Gẹnẹsis 26:2 - Edo Bible (E Baibol Ẹdo) Version 1996

² E Nọyaẹnmwa keghi rhiegbe ma Aizik, ọ na tama rẹn, wẹẹ, “Ghẹ yo Igipt. Mudia vbe ẹvbo ne I tama ruẹn ne u dia.

Gẹnẹsis 26:2 Iomraidhean Croise

Gẹnẹsis 12:1

E Nọyaẹnmwa keghi tama Ebram wẹẹ, “Kpao vbe ẹvbo ruẹ rre, sẹ avbe etuẹn rae kevbe owa erha a, ne u gha rrie ẹvbo ne I gha rhie ma ruẹn.

Gẹnẹsis 12:7

E Nọyaẹnmwa keghi rhie egbe ma Ebram, ọ na tama rẹn wẹẹ, “Ẹvbo ne I khian mu ne uniẹn ruẹn ọre ọna khin.” Ebram keghi bọ aka ye evba ne Nọyaẹnmwa ne ọ rhie egbe ma rẹn.

Gẹnẹsis 17:1

Ugbẹn vbe Ebram ghi rre ukpo ọkpairrọvbiyisẹn, e Nọyaẹnmwa keghi rhie egbe ma rẹn, Ọ wẹẹ, “Mẹ ọrọre Osanobua Noghodua. U ghi gha họn ẹmwẹ mwẹ vbe ẹghẹ hia ne u gha ya vbe agbọn, ne u vbe gha ru emwi ne ọ gbae vbe ẹghẹ hia,

Gẹnẹsis 17:19

Sokpan Osanobua tama rẹn wẹẹ, “U baeku, Sera ne amwẹ ọn gha biẹ ọmọ okpia nuẹn, wẹ ghi he ẹre Aizik. I gha ye ile ne I tae rre vbe ẹghẹ ọre kevbe ọghe uniẹn ọnrẹn, ile etẹbitẹ nọ.

Gẹnẹsis 18:1

E Nọyaẹnmwa keghi rhiegbe ma Ebraham vbe ọkpẹn avbe erhan iruemwi ọghe Mamrẹ, Ebraham keghi tota ye onurho owa ukpọn rẹn vbe ogiavan ogioghogho,

Gẹnẹsis 26:24

Vbe Asọn nii e Nọyaẹnmwa keghi rhiegbe ma rẹn, ọ wẹẹ, “Mẹ ọrọre Osanobua Ebraham ne erha a. Ghẹ gie ohan muẹn, I rrọọ yaba ruẹ I gha fiangbuẹ, I gha vbe viọ ivbi uniẹn nibun nuẹn rhunmwuda Ebraham ne ọguọmwadia mwẹ.”

Psalm 25:12

Iran ni họn ẹmwẹ ne Nọyaẹnmwa, gha ruẹ emwi vbe ehe ne ọ ye odẹ ne ọ kere ne iran lele.

Psalm 37:3

Mu ẹtin yan e Nọyaẹnmwa ne u gha ru emwi ẹse, vbe gha yin otọe nii vbe ne ai na mwẹ ẹbe.

Ẹksọdọs 2:24

Ọ keghi ghe ikhiẹkhiegbe iran, ọ na ye ile ne ọ gu Ebraham ta rre kevbe Aizik kevbe Jekọb.

Levitikọs 26:42

I ghi ye ile mwẹ ne I gu Jekọb, Aizik kevbe Ebraham ta rre, I ghi dọlegbe su eyan nii igie wẹ I gha mu otọe nii ne emwa mwẹ.