Gẹnẹsis 3:4 - Edo Bible (E Baibol Ẹdo) Version 1996

⁴ Ẹyẹn keghi wanniẹn wẹẹ, “Ọnii i re ẹmwata; wa i wulo.

Gẹnẹsis 3:4 Iomraidhean Croise

Gẹnẹsis 3:13

E Nọyaẹnmwa Osanobua keghi nọ okhuo nii wẹẹ, “Vbọzẹ ne u na ru emwi na yi?” Rẹn ke wanniẹn wẹẹ, “Ẹyẹn ọre ọ rẹrẹ mwẹ rriọe.”

Gẹnẹsis 3:3

sokpan a ma wẹ erhan ne ọ rre adesẹneva ẹre. Osanobua wẹ ne ima ghe rri ọmọ erhan nii ra ne a ye obọ kan rẹn, ọ wẹ ma gha ruẹe, ma gha wulo.”

II Ọba 1:16

Ọ na khama rẹn wẹẹ, “Vbenian ọ re Nọyaẹnmwa kha re: ‘Rhunmwuda ne u na gie emwa ya nọ e Baal ne ẹbọ Ẹkrọn vbene a miẹn wẹ ẹbọ i rre otọ Izrẹl ne a gha nọ, u i ra fe, te u gha wu!’ ”

II Ọba 1:4

Tama ọba wẹ e Nọyaẹnmwa wẹẹ, ‘U i ra fe vbe ẹwẹn udemwẹ ruẹn nii, te u ra wu yọ.’ ” Elaija keghi ru vbene Nọyaẹnmwa tama rẹn.

II Ọba 1:6

Iran keghi wanniẹn wẹẹ, “Ma miẹn okpia ne ọ wẹ ne ima werriegbe gha dee, ne a do tama ruẹn wẹ e Nọyaẹnmwa khare wẹẹ, ‘Vbọzẹ ne u na gie emwa ne iran ya nọ e Baal ne ẹbọ Ẹkrọn yi? Te uwẹ ro ra ighẹ ẹbọ i rre Izrẹl? U i ra fe vbe ẹwẹn ruẹn, te u ra wu.’ ”

II Ọba 8:10

Elaisia na wanniẹn wẹẹ, “E Nọyaẹnmwa rhie ma mwẹ nẹ wẹ ọ gha wu, sokpan bu ẹre gha khian, ya khama rẹn ighẹ ọ gha fe.”

II Krọnikol 18:21

Orhiọn nii wanniẹn wẹẹ, ‘I gha ya ru ẹe ne avbe akhasẹ Ehab hia gha ta ohoghe.’ E Nọyan wanniẹn wẹẹ, ‘Gha khian ya rẹrọe, u gha sẹtin!’ ”

Psalm 10:11

Ọmwa dan ghi tama egbe ẹre wẹẹ, “Osanobua i zẹ yọ! Ọ mimi aro ẹre nẹ, ẹi bẹghe mwẹ!”

Iyẹn ne ọ Maan Ọghe Jọn 8:44

Ivbi erha uwa ne Esu ọre uwa khin. Emwi ne erha uwa ho ọre uwa vbe ho ne uwa gha ru. Izigha rẹn wa khin ke otọe gha dee. Ọma he mwẹ obọ vbe ẹmwata ẹdẹ, rhunmwuda ẹmwata i vbe rre uwu irẹn, ọ gha ta ohoghe, emwi ne a ya we ẹe ọre ọ ru ni, rhunmwuda, ohoghe nọ, kevbe erha ohoghe hia.

II Kọrinti 11:3

Afianma fian mwẹ ne iran ghẹ ya ruẹn ẹmwẹ ye uwa ekhọe mu ẹn rhia, wa ghi zobọ vbe ne uwa na te wa guobọ Jesu vbe ne a i gbe ikhan yi, zẹ vbene ẹyẹn ye ẹkẹ vbe ero, rẹrẹ Ivi.

II Kọrinti 2:11

Ne a ghẹ miẹn ehe na rhie otọ ne obọ Setan ya ke odukhunmwu ne ọghe ima, rhunmwuda ma rẹn ehe ne ọ ghae yi.

Diuteronomi 29:19

Wa ghẹ gie a miẹn wẹ orhiọnkpa rre emwa na ẹrẹ ne ọ họn avbe emwi ọghọ ne a wẹ ne a gha ru ẹrẹna, ọ na ye gha ro ighẹ emwi gha dunna ne irẹn, ọ gha khọn irẹn ne irẹn ya izevbeudu gha ru vbene ọ khọn irẹn. Emwi na gha fuẹn uwa hia a, kevbe ne ọ ma an, kevbe nẹ i ma an.

I Timoti 2:14

Sevba, ẹ i vbe re Adam ọre a mu rẹrẹ, sokpan okhuo ne ọ rrọọ ọre a mu rẹrẹ, ọ na vbe rra iyi Osanobua.