Gẹnẹsis 4:2 - Edo Bible (E Baibol Ẹdo) Version 1996

² Vbe iyeke ọnii, ọ keghi biẹ ọmọ okpia ọvbehe ọna ọre Ebẹl. Ebẹl ke do gha re Ọsuohuan, sokpan Keni kegha re ọwẹe.

Gẹnẹsis 4:2 Iomraidhean Croise

Gẹnẹsis 3:23

Rhunmwuda ọnii, e Nọyaẹnmwa Osanobua ke khu ẹe hin uwe ogba Idẹni rre, ọ na wẹ ne ọ ya gha kọ emwiokọ ye otọ ne a ke rhie ẹre rre.

Gẹnẹsis 37:13

E Jekọb keghi tama e Josẹf wẹẹ, “Etuẹn gha gbearoghe avbe oghẹn ohuan vbe Siẹkẹm. Mu egbe, I ra do giọ bu iran.” E Josẹf keghi wanniẹn wẹẹ, “I mu egbe.”

Gẹnẹsis 4:1

Adam keghi tie amwẹ ọnrẹn ovbe, ọ na gha hanmwa. Rẹn keghi biẹ ọmọ okpia, ọ ke kha wẹẹ, “Mẹ mwẹ ọmọ okpia vbekpa iyobọ Nọyaẹnmwa.” Rẹn keghi rhunmwuda ọnii he ẹre Keni.

Gẹnẹsis 4:3

Iyekọnii, Keni keghi viọ emwiokọ eso rre do ya zọ ese ghe Nọyaẹnmwa.

Gẹnẹsis 47:3

Ọba keghi nọ iran wẹẹ, “De iwinna ne uwa winna?” Iran wanniẹn wẹẹ, “Ọsuohuan ma khin enọwanrẹn, zẹ vbene avbe erha mwa vbe gha ye.

Gẹnẹsis 9:20

E Noa keghi re ọgbugbo, rẹn ọre ọmwa ne ọ ka gha kọ ogba azara.

Psalm 127:3

E Nọyaẹnmwa ọ re ọ ye emọ ru ọmwa ẹse afiangbe ne ọ sẹre ọ re iran khin.

Ẹksọdọs 3:1

Ẹdẹ ikẹtin e Mosis kegha su ohuan Jẹtro ne erha amwẹ ọnrẹn ne ọ vbe re ohẹn Midian. Ọ keghi viọ ohuan nii fian ato gberra, ọ na do sẹ Sainai oke ne ọ huanrẹn.

Emọs 7:15

Sokpan e Nọyaẹnmwa keghi rhie mwẹ hin ehe ne I na su ohuan rre, ọ na tama mwẹ wẹ ne I ya gha guan ẹmwẹ akhasẹ ma ivbi Izrẹl ne emwa irẹn.

Iyẹn ne ọ Maan Ọghe Luk 11:50

Rhunmwuda ọnii, a gha rri orre na oya ye ẹmwẹ avbe akhasẹ ne a he gbele ua ke ne a bu agbọn tu agbọn gha dee.

Iyẹn ne ọ Maan Ọghe Luk 11:51

Ke egbe Ebel gha dee do sẹ egbe Zẹkaraia ne iran gbe ye ẹkpo Ogiukpo kevbe ehe ne ọ huanrẹn. Ẹn ẹn, I tama uwa a gha rria orre na ikhi ye ehia.

Iyẹn ne ọ Maan Ọghe Jọn 8:44

Ivbi erha uwa ne Esu ọre uwa khin. Emwi ne erha uwa ho ọre uwa vbe ho ne uwa gha ru. Izigha rẹn wa khin ke otọe gha dee. Ọma he mwẹ obọ vbe ẹmwata ẹdẹ, rhunmwuda ẹmwata i vbe rre uwu irẹn, ọ gha ta ohoghe, emwi ne a ya we ẹe ọre ọ ru ni, rhunmwuda, ohoghe nọ, kevbe erha ohoghe hia.

I Jọn 3:10

Ọnọna ọrọre alughaẹn ne egbe ne aro dae, ne ọ rre ẹkpo ivbi Osanobua kevbe ivbi Esu. Ọmwaikọmwa ne ẹ i ru emwi ne ọ gbae, ra ne ẹ i ho ẹmwẹ etiọnrẹn, ẹ i re ovbi Osanobua.

I Jọn 3:12

Ọ ma kei ne ima gha ye vbe Ken. Ọghe Ọmwa Dan ni rẹn khin, ọ keghi gbe ọtiọnrẹn ne okpia ua. Vbọzẹ ne Ken na gbe ẹe rua yi? Rhunmwuda ighẹ emwi ne irẹn ru ma gba, sokpan emwi ne ọtiọnrẹn ru keghi re ne ọ gbae.

I Jọn 3:15

Ọmwaikọmwa ne ọ khu iwu ọtiọnrẹn, izigha nọ, wa rẹnrẹn wẹ izigha i mwẹ arrọọ ne ẹ i fo vbe uwu irẹn.