emwi ẹmwata kevbe ọfumwegbe kevbe ọyẹnmwẹ ne nene Orhiọn Ne Ọ Huanrẹn rhie ne ọmwa.

Ebe ne Pọl gbẹẹn gie emwa Rom 14:20

Ghẹ rhunmwuda evbare mu emwi ne Osanobua ru nẹ rhia. A sẹtin rri evbare ke evbare, sokpan ọ ma kei ne a rri emwi ne ọ gha ye ọmwa ọvbehe de ye orukhọ.

Ebe ne Pọl gbẹẹn gie emwa Rom 14:3

Ọmwa nọ rri emwi hia, wẹ ne oghẹ gha zan ọmwa ne ẹ i re, nọ rri a sakan, wẹ ne oghẹ gha zan nọ rri emwi hia, rhunmwuda Osanobua rhan obọ miẹn rẹn nẹ.

I Kọrinti 10:23

Iran kha re wẹ, “Ma sẹtin ru emwi ne ọ rhirhi khọn mwa.” Ẹmwata nọ, sokpan ẹ i re emwi hia ọre ọ ke re. “Ma sẹtin ru emwi ne ọ rhirhi khọn mwa,” sokpan ẹ i re emwi hia ọre ọ mwẹ iyohọ ne ọmwa.

I Kọrinti 10:31

Vbene ọ rhirhi gha ye hẹ, ne uwẹ a rhirhi ru vbọ, te u re nọ re ra te u re ne ọ da, gha ru ehia ne uyi Osanobua.

Diuteronomi 12:15

“Sokpan wa sẹtin gbe aranmwẹ uwa ne uwa rri ọe vbe ehe ne uwa a rhirhi gha ye. Wa sẹtin vbe rri avbe emwi hia ne Nọyaẹnmwa gha viọ ne uwa. Wa hia fẹẹrẹ, ne awua gue kevbe ne ẹ i gue sẹtin rri ọe. Zẹ vbene uwa gha vbe rri emiowo ẹrhuẹ ra uzo.

Kọlose 2:16

Rhunmwuda ọnii, wa ghẹ ghi gie ọmwa rhọkpa gha yi uhi ne uwa, vbe ekpa ọghe emwi ne uwa gha re ra emwi ne uwa gha da, ra vbe emwi ne ọ dekan ẹdẹ iruemwi, ra ugie uki ọgbọn, ra Ẹdẹ Ikẹtin.