Gẹnẹsis 8:1 - Edo Bible (E Baibol Ẹdo) Version 1996

¹ Sokpan, Osanobua keghi ye Noa rre, kẹe kevbe avbe aranmwẹ oha kevbe emwirri ni guẹe rre uwe okọ, ọ gie ẹhoho ne ọ hoho ye agbọn, amẹ nii keghi gha rriotọ.

Gẹnẹsis 8:1 Iomraidhean Croise

Gẹnẹsis 19:29

Sokpan ugbẹn vbe Osanobua fuẹn avbe ẹvbo ni rre iya nii hia, ọ keghi mu ẹmwẹ Ebraham roro, ọ na gie Lọt miẹn uhunmwu vbọ.

Gẹnẹsis 30:22

Ẹghẹ nii Osanobua keghi ye Rekiẹl rre, ọ keghi họn erhunmwu ẹnrẹn, ọ keghi giẹe biẹlẹ emọ.

Gẹnẹsis 9:10

kevbe emwi ni ghi hiọnrọn hia ni guẹ, ahianmwẹ, aranmwẹ oha, emwi hia fẹẹrẹ ni lele uwẹ ke uwe okọ ladian.

Nehimaia 13:14

Osanobua mwẹ, ghẹ mianmian emwi ne I ru ne Ọgua Osa ruẹ na. Kevbe ugamwẹ ọnrẹn.

Nehimaia 13:22

I keghi tama avbe Livai wẹ ne iran họnmwẹ egbe ne iran ya gha khẹ Urho, ne iran miẹn wẹ a ma ru Ẹdẹ Ikẹtin awua. Osanobua vbe ye mwẹ rre vbe ọnọna, ne u vbe fan mwẹ ye otọ rhunmwuda ahọ ẹmwẹ ọmwa ruẹn.

Nehimaia 13:29

Osanobua, ye rre vbene emwa na ru ẹre awua hẹ ighẹ ukpo avbe ohẹn kevbe ile ne u gu avbe ohẹn kevbe Livai ta.

Nehimaia 13:31

I keghi mwamwa ẹn wẹ ne iran gha ho erhan ne a ya giẹn emwi izọ ese rre vbe ẹghẹ, kevbe wẹ ne emwi ni gha viọ emwi imuohan ọghe ọka ne a ka fian kevbe ọmọ erhan ne ọ ka vbọ rre. Ye ena hia rre Osanobua, ne u san mwẹ ẹse ẹre.

Job 12:15

Osanobua gha mu amẹ, uyunmwu ghi rre. Ọ gha zẹ amẹ obọ fua, ogbigbi orogho amẹ ghi rre.

Job 14:13

“Akpawẹ u gha ya rhie mwẹ lẹre ye ehe ne iran ni wulo nẹ ye nian, ne a rhie mwẹ lẹre ohu ruẹ te do fo, ne u vbe rhie ẹghẹ ne u gha na ye mwẹ rre ye otọ.

Psalm 105:42

Ọ ye ile ne ọ gu Ebraham ne ọguọmwadia ẹre ta rre.

Psalm 106:4

Nọyaẹnmwa, u gha ye emwa ruẹn obọ, u gha miẹn iran fan, u ghi rhie mwẹ ba ẹre Nọyaẹnmwa.

Psalm 115:12

E Nọyaẹnmwa ye ima rre, ọ gha fiangbe mwa; ọ gha fiangbe ivbi Izrẹl, kevbe avbe ohẹn Osanobua hia.

Psalm 132:1

E Nọyaẹnmwa, ghẹ mianmian e Devid, kevbe usẹ ne ọ sẹ ọe hia.

Psalm 136:23

Ọ ma mianmian mwa vbe a khọn miẹn ima otọ, etẹbitẹ ọ re ahoẹmwọmwa rẹn khin.

Psalm 137:7

Nọyaẹnmwa, ye emwi ne ivbi Idọm ru rre, vbe ẹdẹ ne iran khọn Jerusalẹm. Yerre vbe iran gha go hẹ wẹẹ, “Wa wa dunmwu ẹn sẹ otọ.”

Psalm 29:10

E Nọyaẹnmwa ọ re ọ kha yan avbe ogiamẹ, rẹn khaemwisẹ zẹ vbe Ọba ẹdẹdẹmwẹdẹ.

Psalm 36:6

Umamwẹ ruẹn gbe ogege vbe oke ne ọ yo. Ẹmwata ruẹ yevbe orinmwiamẹ okun, wẹ ọ re ọ gbe aro ghe emwa nagbọn kevbe avbe aranmwoha.

Ẹksọdọs 14:21

E Mosis keghi niẹn obọ ẹre da okun, e Nọyaẹnmwa keghi ya ẹhoho ọlarre ovẹn ne ọ wu vbe egbe bi okun werriegbe, ọ keghi hoho la asọn nii hia, ọ keghi ya okun nii khian otọ nọkae. Amẹ keghi fian egbe ye ihe eva.

Ẹksọdọs 15:10

Sokpan, ẹhoho uhiọnrọnmwẹ okpa ke ehe ne u ye rre, okun keghi gue ivbi Igipt muotọ. Iran na dinmwi zẹ vbe oze, gha rrie ototọ amẹ ne ọ gbe orrirri nii.

Ẹksọdọs 2:24

Ọ keghi ghe ikhiẹkhiegbe iran, ọ na ye ile ne ọ gu Ebraham ta rre kevbe Aizik kevbe Jekọb.

Itan 25:23

Ewẹwẹwẹ, ẹ i mwẹ ọ ma ya ohu mu ọmwa, zẹ vbene ẹ i mwẹ amẹ ma lele ẹhoho odẹ okuọ rre.

Aizaia 44:27

I ya ukpẹmwẹ ọkpa ne I tae sii okun ka.

Jerimaia 50:38

Ghẹ gie amẹ rhọ ye otọ ẹre, vbe si avbe ẹzẹ ọre ka. Otọe amazẹ ni mu ohan ọre Babilọn khin ọ na vbe ya avbe emwa nii khian akpa.

Emọs 8:7

E Nọyaẹnmwa ne Osanobua Izrẹl vẹn ihen nẹ wẹẹ, “Mẹ i ra mianmian emwi dan ne iran ru.

Jona 4:11

Wẹ ma miẹn wẹ ẹ i mwẹ mẹ ma tohan e Ninevi ne ẹvbo nọkhua nii. A rhe ta ẹe na, ọ sẹ emọ arriaisẹn iyehan (120,000) ne ọ ma rẹn ọkpa ọmaa rẹn eva ni rre uwu ẹre do deba emwirri ọrhẹnrhẹn.”

Nahum 1:4

Ọ gu okun guan ọ keghi ka mu otọ! Ọ ru ẹe ne avbe ẹzẹ ka mu otọ. Oha ni rre Basan luẹluẹe. Te Oke Kamẹl ghi ba rriẹrriẹ, obobo ni rre Lebanọn fafaa.

Habakọk 3:2

E Nọyaẹnmwa, I họọn emwi ne u ru, ohan wa mu mwẹ. Banbanna nian, vbe ru vbe ẹghẹ ima, avbe emwi nikpọlọ ne u te ka ru ẹkpo nẹdẹ. Ye vbe mwẹ itohan a gha rhe wẹ te ohu mu ẹẹn.

Zẹkaraia 10:11

Iran gha la okun orueghe iran gberra khian, mẹ ne Nọyaẹnmwa gha fi uhuemwẹ ẹzẹ emwi, odin nọkhua e Naẹl gha khian ne ọ kae. A gha hie Asiria ne ọ hio uhunmwu rre. Egbe gha wọ Igipt ne ọ wegbe.

Nọmbas 10:9

Wa gha khọn vbe otọ uwa, ọnii nọ we vbe uwa a gha gu emwa ni mu okuo gie uwa khọn, wa ghi ye avbe okpe na kpe okpe orhu okuo Mẹ ne Nọyaẹnmwa Osanobua rua gha yi uwa obọ, I ghi miẹn uwa fan vbe obọ eghian uwa.

Nọmbas 22:32

Odibosa nii keghi nọ rẹn wẹẹ, “Vbọzẹ ne u na gbe ekẹtẹkẹtẹ ruẹ igba eha vberriọ yi? Te I do gba yuẹ odẹ rhunmwuda ọ ma kei ne u khian okhian na.

Arhie Maan 16:19

A keghi wa ẹvbo nọkhua nii ye ihe eha, okpẹvbo ni rre uhunmwu ẹvbo otọ agbọn hia keghi fuẹn uan. Osanobua keghi ye Babilọn rre, ọ keghi ya nẹẹn da vbe ayọn ne ọ rre ukpu ẹre, ayọn ọghe izohu ọhanabe ẹre nii.

Arhie Maan 18:5

Rhunmwuda, a si orukhọ ẹre gbo o yo sẹ iso, Osanobua keghi ya emwi dan ne ọ ru hia rre.

I Samuẹl 1:19

Vbe owiẹ ne ọ lele ẹe, Ẹlkana kevbe ẹgbẹe ọre keghi guakpao, iran ghi gaa e Nọyaẹnmwa nẹ, iran keghi werriegbe gha rrie owa iran vbe Rama. Ẹlkana kevbe Hanna ne amwẹ ọnrẹn keghi miẹn egbe, e Nọyaẹnmwa keghi họn erhunmwu ẹnrẹn.