Gẹnẹsis 2:2 - Edo Bible (E Baibol Ẹdo) Version 1996

² Vbe ikpẹdẹ ne ogihinrọn, Osanobua keghi winna iwinna ne ọ gha winna hia fo, ọ keghi dobọ iwinna yi.

Gẹnẹsis 2:2 Iomraidhean Croise

Gẹnẹsis 1:31

Osanobua keghi ghe emwi hia ne irẹn yi, ẹko ke sẹ ọre ọyẹnmwẹ ẹsẹse. Ẹdẹ ghi gbe ẹdẹ keghi mu, ọnii na gha re ikpẹdẹ ne ogiehan.

Gẹnẹsis 2:3

Rẹn keghi fiangbe ikpẹdẹ ne ogihinrọn, ọ keghi zọe ye otọ zẹ vbe ẹdẹ kpataki, rhunmwuda ẹdẹ nẹdẹrriọ ọre ọ winna iwinna emwi ne ọ yi fo, ọ na dobọ iwinna yi.

Ẹksọdọs 23:12

“Wa ghi ya ikpẹdẹ ehan winna sokpan vbe ikpẹdẹ ne ogihinrọn, wa ghẹ winna ne ẹmila uwa kevbe ekẹtẹkẹtẹ uwa miẹn ehe na hẹwẹ ne avbe eviẹn kevbe orhunmwuyẹn miẹn ehe na koko ẹtin.

Ẹksọdọs 31:15

Ikpẹdẹ ehan ọre uwa gha ya gha winna iwinna uwa, sokpan ẹdẹ ne ogihinrọn, ẹdẹ ọghe ikẹtin ọre nọ, ne ọ huanrẹn nọ ne Nọyaẹnmwa. Omwa ne ọ rhirhi winna vbe ẹdẹ rriọ a ghi gha gbe ẹe rua.

Ẹksọdọs 31:17

Ama etẹbitẹ nọ ne imẹ vbe Izrẹl rhunmwuda, mẹ ne Nọyaẹnmwa, ẹdẹ ehan ọre I ya yi ẹrinmwi kevbe agbọn, vbe ikpẹdẹ ne ogihinrọn, I keghi da obọ iwinna yi, I na hẹwẹ.’ ”

Aizaia 58:13

E Nọyaẹnmwa khare wẹẹ, “A deghẹ wẹ ru Ẹdẹ Ikẹtin zẹ vbe emwi. nọhuanrẹn, ighẹ u ma gha do ẹki egbe ruẹ vbe ẹdẹ nẹdẹrriọ; a deghẹ u ka ẹdẹ mwẹ nọhuanrẹn yọ, ighe u na yọghọ ne ẹẹn vbekpa ne u i na ya ẹe yo okhian, ra ne u ya ẹe winna ra ne u gha gbe ikuẹmwẹ vbe ẹdẹ nẹdẹrriọ.

Iyẹn ne ọ Maan Ọghe Jọn 5:17

Jesu wanniẹn tama iran wẹẹ, “Te erha mwẹ wa winna ẹghẹ hia, ẹ i mwẹ mẹ ma vbe gha winna.”

Diuteronomi 5:14

sokpan ikpẹdẹ ne ogihinrọn, ẹdẹ ikẹtin ne a ya fiohan mẹ nọ. Ọmwa rhọkpa ghẹ winna vbe ẹdẹ nii, ọ re uwẹ tobọ ruẹ nọ, ra avbe ivbuẹ. ra eviẹn ruẹn ra emwirri ruẹ ra orhunmwuyẹn ni rre ẹvbo ruẹ.

Hibru 4:10

Rhunmwuda, ọmwaikọmwa ne ọ la owa ya gu Osanobua hẹwẹ, gha zobọ vbe iwinna ne ọ winna, zẹ vbene Osanobua vbe zobọ vbe iwinna ọghọe.

Hibru 4:4

Rhunmwuda vbe uwu ebe, iran guan kan ikpẹdẹ ne ogihinrọn, “Osanobua keghi hẹwẹ vbe iwinna rẹn hia.”