Gẹnẹsis 24:3 - Edo Bible (E Baibol Ẹdo) Version 1996

³ I ho ne u vẹn ihẹn ya yan ma mwẹ vbe odaro Nọyaẹnmwa ne ọre Osanobua ọghe ẹrinmwi kevbe agbọn wẹẹ, u i ra rhie okhuo ne ovbi mwẹ vbe Kenan ẹvbo ne I ye na.

Gẹnẹsis 24:3 Iomraidhean Croise

Gẹnẹsis 14:19

ọ keghi fiangbẹe vbe nian wẹẹ, “Te Osanobua Nọyosẹ, ne ọ yii ẹrinmwi kevbe agbọn, gha fiangbe Ebram!

Gẹnẹsis 14:22

Sokpan Ebram keghi wanniẹn wẹẹ, “Ekhọekekhọe ọre i wa ya vẹn ihẹn vbe odaro Nọyaẹnmwa Osanobua Nọyosẹ, ọmwa ne ọ yii ẹrinmwi kevbe agbọn.

Gẹnẹsis 21:23

Rhunmwuda ọnii, yan vbe emwana nian vbe odaro Osanobua wẹẹ u i ra rẹrẹ mwẹ, ra ivbi mwẹ, ra uniẹn mwẹ. Te I wa rhiegba ye ẹmwẹ ruẹn, rhunmwuda ọnii, yan ighẹ u gha vbe gha rhiegba ye ẹmwẹ mwẹ, ke ye ẹmwẹ otọe na ne u ye.”

Gẹnẹsis 24:7

Nọyaẹnmwa, Osanobua ẹrinmwi kevbe agbọn ọre ọ rhie mwẹ ke owa erha mwẹ ladian hin otọ avbe etẹn mwẹ rre, ọ na vbe yan ma mwẹ ighẹ rẹn gha mu otọ na ne imẹ kevbe uniẹn mwẹ, ọ gha gie odibo ẹre ke odaro nuẹn ne u miẹn ehe na miẹn okhuo rhie ne ovbi mwẹ vbe evba.

Gẹnẹsis 27:46

Ribẹka keghi tama Aizik wẹẹ. “Egbe ikhuo eghọẹn ne Isọ viọre wọ mwẹ, ẹtin iran fo mwẹ. A i ghẹ miẹn wẹ te Jekọb ghi vbe rhie vbe ivbi e Hiti na, ọnii ọre I ghi na wu!”

Gẹnẹsis 28:1

Aizik keghi tie Jekọb, ọ ghi tuọe O nẹ, ọ tama rẹn wẹẹ, “Ghẹ rhie okhuo ne ovbi e Kenan.

Gẹnẹsis 28:8

Eghẹ nii, Isọ na do rẹn wẹ Aizik ne erha ẹe i ho ẹmwẹ ikhuo Kenan.

Gẹnẹsis 34:9

Wa gie ima viọ obọ gie egbe vbekpa orọnmwẹ, ma ghi viọ ivbi uwa rọnmwẹ, wa ghi vbe gha viọ ọghe ima rọnmwẹ.

Gẹnẹsis 38:2

E Juda keghi miẹn ọmọ okhuo ovbi Kenan ọkpa ne a tie erha ẹe Siua. Ọ keghi rhie ẹre rọnmwẹ.

Gẹnẹsis 47:31

E Jekọb keghi kha wẹẹ, “Yan ma mwẹ wẹ u gha ruẹe.” E Josẹf keghi yan eyan nii, ere Jekọb na kpọnmwẹ vbe uhunmwu ukpo ẹre vbe evba.

Gẹnẹsis 50:25

Ẹre Josẹf na ya emwa irẹn vẹn ihẹn, ọ wẹẹ, “Wa yan ma mwẹ wẹ, ẹghẹ ne Osanobua gha na viọ uwa, gha rrie otọe nii wa gha mu ikun mwẹ ba egbe kpao.”

Gẹnẹsis 6:2

Eso vbe avbe iran ni rre ẹrinmwi, keghi miẹn wẹ avbe ikhuo na wa mose ẹsẹse, ẹre iran na viọ ni yẹ iran vbọ rọnmwẹ.

Gẹnẹsis 6:4

Vbe ẹghẹ ne a kha na kevbe iyeke ẹghẹ nii, avbe arhuanran ne ikhuo nii kevbe avbe ẹrinmwi nii biẹlẹe kegha rre agbọn. Iran nii ọre ọ gha re avbe ọkhae ni hin usi ọghe ẹkpo nẹdẹ.

II Ọba 19:15

Ọ keghi na erhunmwu wẹẹ, “E Nọyaẹnmwa ne Osanobua Izrẹl, ne ọ tota ye ẹkete ẹre vbe odukhunmwu emwi ni zẹ ifuẹn nii, wẹ ọkpa kẹkan ọrọre Osanobua, wẹ ọ re ọ vbe khaemwisẹ yan arriọba otọ agbọn hia. Wẹ ọ re ọ yi otọ kevbe iso.

II Krọnikol 2:12

Urhomwẹ nọ ne Nọyaẹnmwa ne Osanobua ọghe Izrẹl, Ayi ne ọ yi ẹrinmwi kevbe agbọn. Ọ na rhie ọmọ ne ọ wan kevbe ne irẹnmwi gba na ne Devid ne Ọba, ọmọ nii ọ re ọ ghi mwamwa ẹẹn nian ne ọ bọ Ọgua Osa ne Nọyaẹnmwa kevbe ẹguae ne egbe ẹre.

Ẹzra 5:11

“Iran keghi wanniẹn wẹẹ, ‘Eguọmwadia Osanobua ọghe ẹrinmwi kevbe agbọn ọre ima khin, te ima dọlegbe bọ Ọgua Osa ne ọba ne ọ mwẹ ẹtin ọghe Izrẹl ka bọ, ọ na dẹlẹ emwi yọ vbe ẹghẹ ne ọ kpee fua, gha dee.

Nehimaia 13:25

I keghi gu avbe ikpia nii gui, I na rhovbiẹ iran an, I keghi gbele iran, I na silo iran eto vbọlọ kua. I na ya iran vẹn ihẹn vbe eni Osanobua wẹ, ọ re iran nọ ra ivbi iran nọ ne ọ gha dọlegbe rhie ikhuo ẹvbo ọvbehe vbe uwu iran ẹ i ghi rrọọ.

Nehimaia 9:6

Ẹghẹ nii, emwa Izrẹl keghi na erhunmwu na: “Wẹ ne Osa ọkpa ọrọre Nọyaẹnmwa mwa: wẹ ọ re ọ yi aro iso kevbe avbe orhọnmwẹ ni rre aro iso. Wẹ ọ re ọ yi otọ kevbe okun, kevbe emwi hia ni rre uwu iran; wẹ ọ re ọ rhie arrọọ ne iran. Ẹtin ni rre ẹrinmwi vbẹrre ya uhunmwu rhanmwẹ otọ ne uẹn.

Psalm 115:15

Te ọ gha fiangbe uwa ighẹ Nọyaẹnmwa, ne ọ yi ẹrinmwi kevbe agbọn!

Psalm 136:26

Wa rhie ekpọnmwẹ ne Osanobua ẹrinmwi, etẹbitẹ ọ re ahoẹmwọmwa rẹn khin.

Ẹksọdọs 20:7

“Ohan i gie uwẹ lo eni imẹ ne Nọyaẹnmwa Osanobua ruẹ vbe odẹ ọkhọ rhunmwuda ọmwa ne ọ lo eni mwẹ ihan, I gha rria ẹre ikhi.

Ẹksọdọs 22:11

ihẹn vbe owa ugamwẹ ọre a ghi ya rẹn a deghẹ te ọ ma do emwi ọmwa nọkpa nii rhie. a deghẹ ẹki oyi irrọọ, e nọyan rẹn ghi sẹ ẹmwẹ emwi ne ọ wiri rae vberriọ vbe ne ọmwa nii i na vbe ha ẹre osa.

Ẹksọdọs 23:13

Wa rhie ehọ ye ẹmwẹ ne I tama uwa, wa ghẹ na erhunmwu ghe osa ọvbehe, wa ghẹ kue so eni iran.”

Ẹksọdọs 34:16

Ivbi uwa sẹtin viọ ivbi iran nikhuo rọnmwẹ, iran gha ya iran fi iyeke gbe mwẹ, iran gha gho ẹbọ iran.

Aizaia 45:23

Ẹmwata ọ re eyan ne I yanrẹn khin ai vbe fi ẹe werriẹ. Emwi ne I khin hia fẹẹrẹ ọ re I ya yan: Emwa hia gha rre do diguẹ vbe odaro mwẹ iran ghi yan wẹ iran gha rhie egbe mu mwẹ.

Aizaia 48:1

Ivbi Izrẹl wa danmwehọ ẹmwẹ na, wa ne ivbi uniẹn e Juda. Wa ọ re ọ ya eni Nọyaẹnmwa vẹn ihẹn wa na vbe gha kha ighẹ Osanobua Izrẹl ọ re uwa ga. Sokpan, ẹmwẹ ne uwa ta, te uwa ba tae kẹkan.

Aizaia 65:16

Ọmwaikọmwa ne ọ ghi nọ afiangbe vbe otọe nii, Osanobua ẹmwata ọ re ọ ra wẹ, ne ọ fiangbe irẹn. Ọmwaikọmwa ne ọ vbe vẹn ihẹn eni Osanobua ẹmwata nii ọ re ọ ra vbe ya vẹn ọẹn. Orueghe ọghe ẹghẹ ne ọ gberra gha fo, a ghi vbe mianmian ẹn.”

Jerimaia 10:11

(Ọ kere ne uwa tama iran wẹ avbe ẹbọ ni i re ni yii otọ vbe ukhunmwu, a gha guọghọ iran an. Iran i ghi khian gha rrọ vbe ehe rhọkpa vbe agbọn na.)

Jerimaia 12:16

Adeghẹ iran ghi ye ekhọe iran hia rhan obọ miẹn iyayi avbe emwa mwẹ, iran na vbe gha ya ẹe vẹn ihẹn wẹẹ, ‘Zẹ vbene Nọyaẹnmwa na rrọọ’ zẹ vbene iran vbe ma emwa mwẹ ẹre ne iran gha ye eni e Baal vẹn ihẹn, ẹghẹ nii iran ghi do gha re efẹn okpa vbe uwu avbe emwa mwẹ, agbọn gha maa iran.

Jerimaia 29:6

Wa viọ ikhuo ne uwa biẹlẹ. Wa vbe gie avbe ivbi uwa viọ ikhuo, ne iran vbe miẹn ehe na biẹlẹ emọ. Te ọ kere ne uwa gha bun yọ ne uwa ghẹ yẹkẹ.

Jerimaia 4:2

ọ sẹtin gha re emwi ne ọ kere ne uwa, ne uwa gha ye eni mwẹ vinhẹn. Ẹghẹ nii avbe uhunmwu ẹvbo hia gha rinmwian mwẹ ne I fiangbe iran, iran ghi vbe gha rho mwẹ.”

Levitikọs 19:12

Ghẹ ya eni mwẹ ru eyan a deghẹ ẹ i re te u ho ne u mu ẹẹn sẹ, te ọnii fa eni mwẹ uan. Mẹ ọre Nọyaẹnmwa Osanobua rua.

Zẹfanaia 1:5

I gha fuẹn ọnrẹn uan ighe ọmwaikọmwa ne ọ hin ẹrhunrhun owa ya gha ga owẹn, uki ra orhọnmwẹ. I gha vbe fuẹn iran ni ga mwẹ, iran na vbe gha ya eni mwẹ vẹn ihen zẹ vbe ọmwa ne ọ mudia ẹse, sokpan, iran ghi vbe gha ya eni e Milkọm ne ẹbọ vẹn ihẹn.

Nọmbas 5:21

Te Nọyaẹnmwa gha ya eni ruẹn khian ne a fi ẹre unu vbe uwu ẹbu avbe emwa, te ọ gha gie ẹgẹn ruẹn kpero ne ẹko ruẹ hue ladian.

I Kọrinti 7:39

Okhuo ne ọ rre owa ọdọ, ẹ i ghi re ne ọ yan egbe ẹre ugbẹn vbe ọdọ ẹre rre agbọn. Sokpan a deghẹ ọdọ ẹre wu, ọ sẹtin rọnmwẹ okpia ọvbehe ne ọ yẹ ọre. Sokpan, ne ọ ghẹ mwẹ ọ ma gha re orọnmwẹ iyayi.

Diuteronomi 10:20

Wa gha mu ohan e Nọyaẹnmwa Osanobua uwa, wa vbe gha ga irẹn ọkpa kẹkan. Wa gha re emwa ne ọ gba ẹko ẹre, ne uwa gha ya eni ẹnrẹn ọkpa kẹkan ru eyan uwa.

Diuteronomi 6:13

E Nọyaẹnmwa Osanobua rua ọkpa ọ re uwa gha mu ohan rẹn, rẹn ọkpa wa gha vbe gha ya gha yan eyan.

Hibru 6:16

Ọmwa gha yan, ọ ghi ya eni ọmwa ne ọ kpọlọ sẹ irẹn yan. Eyan ọre ọ ta ọfo ye imuaẹmwẹ hia, ne emwa gu egbe muan.

Jọsua 2:12

Banbanna nian, wa yan ma e Nọyaẹnmwa wẹ wa gha mu eyan uwa sẹ, ne uwa gbearoghe ẹgbẹe mwẹ zẹ vbene imẹ gbe aro ghe uwa, wa ghi vbe rhie emwi iyama yọ.

Giọgis 14:3

Sokpan, erha ẹe vbe iye ẹe keghi tama rẹn wẹẹ, “Vbe u a ghi ra ya rhie okhuo hẹ yi vbe ivbi e Filistia ni ga ẹbọ? We ma ghi miẹn ọmọ okhuo rhọkpa vbe avbe ivbi etuẹn ra vbe uwu avbe ivbi emwa ruẹn?” Sokpan Samsin tama erha ẹe wẹẹ, “Rẹn ọre I we ne u rhie mẹ, ẹmwẹ ọnrẹn yẹ mwẹ.”

I Samuẹl 20:17

E Jonatan keghi dọlegbe wẹ ne Devid yan wẹẹ rẹn gha ho ẹmwẹ irẹn, rhunmwuda te Jonatan ho ẹmwẹ Devid zẹ vbene ọ ho ẹmwẹ egbe ẹre.

I Samuẹl 30:15

E Devid keghi nọ rẹn wẹẹ, “U gha ya ma mwẹ ehe ne iran ni khọn okuo na ye ra?” Rẹn keghi wanniẹn wẹẹ, “I gha yọ adeghẹ u ya eni Osanobua yan ma mwẹ u i ra gbe mwẹ uan ra ne u dọlegbe rhie mwẹ ne arowa mwẹ.”