Gẹnẹsis 7:4 - Edo Bible (E Baibol Ẹdo) Version 1996

⁴ Vbe ẹdẹ ne ẹdẹ ihinrọn ẹre, I gha gie amẹ ye avan iyeva kevbe asọn iyeva rhọ ye agbọn, ne ọ miẹn ehe na fuẹn emwi hia ne I yi ni rre agbọn.”

Gẹnẹsis 7:4 Iomraidhean Croise

Gẹnẹsis 2:5

erhan rhọkpa ma gha rre otọe, emwi rhọkpa ma he vbe zọọ, rhunmwuda, rẹn ma he gie amẹ he rhọ, ọmwa rhọkpa i vbe rrọọ ne ọ gha kọ emwi ye otọe.

Gẹnẹsis 6:13

Osanobua keghi tama Noa wẹẹ, “I tae nẹ ighẹ I ra fuẹn emwa fo. I ra wa fuẹn ehia a fẹfẹẹfẹ, rhunmwuda, agbọn vuọn ne uyimwẹ ika ne iran yin.

Gẹnẹsis 6:17

I ra gie uromwẹ amẹ rrie agbọn ne ọ fuẹn emwi ni rrọọ hia. Emwi hia ni rre agbọn gha wulo,

Gẹnẹsis 6:3

Ẹre Nọyaẹnmwa na kha wẹẹ, “I i ghi kue ne emwa wa gha rre agbọn ẹdẹdẹmwẹdẹ rhunmwuda emwi ne ọ sẹtin wu ọre iran khin. Ke eban kpao iran i ghi ra gha ya gberra ukpo iyehan (120) vbe agbọn.”

Gẹnẹsis 6:7

Ẹre ọ ghi na kha wẹẹ, “I gha fuẹn iran an ighẹ emwa ne I yi, I gha fuẹn iran an ighẹ avbe aranmwẹ kevbe ahianmwẹ rhunmwuda I kpa rẹn I ghẹ yi iran.”

Gẹnẹsis 7:10

Ikpẹdẹ ihinrọn ghi gberra nẹ, uromwẹ amẹ keghi rre.

Gẹnẹsis 7:12

Amẹ keghi ye avan iyeva kevbe asọn iyeva rhọ ye agbọn.

Gẹnẹsis 7:17

Uromwẹ amẹ keghi ya ikpẹdẹ iyeva vbotọ, amẹ ni keghi do bun sẹ ne ọ gha sẹtin tọn okọ mu vbe otọ.

Gẹnẹsis 7:3

U ghi vbe viọ ọdọ vbe amwẹ ukhukhu ihinrọn ọghe dọmwadẹ ahianmwẹ. U ghi ruẹe vberriọ ne avbe aranmwẹ ughughan, kevbe avbe ahianmwẹ ughughan ghẹ fuan ne iran miẹn ehe na dọlegbe gha biẹlẹ ye agbọn.

Gẹnẹsis 8:10

Rẹn keghi ye ziengbe la ikpẹdẹ ihinrọn, ọ na vbe zẹ idu obọ vbe okọ,

Gẹnẹsis 8:12

E Noa keghi yevbe ziengbe la ikpẹdẹ ihinrọn, ọ na vbe zẹ idu obọ, ẹghẹ na, ọ ma ghi dọlegbe rre.

Gẹnẹsis 8:2

Uhunmwu ẹzẹ avbe okun ni rre ototọ vbe uwe otọ kevbe avbe uvun ni rre iso, a keghi khiọ ehia. A keghi mu amẹ ne ọ te rhọ ke iso rre.

Job 22:16

Sokpan, orogho lẹ iran gha rrie, vbe ọ ma he sẹ ẹghẹ iran.

Job 28:25

Ẹghẹ ne Osanobua na rhie ẹtin ẹhoho ne ẹẹn, ne ọ na vbe mwa vbene okun gha kpọlọ sẹ hẹ.

Psalm 69:28

Te a gha khiẹn eni iran hin ẹbe emwa ni rre agbọn rre; ai gha ka iran ba emwa ruẹn.

Jerimaia 28:16

Rhunmwuda ọnii, e Nọyaẹnmwa tobọ ẹre khare we rẹn ra mu ẹẹn fua vbe ukpo na te fo, u gha wu rhunmwuda, we tama avbe emwa na wẹ ne iran sọtẹ ghe Nọyaẹnmwa.”

Emọs 4:7

Ẹghẹ ne ọ wa kei ne amẹ na rhọ ye emwiokọ uwa. I keghi dobọ amẹ yi ne ọ ghẹ rhọ. I gha gie amẹ rhọ vbe ẹvbo ọkpa, I i ghi vbe gie ẹe rhọ vbe nọkpa.

Arhie Maan 3:5

Iran ni khọnmiotọ nẹ, erriọ ọre a ra yọ iran ukpọn nọ fua. Mẹ i ra vbe khiẹn eni iran hin ebe emwa ni ma wu rre. Vbe odaro Erha mwẹ kevbe avbe odibo ẹre, I ghi miẹn kue wẹ emwa mwẹ ọre iran khin.