Gẹnẹsis 2:9 - Edo Bible (E Baibol Ẹdo) Version 1996

⁹ Ọ keghi ruẹe ne erhan ughughan hia zọ, ne mose mose kevbe ni mọ ọmọ. Erhan ne ọ rhie arrọọ ke ẹwaẹn ne a ya rẹn emwi ne ọ maa ke ne ẹ i maa ne ọmwa kegha rre adesẹneva ogba nii.

Gẹnẹsis 2:9 Iomraidhean Croise

Gẹnẹsis 2:17

Sokpan ọnii ne ọ rhie ẹwaẹn ne a ya rẹn emwi ne ọ maa kevbe ne ẹ i maa ne ọmwa, ghe rri ọmọ rẹn. U gha rriọe, u gha wu ẹdẹ nẹdẹrriọ zẹẹ.”

Gẹnẹsis 3:22

Ẹre Nọyaẹnmwa Osanobua na kha wẹẹ, “Banbanna nian, te okpia na ghi ye vbe ọkpa vbe uwe ima rhunmwuda, te ọ ghi rẹn emwi ne ọ maa ke nẹ i maa. A i kue nẹẹn ne ọ ya re vbe erhan arrọọ, ne ọ do gha rrọọ ẹdẹdẹmwẹdẹ.”

Gẹnẹsis 3:24

Vbe odẹ ahọ ọghe ogba nii, rẹn keghi viọ emwi ne a yi ni ma he wu eso yọ, ke iran ke umozo ne erhẹn ne ọ baa ne ọ vbe gbe lẹga egbe hia. Wẹẹ ne iran ghẹ gie ọmwarhọkpa sikẹ erhan arrọọ nii.

Gẹnẹsis 3:3

sokpan a ma wẹ erhan ne ọ rre adesẹneva ẹre. Osanobua wẹ ne ima ghe rri ọmọ erhan nii ra ne a ye obọ kan rẹn, ọ wẹ ma gha ruẹe, ma gha wulo.”

Gẹnẹsis 3:5

Te Osanobua tae vberriọ, rhunmwuda, ọ rẹnrẹn wẹ, wa gha rriọe wa gha do gha ye vbe Osanobua, wa ghi do gha rẹn emwi ne ọ maa ke nẹ i maa zẹ vbene irẹn ye.”

Itan 11:30

Uyinmwẹ esi, te ọ rhie arrọọ ne ọmwa, sokpan, te okhọ miẹn ọmwa ẹre.

Itan 3:18

Ọ yẹnmwẹ sẹ iran ni khian emwa ni wan, ẹwaẹn gha rhie arrọọ ne iran.

Aizaia 44:25

Mẹ ye avbe iran ni fi iha ne emwa, gbogiẹ I ghi vbe ya emwi ne avbe iweuki ta yotọ khian ne ọ ma de yọ. Mẹ khare ighẹ ohoghe ẹmwẹ ne avbe umẹwaẹn ta khin. I ghi rhie ma ighẹ ukọnmwẹ ọ re ẹwaẹn iran khin.

Aizaia 47:10

“Te u wa gha ya obọ so udu ye iba ne u zẹ u na gha ro wẹ ọmwa ne ọ bẹghe ruẹ i rrọọ. Ẹwaẹn kevbe irẹnmwi ruẹn keghi ya a bibi odẹ u keghi tama egbe ruẹ wẹẹ, ‘Mẹ ọrọre Osanobua ọmwa ne ọ yevbe mwẹ i rrọọ.’

Ezikiẹl 31:16

I gha rhie ẹre gha rrie ẹvbo iran ni wulo nẹ ulamwẹ udemwẹ ọnrẹn gha mu avbe uhunmwu ẹvbo rueghe. Avbe erhan ni rre Idẹni hia, kevbe avbe erhan esiesi ne a gbe amẹ khakha vbe Lebanọn, ni kpao gha rrie agbọn ne ọ rre uwu otọ nẹ, oha gha ghọghọ ye udemwẹ ọnrẹn.

Ezikiẹl 31:18

“Ọba Igipt ọrọre erhan ne a kha na, ke ẹe kevbe emwa rẹn hia. Avbe erhan ni rre Idẹni ma te tan vba iran ra ne iran sughe vba iran. Sokpan, banbanna nian, zẹ vbe avbe erhan ne ọ rre Idẹni, ọ gha tuorre gha rrie ẹvbo emwa ni wulo nẹ, ne ọ vbe ya deba avbe emwa dan, kevbe avbe emwa ne a gbele vbe okuo. I tae nẹ.” Erriọ e Nọyaẹnmwa ne Udazi khare.

Ezikiẹl 47:12

Erhan ughughan gha zọ vbe obọ eva vbe ọkpẹn ẹzẹ nii ne iran gha rhie evbare ne a re rre. Ebe iran i ra kaka ẹdẹ, a i vbe miẹn wẹ iran dobọ umọmwẹ yi. Uki uki ọre iran gha ya gha mọ ọmọ ọgbọn, rhunmwuda, ẹzẹ ne ọ ke uwu Ọgua Osa lẹ rre, ọ re ọ rhie amẹ ne iran. Ọmọ ne iran mọẹn, a ghi gha rri ọe, ebe ni rrọ ghi gha re ukhunmwu ne a ya sinmwi emwa.”

Iyẹn ne ọ Maan Ọghe Jọn 6:48

Mẹ ọrọre evbare ẹfe.

I Kọrinti 8:1

Vbe ekpa emwi ne a ya ru ẹbọ: Ẹmwata nọ wẹ, “ma hia ọre ọ rẹn emwi,” zẹ vbe ne itan kha re. Sokpan egbe irẹnmwi vberriọ, uhiomwẹ ọre ọ si ye ọmwa egbe, sokpan ahọ ẹmwẹ ọmwa ọre ọ de ọmwa igiẹ.

Diuteronomi 6:25

Osanobua gha mwẹ ẹko ne ọ rhiẹnrhiẹn ghe mwa a deghẹ ma ye ẹko ata ru emwi hia ne ọ khama mwa.’

Arhie Maan 2:7

“Rhunmwuda ọnii, a deghẹ u mwẹ ehọ khekherriọ, u ghi họn ẹmwẹ ne Orhiọn tama avbe esọsi. “Avbe emwa ni khọnmiotọ nẹ, I gha rhie asẹ ne iran ne iran ya re vbe ọmọ erhan ẹfe ni, ne ọ zọ re vbe uwu ogba ọghe Osanobua.

Arhie Maan 22:14

Ọ maa ne iran ni họ ẹmwẹ iran huan sẹrriọ ne iran ghi na mwẹ ẹtin, ne iran gha ya re vbe ọmọ ne erhan ẹfe ni mọẹn, kevbe ne iran vbe la onurho la ẹvbo nii.

Arhie Maan 22:2

Ọ keghi lẹ la adesẹneva ukpo ọghe ẹvbo ni. Vbe obọ eva ọghe ẹzẹ nii, erhan ẹfe keghi rrọọ, igba iweva ọre ọ mọ vbe ukpo, uhukpukpa vbe uki, ebe ẹre keghi re ne a ya mu agbọn ẹvbo egbe rran.