Gẹnẹsis 3:1 - Edo Bible (E Baibol Ẹdo) Version 1996

¹ Ẹyẹn kegha re ne ọ ghi ru ero sẹ vbe uwe aranmwẹ ne Nọyaẹnmwa Osanobua yi hia. Ẹyẹn keghi nọ okhuo nii wẹẹ, “Te Osanobua gele wẹ ne uwa ghẹ rri ọmọ erhan ni rre uwe ogba na rhọkpa ra?”

Gẹnẹsis 3:1 Iomraidhean Croise

Asan-Ibo 4:10

Adeghẹ ọkpa vbọ de, nọkpa gha sẹtin si ẹe kpaegbe. Sokpan, adeghẹ orhiọnkpa kẹkan nọ, ọ na de, ẹ i zẹdẹ maa hiehie, rhunmwuda, ọmwa rhọkpa i rrọ ne ọ gha si ẹre obọ kpaegbe.

Aizaia 27:1

Ọ gha sẹ ẹdẹ ne ẹdẹrriọ, ẹ Nọyaẹnmwa gha ya umozo ẹre ne ọ mwẹ ẹtin ke ne ọ gbe emwi ya rri e Leviatan oya, nene Ugbogiorinmwi ne ọ gbe a kinnọ khiẹn yo khiẹn rre nii, ọ ghi vbe gbe Ugbogiorinmwi ne ọ rre uwu ẹzẹ okun.

Matiu 10:16

“Wa danmwehọ! Te I gie uwa ladian zẹ vbe ohuan la uwu oghẹn oduma. Wa ghi gha begbe vbe ẹyẹn, wa ghi vbe fu vbe idu.

Matiu 4:3

Esu keghi bu ẹre rre, ọ wẹẹ, “Deghẹ Ovbi Osanobua wẹ gele khin tama avbe okuta na ne iran khian eka.”

Matiu 4:6

Ọ tama rẹn wẹẹ, “Deghẹ Ovbi Osanobua wẹ gele khin, ke odọ ni san fi otọ rhunmwuda a gbẹn ọẹn nẹ wẹẹ, ‘Osanobua gha yi iyi ne avbe odibo ẹre rhunmwuda ruẹ iran gha da obọ rra ruẹ, ne okuta ghẹ ya fian an owẹ.’ ”

Matiu 4:9

“U gha sẹtin diguẹ ya uhunmwu rhanmwẹ otọ mẹ, I gha ya ena hia fi ohan nuẹn.”

II Kọrinti 11:14

Ọsughe i re emwa hiehiere, uhin ighẹ Setan tobọ ẹre sẹtin fi egbe werriẹ do gha ye vbe odibosa uwanmwẹ.

II Kọrinti 11:3

Afianma fian mwẹ ne iran ghẹ ya ruẹn ẹmwẹ ye uwa ekhọe mu ẹn rhia, wa ghi zobọ vbe ne uwa na te wa guobọ Jesu vbe ne a i gbe ikhan yi, zẹ vbene ẹyẹn ye ẹkẹ vbe ero, rẹrẹ Ivi.

I Pita 3:7

Kevbe uwa ne avbe ọdọ, vbe obọ ne uwa ya mu avbe amwẹ uwa, wa ghi gha ye rre wẹ, emwa ni ma wo vbe egbe iran khin, wa ghi gha mu iran tetete, rhunmwuda iran tobọ iran gha vbe deba uwa ghae vbe arrọọ ne Osanobua ra ghae ne emwa. Wa ghi gha ru vberriọ ne emwi rhọkpa ghẹ mu idobo ye uwa erhunmwu ne uwa na.

Arhie Maan 12:15

Ẹyẹn keghi tue amẹ ne ọ ye vbe ẹzẹ ke unu ẹnrẹn ladian, ọ keghi zẹ ọe lele okhuo nii, ne amẹ nii lẹ ọre gha rrie.

Arhie Maan 12:9

A keghi mu Ugbogiorinmwi ne gẹdẹgbẹ nii fua. Rẹn ọrọre ẹyẹn nẹdẹ nii, ne a tie ẹre Setan, ne ọ mu otọ agbọn hia rẹrẹ. A keghi fi ẹe fi agbọn ke ẹe kevbe avbe odibo ẹre hia.

Arhie Maan 20:2

Ọ keghi gua Ugbogiorinmwi nii rhie, nene ẹyẹn nẹkporriọ ne a tie ẹre Esu ra Setan, ọ keghi mu ẹn gba la ukpo arriaisẹn.