Gẹnẹsis 7:1 - Edo Bible (E Baibol Ẹdo) Version 1996

¹ E Nọyaẹnmwa keghi tama Noa wẹẹ, “La uwe okọ ke uwẹ kevbe ẹgbẹe ruẹ hia. I miẹn wẹ vbe uwe avbe emwa na hia, wẹ ọkpa kẹkan ọre uyinmwẹ ọnrẹn la mwẹ aro vbọ.

Gẹnẹsis 7:1 Iomraidhean Croise

Gẹnẹsis 6:18

sokpan I gha gu uwẹ ta ile. U ghi la okọ ke uwẹ ke avbe amwọn ọn, ivbuẹ nikpia, kevbe amwẹ iran.

Gẹnẹsis 6:9

Okha ọghe Noa ọre ena khin. Emọ eha ọre ọ biẹlẹe, Siẹm, Ham kevbe Jafẹt. E Noa kegha re ọmwa esi ne ọre ọmwa ọkpa kẹkan ne Osanobua ta ẹmwẹ ọnrẹn ẹse ẹghẹ nii, rẹn kegha gu Osanobua mu obọ.

Gẹnẹsis 7:13

Vbe ẹdẹ ne ẹdẹrriọ nii, e Noa kevbe amwẹ ọnrẹn, ivbi ẹre nikpia eheha Siẹn, Ham kevbe Jafẹt kevbe amwẹ iran keghi la uwe okọ.

Gẹnẹsis 7:7

Rẹn kevbe amwẹ ọnrẹn, ivbi ẹre nikpia kevbe amwẹ iran keghi la okọ ne iran miẹn ehe na miẹn uhunmwu vbe obọ uromwẹ amẹ.

II Samuẹl 22:24

Rẹn rẹnrẹn wẹ, I i mwẹ ozan, rhunmwuda, I bi egbe hin emwi dan rre.

Itan 10:9

Emwa ni yin ẹse rrọ vbe ai mwẹ ẹbe ẹkun ne ọ sotọ, sokpan obọ gha vba emwa uyinmwẹ orhure.

Itan 14:26

A ya ọghọ ne Nọyaẹnmwa, ekhọe kevbe ẹkun ne ọ sotọ ọ re ọ rhie ne igiowa ọmwa.

Itan 18:10

Te Nọyaẹnmwa ye vbe owa ọkhẹ ne ọ wegbe, ehe ne emwa esi gha lẹ fi, iran ghi vbe miẹn uhunmwu.

Ezikiẹl 14:14

Gia kha ighe te Noa, e Daniẹl kevbe Job gha rre evba, uhunmwu iran okpa ọ re umamwẹ iran ra sẹtin sinmwi ye agbọn.” E Nọyaẹnmwa ne Udazi guan nẹ.

Zẹfanaia 2:3

Wa fiwerriẹ bu e Nọyaẹnmwa gha dee, wa hia ni mwẹ amuegberriotọ ni rre otọe na, wa ni vbe ru vbene ọ khare. Wa gha ru vbene ọ kere, ne uwa vbe mu egbe rriotọ vbe odaro e Nọyaẹnmwa, ughaghe, ọ gha la uwa ban ighẹ irrioya nii, vbe ẹdẹ ne Nọyaẹnmwa gha rhie izohu ẹre maa.

Iyẹn ne ọ Maan Ọghe Luk 1:6

Iran eva kegha yin ẹse vbe odaro Osanobua. Iran kegha ye iyi ke ilele Osanobua hia ru emwi.

Iyẹn ne ọ Maan Ọghe Luk 17:26

Vbene ọ gha ye vbe ẹghẹ Noa, erriọ ọre ọ gha vbe gha ye vbe ẹghẹ Ovbi Ọmwa.

Iwinna 2:39

Rhunmwuda, wa kevbe avbe ivbi uwa ọre Osanobua ve ẹre emwi na kevbe iran ni rre urria, kevbe avbe emwa hia fẹẹrẹ ne Osanobua gha tie rrie egbe.”

Hibru 11:7

Iyayi ọre ọ ya Noa họn ẹmwẹ ne Osanobua tama rẹn ye otọ, vbe ekpa emwi ne ọ gha he sunu vbe ẹghẹ ne ọ dee, ne irẹn ma he dẹghe. Rẹn keghi ru vbene Osanobua kha re, ọ keghi kan okọ ne irẹn kevbe ẹgbẹe ọre na miẹn uhunmwu. Odẹ vbe nian, rẹn bu abe gbe agbọn, ọ keghi ya iyayi khian ọmwa. ẹmwata vbe obọ Osanobua.

I Pita 3:20

Ena keghi re orhiọn iran ni ma họn ẹmwẹ ne Osanobua vbe uwu ẹghẹ ne ọ na ya i ziengbe mudia vbe Noa ka okọ. Ibozẹghẹ ni gha rre uwu okọ ni — iran erẹnrẹn nọ, a keghi la ekpa amẹ miẹn iran fan.