Gẹnẹsis 2:4 - Edo Bible (E Baibol Ẹdo) Version 1996

⁴ Vberriọ ọre a ya yi otọe vbe ukhunmwu. Ẹghẹ ne Nọyaẹnmwa Osanobua na yi otọe vbe ukhunmwu,

Gẹnẹsis 2:4 Iomraidhean Croise

Gẹnẹsis 1:1

Vbe omuhẹn, vbe Osanobua yi agbọn kevbe emwi hia ni rre iso.

Gẹnẹsis 1:28

Ọ keghi fiangbe iran vbenian wẹẹ, “Wa ghi biẹlẹ emọ nibun vbe ne a gha na miẹn wẹ uniẹn ruan ghi gba ehe hia vbe agbọn, iran ghi gha khaemwisẹ ya rẹn. I rhie ẹtin nuẹn ya gha kha yan avbe ehẹn, avbe ahianmwẹ kevbe avbe aranmwẹ oha hia.

Gẹnẹsis 1:3

Osanobua keghi kha wẹẹ, “Gie uwanmwẹ gha rrọọ,” uwanmwẹ keghi gele ladian.

Gẹnẹsis 1:31

Osanobua keghi ghe emwi hia ne irẹn yi, ẹko ke sẹ ọre ọyẹnmwẹ ẹsẹse. Ẹdẹ ghi gbe ẹdẹ keghi mu, ọnii na gha re ikpẹdẹ ne ogiehan.

Gẹnẹsis 1:4

Emwi ne Osanobua dẹghe keghi sẹ ọre ọyẹnmwẹ. Rẹn keghi wannọ uwanmwẹ hin ebiebi rre.

Gẹnẹsis 10:1

Uniẹn avbe ivbi e Noa ọre ena khin (Siẹm, Ham kevbe Jafẹt), ne a miẹn wẹ iyeke uromwẹ amẹ ọre a na biẹlẹ ivbi iran.

Gẹnẹsis 11:10

Ivbi uniẹn Siẹm ọre ena khin, ọ ghi rre ikpira ne a miẹn uromwẹ amẹ, vbe Siẹm rre ukpo iyisẹn (100), ọ keghi biẹ ọmọ okpia ọkpa ne a tie ẹre Apaksiad.

Gẹnẹsis 2:3

Rẹn keghi fiangbe ikpẹdẹ ne ogihinrọn, ọ keghi zọe ye otọ zẹ vbe ẹdẹ kpataki, rhunmwuda ẹdẹ nẹdẹrriọ ọre ọ winna iwinna emwi ne ọ yi fo, ọ na dobọ iwinna yi.

Gẹnẹsis 25:12

Ismẹl kegha re ovbi Ebraham ne Hega ne ovbi Igipt ne ọviẹn Sera biẹ nẹẹn.

Gẹnẹsis 25:19

Itan Aizik ne ovbi Ebraham ọre ọna khin.

Gẹnẹsis 36:1

Ivbi uniẹn Isọ ena khin (ra Idọm).

Gẹnẹsis 36:9

Ena ọrọre ivbi uniẹn Isọ ne erha emwa Idọm.

Gẹnẹsis 5:1

Eni uniẹn Adam ọre ena khin. (Ẹghẹ ne Osanobua na yi emwa nagbọn, ọ keghi yi iran zẹ vbe ama egbe irẹn.

I Ọba 18:39

Emwa nii ghi miẹn emwi na, iran hia keghi dele gbe otọ, iran na datu wẹẹ, “E Nọyaẹnmwa ọrọre Osanobua, e Nọyaẹnmwa ọkpa ọrọre Osanobua!”

II Krọnikol 20:6

Ọ keghi ya urhu ne ọ la na erhunmwu wẹẹ, “E Nọyaẹnmwa ne Osanobua avbe erha mwa odede, wẹ ọ re ọ ke ẹrinmwi khaemwisẹ yan avbe okpẹvbo ni rre otọ agbọn hia. Wẹ mwẹ ẹtin, u kevbe kpolo, ọmwa ọkpa i rrọ ne ọ gha sẹtin muan ruẹn ẹmwẹ,

Job 38:28

Ke amẹ, kevbe evbu de ne ọ mwẹ erha vbọ yi?

Job 38:4

Wẹ rre evba vbe I yi agbọn ra? Adeghẹ u gele rẹn emwi sẹ evba, ta ẹe ma mwẹ.

Psalm 18:31

E Nọyaẹnmwa ọkpa ọrọre Osanobua, Osanobua ọkpa ọrọre ne ọ gbinna ma.

Psalm 86:10

Wẹ kpolo, u keghi vbe ru emwi ọyunnuan, wẹ okpa kẹkan ọrọre Osanobua.

Ẹksọdọs 15:3

Ne ọ khọn okuo ọre Nọyaẹnmwa khin Nọyaẹnmwa ọrọre eni ẹnrẹn.

Ẹksọdọs 6:16

Ena ọrọre eni ivbi Livai kevbe emọ ne iran biẹlẹe: Gẹsiọn, Kohat kevbe Merari; iran ọrọre erha odede iran ne a tie ginna iran. Ukpo eha irrọvbe ikiọkhọe (137) ọre Livai ya vbe agbọn.

Aizaia 44:6

E Nọyaẹnmwa ne ọ khaemwisẹ yan, kevbe ne ọ vbe degue Izrẹl, e Nọyaẹnmwa ne Oghodua khare wẹẹ, “Mẹ ọrọre okaro, okiekie, ne irẹn ọkpa re Osanobua; osa ọvbehe i rrọ gberra imẹ.

Arhie Maan 1:4

E Jọn ọre ọ gie uhunmwu na gie avbe esọsi ihinrọn ni rre otọ Esia. Ẹsọhẹ kevbe ọfumwegbe ọrọre ọghe uwa ke ehe ne Osanobua ye gha dee, Ọmwa ne ọ rrọọ banbanna, ọmwa ne ọ ka gha rrọọ yi ke ne ọ khian vbe gha rrọọ, kevbe ke ehe ne avbe orhiọn ihinrọn ni rre odaro ẹkete ẹre ye ghe dee.

Arhie Maan 1:8

“Mẹ ọrọre Alfa kevbe Omega,” erriọ Nọyaẹnmwa Osanobua ne Oghodua kha re, ọmwa ne ọ rrọọ banbanna, ne ọ ka rrọọ dee yi, kevbe ne ọ khian vbe gha rrọọ ẹdẹ ne ọ dee.

Arhie Maan 11:17

Iran wẹẹ: “Nọyaẹnmwa Osanobua Noghodua, ọmwa ne ọ rrọọ na, kevbe ne ọ ka gha rrọọ, ma kpọnmwẹ ọn ne u na ya ẹtin nọkhua ruẹ, suẹn gha khaemwisẹ nian.

Arhie Maan 16:5

I keghi họn vbe odibosa ne ọ gbe aro ghe amẹ vbe ọ khare wẹẹ, “Ọmwa ẹmwata ọre u khin vbe uwu ohiẹn ne u bu ru na hia fẹẹrẹ, wẹ ne ọmwa Ne Ọ Huanrẹn, ne ọ rrọọ banbanna na kevbe ne ọ ka gha rrọọ dee yi!