Gẹnẹsis 45:7 - Edo Bible (E Baibol Ẹdo) Version 1996

⁷ Te Osanobua gie mwẹ ke odaro ne uwa, ne uwa miẹn ehe na gha mwẹ emọ vbe uniẹn uwa. Te a gie mwẹ ne I do sinmwi uwa nibun ne uwa ghẹ wulo.

Gẹnẹsis 45:7 Iomraidhean Croise

Iwinna 7:35

“Nene Mosis ne ivbi Izrẹl ma rhan obọ miẹn ọre ọna khin na. Ne iran tama wẹẹ, ‘Gha ya uwẹ ru ne ọ khaemwisẹ rra ne ọ bu ohiẹn yan ima yi?’ Rẹn na ọre Osanobua ghi gie zẹ vbe ne ọ khaemwisẹ ke ọmiọnmwafan gie iran, vbe kpa iyobọ odibosa ne ọ miẹn vbe oha ne erhẹn na gha baa.

Psalm 44:4

Wẹ ọrọre ọba mwẹ kevbe Osanobua mwẹ wẹ ọ re ọ rhie akhọnmiotọ ne emwa ruẹn.

Psalm 18:50

Osanobua rhie akhọnmiotọ ne ọba ẹre, ọ rhie aho ẹmwẹ ọmwa ne ẹi beghe maa, ghe ọmwa ne irẹn hannọ zẹ ghe Devid kevbe ivbi uniẹn ọnrẹn ẹdẹdẹmwẹdẹ.

Giọgis 15:18

Ovbamẹ ke wa gha gbe Samsin, ẹre ọ na datie Nọyaẹnmwa wẹẹ, “U rhie akhọnmiotọ nọkhua na mẹ nẹ, te ovbamẹ ghẹ ghi gbe mwẹ uan ra ne avbe ivbi e Filistia ni ga ẹbọ na do mu mwẹ oghunmwu gha rrie?”

I Krọnikol 11:14

Ẹre irẹn vbe emwa rẹn na mudia vbe adesẹ ugbo nii, iran na gu ivbi e Filistin gbinna. E Nọyaẹnmwa keghi rhie a khọnmiotọ ne ẹẹn.

Gẹnẹsis 45:5

Banbanna nian, wa ghẹ gie iro han uwa ra ne uwa gha gu egbe uwa gui rhunmwuda ighẹ wa khiẹn mwẹ gha die edinran. Osanobua ọ re ọ gie mwẹ ke aro ne uwa ne I sẹtin sinmwi emwa ye agbọn.

Gẹnẹsis 50:20

Te uwa te si uma ne uwa ru mwẹ emwi dan, sokpan Osanobua keghi fiẹe werriẹ yae khian emwi esi, ne ọ miẹn ehe na sinmwi emwa nibun ye agbọn, emwa na miẹn wẹ, ọnii ọ zẹe ne iran na rre agbọn ẹre na.

Gẹnẹsis 47:12

E Josẹf keghi gha rhie evbare ne erha ẹe, kevbe avbe etiọnrẹn kevbe emwa erha ẹe hia ya sẹ egbe iran ni kanmwa sẹ.