Gẹnẹsis 39:1 - Edo Bible (E Baibol Ẹdo) Version 1996

¹ Avbe ivbi Ismẹl keghi mu e Josẹf gha rrie Igipt. E Pọtifa, ne ọ vbe re ọruemwi ọghe Fero zẹ vbe ọkaolotu iran ni khẹ odẹ vbe ẹguae, keghi gu emwa Ismẹl ni muẹn gha die Igipt dọe.

Gẹnẹsis 39:1 Iomraidhean Croise

Gẹnẹsis 37:25

Ugbẹn vbe iran ghi rri evbare, iran keghi miẹn vbe ọwarọkpa emwa Ismẹl ni ke Giliad dee, iran rrie Igipt. Iran ye ekẹtẹkẹtẹ kun avbe ọmọ erhan ne a re eso kevbe ne ọ winhin, iran viọ rrie Igipt.

Gẹnẹsis 37:28

Avbe obaghẹn ne ivbi e Midian ghi se evba, etẹn e Josẹf keghi si ẹe ladian vbe uhae, iran na khiẹn ọre agiẹghẹ e siliva ugie ne ivbi Ismẹl, iran na muẹn gha rrie Igipt.

Gẹnẹsis 37:36

Vbe uwu ẹghẹ na, emwa Midian keghi khiẹn Josẹf ne Pọtifa vbe Igipt, ọkpa vbe uwu ọruemwi ọba e Fero nọ, rẹn ọrọre ọkaolotu iran ni khẹ odẹ vbe ẹguae.

Gẹnẹsis 40:3

Ọ na rhunmwuda ọnii hẹ iran ku ẹwẹdọ ne ọ rre uwu owa ọkaolotu avbe abodẹ, vbe ehe ọkpa ni ne a mu e Josẹf khui yi.

Gẹnẹsis 45:4

Ẹre Josẹf na khama iran wẹẹ, “Lahọ, wa sikẹ mwẹ.” Iran keghi khian sikẹ ọre, ọ na khama iran wẹẹ, “Mẹ ne Josẹf ne ọtẹn uwa ne uwa khiẹn fi Igipt ọre ọna khin.

Psalm 105:17

Sokpan, ọ keghi gie ọmwa ke odaro ne iran, e Josẹf ne a khiẹn ẹre ọviẹn.

Iwinna 7:9

“Avbe erha mwa odede kegha mu ohu Josẹf, iran keghi khiẹn ọre ọviẹn fua gha rrie otọ Igipt. Sokpan Osanobua keghi ya ba ẹre.