Gẹnẹsis 1:2 - Edo Bible (E Baibol Ẹdo) Version 1996

² Agbọn ma zẹdẹ gha mwẹ ona, emwi i vbe rrọ, ebiebi keghi so gba avbe okun nekhua ni hu yo hu rre vbọ. Ẹtin Osanobua kegha lọyan yo lọyan rre vbe uhunmwu amẹ.

Gẹnẹsis 1:2 Iomraidhean Croise

Job 26:14

Sokpan, ẹmwẹ ne ọ ya ha ọmwa ehọ, ọ re ena khin vbe ekpa ẹtin ẹnrẹn. Ewẹwẹwẹ ne ọ fi la ehọ. De ọmwa ne ọ gha sẹtin rẹn vbene ọ gele kpọlọ sẹ he ẹe?”

Job 26:7

Osanobua ọ re ọ tan iso ne ọrre odẹ okuọ. Ọ na mu agbọn na rrọ ye ideghedeghe.

Job 38:9

Mẹ ọ re ọ ye amẹ gue okun, I na ye ebiebi gbalọ ẹe.

Job 41:32

Ọ ghi zẹ uviẹn ne ọ fi wainwain ye odieke ẹre. Ọ ghi ya okun khian okun ne ọ hu.

Psalm 104:30

Sokpan, u gha rhie uhiọnrọnmwẹ ne iran, iran ghi khian ne a yi, wẹ ọre ọ rhie arrọ ọgbọn ne otọe.

Psalm 104:6

U mu okun rhu ẹe zẹvbe ẹwu, amẹ keghi gue avbe oke muotọ.

Psalm 136:6

Ọ bu agbọn na yan uhunmwu amẹ etẹbitẹ ọ re ahoẹmwọmwa rẹn khin.

Psalm 148:7

Wa rho e Nọyaẹnmwa ke agbọn rre, avbe Ugbogiorinmwi amẹ kevbe orinmwi okun.

Psalm 33:6

Ẹmwẹ unu ọ re Nọyaẹnmwa ya yi avbe ẹrinmwi, ẹmwẹ ne ọ tae ọ re ọ yi owẹn, uki kevbe avbe orhọnmwẹ.

Itan 8:24

Mẹ ọ re a ka biẹ khẹ avbe okun vbe avbe ẹzẹ ni lẹ i he rrọọ.

Aizaia 31:5

Zẹ vbene ahianmwẹ gho lẹga oko ẹre, ne ọ tan ifuẹn ga ivbi ẹre, erriọ mẹ ne Nọyaẹnmwa ne Oghodua gha degue Jerusalẹm ne I tan obọ gue ẹre.”

Aizaia 45:18

E Nọyaẹnmwa ọ re ọ yii iso, rẹn ọrọre ọmwa ne ọ re Osanobua! Rẹn ọ re ọ dọnmwẹ agbọn, ọ na yii ẹe ọ ru ẹe gbain kevbe ne ọ vbe tọ, ọ ma yi ẹre ne ọ dihoi rua ne ọ rhiaẹe. Sokpan ehe ne emwa gha yin. Rẹn ọrọre ọmwa ne ọ khare wẹẹ, “Mẹ ọrọre Nọyaẹnmwa, osa ọvbehe i ghi vbe rrọọ.

Jerimaia 4:23

I tọn aro mu ghe otọ agbọn, ọ keghi wa gha re ehe nẹi mọ ọmọ, ehe ne ọ rhiara. I ghe odukhunmwu uwanmwẹ i rrọọ.

Nahum 2:10

A fuẹn Ninevi ua, a hee ẹe ye otọ, ọ dihoi rua! Ẹtin hia ranran an rhunmwuda ohan, igbọn gha rhie gbe egbe, ẹtin fo. Te aro ghi reghe ua vbe uhunmwu.

II Kọrinti 4:6

Osanobua ne ọ kha re wẹẹ, “Uwanmwẹ gha wan ke uwu ebiebi ladian,” ọre ọ vbe wan uwanmwẹ ọnrẹn ye ima ekhọe, ne ọ rhie uwanmwẹ ọghe a rẹn uyi Osanobua ne ima, zẹ vbe ne ọ wan ladian vbe ugbaro Kristi.

Diuteronomi 32:11

Zẹ vbe oghohọn ne ọ ma ivbi ẹre utinmwẹ, ne ọ na ye ifuẹn ne a rhanrẹn da iran yi, e Nọyaẹnmwa ma gie Izrẹl de.