Gẹnẹsis 9:2 - Edo Bible (E Baibol Ẹdo) Version 1996

² Aranmwẹ hia kevbe ahianmwẹ ni rre otọ agbọn hia, kevbe ehẹn, te ohan ruẹn gha mu iran hia. A viọ ehia ye ototọ asẹ ruẹ.

Gẹnẹsis 9:2 Iomraidhean Croise

Gẹnẹsis 1:21

Ẹre Osanobua na do yi avbe ugbogiorinmwi ni rre okun ke avbe emwi ni ma wu ughughan ni rre amẹ kevbe ahianmwẹ ughughan hia. Emwi ne Osanobua bẹghe keghi sẹ ọre ọyẹnmwẹ.

Gẹnẹsis 1:26

Osanobua keghi kha wẹẹ, “Banbanna nian, ma gha do ma emwa na agbọn, iran gha ye vbe ima, iran ghi khọ mwa. Iran gha mwẹ ẹtin vbe uhunmwu avbe ehẹn, ke avbe ahianmwẹ, avbe emwi irri kevbe avbe aranmwẹ oha nekhua kevbe negiẹrẹ.”

Gẹnẹsis 1:28

Ọ keghi fiangbe iran vbenian wẹẹ, “Wa ghi biẹlẹ emọ nibun vbe ne a gha na miẹn wẹ uniẹn ruan ghi gba ehe hia vbe agbọn, iran ghi gha khaemwisẹ ya rẹn. I rhie ẹtin nuẹn ya gha kha yan avbe ehẹn, avbe ahianmwẹ kevbe avbe aranmwẹ oha hia.

Gẹnẹsis 2:19

Rhunmwuda ọnii, ọ ke fian ekẹn vbe otọe, ọ na ya mannọ avbe aranmwẹ kevbe ahianmwẹ hia, ọ keghi viọ iran bu okpia ni gha dee ne ọ he iran eni, emwi ne okpia nii he iran re ọ hin iran.

Gẹnẹsis 35:5

Ugbẹn vbe Jekọb kevbe ivbi ẹre ghi suẹn gha kpao, ohan nọkhua kegha mu emwa ni rre ẹvbo ni lẹga evba, iran ma khu iran.

Gẹnẹsis 9:1

Osanobua keghi khaẹmwẹ ya fiangbe Noa kevbe avbe ivbi ẹre vbenian wẹẹ, “Te u gha biẹlẹ emọ nibun vbene a gha na miẹn wẹ uniẹn ruẹn ghi gba otọe agbọn hia.

Gẹnẹsis 9:3

U sẹtin gha rri iran kevbe ebe uwọnmwẹ. I ya ehia fiohan nuẹn zẹ vbe evbare.

Job 39:11

U gha sẹtin mu ẹtin yan ẹtin ẹnrẹn nọkhua ra, ne u gha khẹ ọre ne ọ do winna iwinna ruẹn ne ọ lọghọ?

Ezikiẹl 34:25

“I gha gu iran ta ile ne ọ gha rhie maa wẹ ẹkun gha sẹ iran otọ. I gha wabọ avbe aranmwẹ akọn dan hin otọe nii rre, ne avbe ohuan mwẹ sẹtin gha rrọọ vbe ne a i na mwẹ ẹbe vbe oha kevbe uwu ẹgbo.

Hozia 2:18

Ogha sẹ ẹghẹ nii, mẹ gha gu avbe aranmwoha hia kevbe avbe ahianmwẹ ta ẹe kugbe, ne iran ghẹ kuan emwa mwẹ ọvbehe. I gha vbe viọ emwi igbinna okuo hia hin otọe nii rre, umozo kevbe uhanbọ hia I ghi gie emwa mwẹ gha rrọọ vbe ọfumwegbe kevbe ne a i na mwẹ ẹbe.

Levitikọs 26:22

I ghi gie aranmwẹ oha dan la uwu uwa, iran ghi gha gbele avbe ivbi uwa, iran gha fuẹn avbe ẹmila uwa a, wa ne ọ gha sẹ rae ghi gha re ibozẹghẹ sẹrriọ wẹ a i ghi ra gha miẹn emwa vbe urodẹ rua.

Levitikọs 26:6

“I gha rhie ọfumwegbe ne uwa vbe otọ rua, wa ghi vbe gha vbiẹ vbe ne uwa i na fian afianma, I gha fuẹn avbe aranmwẹ dan ni rre otọe nii, okuo i ghi ra vbe gha rrọọ vbe evba.

Jems 3:7

Ọmwa sẹtin rrii avbe emwi nekpa ne Osanobua yi hia fẹẹrẹ, ọ ka vbe rrii ehia nẹ avbe aramwẹ, ahianmwẹ, aranmwẹ ni họ ekẹn, kevbe avbe ehẹn.