Gẹnẹsis 4:4 - Edo Bible (E Baibol Ẹdo) Version 1996

⁴ Iyekọnii, Ebẹl ke mu oteghe ohuan aranmwẹ ne emwi irri ẹre ka gha biẹ rre, ọ ke gbẹe, ọ ke ya ehe ne ọ maa sẹ vbọ zọ ese. Ẹko ke rhiẹnrhiẹn Nọyaẹnmwa ghe Ebẹl ke ese ne ọ zọ re.

Gẹnẹsis 4:4 Iomraidhean Croise

Gẹnẹsis 15:17

Ovẹn ghi dero nẹ vbe ebiebi ghi so, vbe udomwurri, akhe erhẹn ne ọ gbe ighogho kevbe ukpekhọe ne ọ baa keghi rre do la adesẹneva avbe aranmwẹ nii gberra.

Gẹnẹsis 4:3

Iyekọnii, Keni keghi viọ emwiokọ eso rre do ya zọ ese ghe Nọyaẹnmwa.

I Ọba 18:24

Wa wẹ ne avbe akhasẹ e Bal na erhunmwu ghe ẹbọ iran, mẹ gha vbe na erhunmwu ghe Nọyaẹnmwa. Ne ọ ghi rhirhi rhie ewanniẹn yọ, ọ na gie erhẹn rre, onii ọre Osanobua.” Emwa ni hia keghi wa khuẹnniẹn yọ.

I Ọba 18:38

E Nọyaẹnmwa keghi gie erhẹn rre, ọ keghi giẹn ese nii hia, erhan kevbe okuta, ọ keghi ya otọ kaka, ọ na ka amẹ ne ọ rre uvun ni hia.

I Krọnikol 21:26

Ọ keghi gba aka ne Nọyaẹnmwa vbe evba ọ na zọ ese ne a giẹn uan kevbe isara ghe Nọyaẹnmwa vbe evba. Ọ keghi na erhunmwu e Nọyaẹnmwa na rhie ewanniẹn ne ẹẹn vbene ọ na gie erhẹn ke ẹrinmwi rre do giẹn izọ ese ne ọ rre aka nii.

II Krọnikol 7:1

E Solomọn ne ọba ghi na erhunmwu fo nẹ, erhẹn keghi ke ẹrinmwi rre ọ na giẹn emwi ne a ya zọ ese nii, ẹre awanwan ne ẹ i gie a ghe, ne ọ rhie maa ighẹ e Nọyaẹnmwa rre evba, na vuọn Ọgua Osa.

Psalm 20:3

Te ọ gha rhan obọ miẹn emwi imuohan ruẹn hia, ne ẹko ẹre vbe rhiẹnrhiẹn ye izọ ese ruẹ hia.

Ẹksọdọs 13:12

wa ghi ya avbe emọdiọn nii re ikpia fiohan ne Nọyaẹnmwa. E Nọyaẹnmwa ọre ọ vbe yan emọ ọdiọn ni re ọwọe vbe emọ ne emwirri uwa gha biẹlẹ.

Itan 3:9

Ya ọghọ ne Nọyaẹnmwa vbekpa ne u gha na ya avbe emwi ne ọ maa sẹ vbe ugbo ruẹ zẹ ọhẹ gie ẹe.

Asan-Ibo 4:4

I vbe rẹn emwi ne ọ si ẹe nẹ, ne emwa na miẹn ẹsọn sẹrriọ vbe agbọn na, ne ọ miẹn ehe na dunna ne iran: emwi ne ọ siẹe ọrọre wẹ emwi ne ogieva iran mwẹ viẹn ye iran aro, sokpan, ọna i vbe mwẹ esa, te ọ yevbe ne a khu ẹhoho khian.

Levitikọs 9:24

Vbe udomwurri, e Nọyaẹnmwa keghi gie erhẹn rre, ọ keghi giẹn emwi izọ ese nii hia ke ẹe kevbe efun emwi nii rre aka. Ugbẹn vbe emwa nii ghi miẹn ọẹn, iran keghi datu, iran keghi munọ ẹko rhu otọ.

Nọmbas 16:15

Ohu keghi mu e Mosis, ọ na tama e Nọyaẹnmwa wẹẹ, “Ghẹ rhan obọ miẹn izẹ ọhẹ rhọkpa ne iran na viọ rre. Ne I ru ẹre emwi rhọkpa irrọ vbe uwu iran, I ma vbe mu vbe uwu avbe ekẹtẹkẹtẹ iran.”

Nọmbas 16:35

E Nọyaẹnmwa keghi gie erhẹn ne ọ giẹn iran an ighẹ iran ekigbe siyeha yan uri (250) ni viọ eturari ni rre.

Nọmbas 18:12

“I ra vbe viọ emwi okọ nọ maa vbe uwu ne ivbi Izrẹl ka rhọ ne iran viọ gun mwẹ ukpukpo ne uẹn, ofigbọn oliv, ayọn kevbe ọka.

Nọmbas 18:17

Sokpan emọ ọdiọn ọghe ẹmila, ohuan kevbe ẹwe, a i ra dẹlẹ iran werriegbe, ọghomwẹ iran wa khin fẹẹrẹ, te a gha gbele iran ya zọ ese. A ghi hihiẹ esagiẹn iran ya aka, a ghi giẹn ẹvbi iran zẹ vbe izẹ ọhẹ evbare, emwi ne ọ winhin yẹ mwẹ.

Hibru 11:4

Iyayi ọre Ebel ya zọ ese ne ọ maa sẹ ọghe Ken ghe Osanobua. Rhunmwuda iyayi ẹre, ọre Osanobua na kae ye ọmwa ẹmwata, rhunmwuda Osanobua tobọ ẹre rhan ohọ miẹn emwi imuohan rẹn.

Hibru 9:22

Vbe ẹmwata, zẹ vbene Uhi khare, esagiẹn ọre a ya ye emwi hia huan, a deghẹ a ma da esagiẹn ye otọ, orukhọ ne a ya bọ ẹ i rrọọ.

Arhie Maan 13:8

Emwa ni rre agbọn hia gha ya uhunmwu rhanmwẹ otọ nẹẹn, ọnii nọ wẹ, avbe emwa hia ne a ma he gbẹnnẹ eni iran vbe agbọn te do suẹn, ye ebe emwa ni rrọọ, iran ni re ọghe Oteghe Ohuan ne a te gbe ua.

Giọgis 6:21

Odibo e Nọyaẹnmwa ni keghi niẹn obọ ẹre ladian, ọ na ye ọkpọ ne ọ gu ẹe kan emiowo kevbe ebrẹd nii. Erhẹn keghi vẹn ke uwu okuta nii ladian, ọ na giẹn emiowo kevbe ebrẹd nii uan. Odibo nii keghi ru gbẹnnẹ.

I Samuẹl 15:22

E Samuẹl keghi kha wẹẹ, “De ne ọ yẹ e Nọyaẹnmwa sẹẹ vbọ yi? Ahọn ẹmwẹ ra ese ne a zọọ? A họn ẹmwẹ ne ẹẹn, ọre ọ maa sẹẹ ne a gha gbe ohuan ne ọ maa sẹẹ ne ẹẹn.