Gẹnẹsis 1:1 - Edo Bible (E Baibol Ẹdo) Version 1996

¹ Vbe omuhẹn, vbe Osanobua yi agbọn kevbe emwi hia ni rre iso.

Gẹnẹsis 1:1 Iomraidhean Croise

II Ọba 19:15

Ọ keghi na erhunmwu wẹẹ, “E Nọyaẹnmwa ne Osanobua Izrẹl, ne ọ tota ye ẹkete ẹre vbe odukhunmwu emwi ni zẹ ifuẹn nii, wẹ ọkpa kẹkan ọrọre Osanobua, wẹ ọ re ọ vbe khaemwisẹ yan arriọba otọ agbọn hia. Wẹ ọ re ọ yi otọ kevbe iso.

I Krọnikol 16:26

Ẹbọ avbe agbọn ẹvbo nekpa hia, amazẹ kẹkan nọ sokpan e Nọyaẹnmwa ọ re ọ yi avbe ẹrinmwi.

II Krọnikol 2:11

E Hiram ne Ọba keghi gbẹn ebe rhie ewanniẹn gie Solomọn. Ọ keghi gbẹn ọẹn wẹẹ, “Rhunmwuda wẹ, e Nọyaẹnmwa ho ẹmwẹ emwa rẹn, ọ keghi ya a ma ọba iran.

Nehimaia 9:6

Ẹghẹ nii, emwa Izrẹl keghi na erhunmwu na: “Wẹ ne Osa ọkpa ọrọre Nọyaẹnmwa mwa: wẹ ọ re ọ yi aro iso kevbe avbe orhọnmwẹ ni rre aro iso. Wẹ ọ re ọ yi otọ kevbe okun, kevbe emwi hia ni rre uwu iran; wẹ ọ re ọ rhie arrọọ ne iran. Ẹtin ni rre ẹrinmwi vbẹrre ya uhunmwu rhanmwẹ otọ ne uẹn.

Job 26:13

Uhiọnrọnmwẹ ọnrẹn ọ re ọ ya iso huan, obọ ẹre ọ re ọ gbe ugbogiorinmwi ne ọ te ra lẹfua.

Job 38:4

Wẹ rre evba vbe I yi agbọn ra? Adeghẹ u gele rẹn emwi sẹ evba, ta ẹe ma mwẹ.

Job 9:8

Ọmwa ne ọ gu Osanobua tan iso i rrọ, ra ne ọ ye owẹ rrilo ugbogiorinmwi ẹzẹ iyeke.

Psalm 102:25

Vbe ẹghẹ ne ọ kpẹ fua, u keghi yi agbọn na, obọ ruẹ ọre u vbe ya yi ẹrinmwi.

Psalm 104:24

Nọyaẹnmwa emwi ne u yi wa bun, a miẹn vbene u ya ẹwaẹn ru ehia hẹ! agbọn vuọn ne emwi ne uyi hia!

Psalm 104:30

Sokpan, u gha rhie uhiọnrọnmwẹ ne iran, iran ghi khian ne a yi, wẹ ọre ọ rhie arrọ ọgbọn ne otọe.

Psalm 115:15

Te ọ gha fiangbe uwa ighẹ Nọyaẹnmwa, ne ọ yi ẹrinmwi kevbe agbọn!

Psalm 121:2

Iyobọ mwẹ gha ke ehe ne Nọyaẹnmwa ye rre, ọmwa ne ọ yi ẹrinmwi kevbe agbọn.

Psalm 124:8

Ehe ne Nọyaẹnmwa ye ọ re iyobọ mwa ke rre, rọẹn ọ re ọ yi ẹrinmwi kevbe agbọn.

Psalm 134:3

Te Nọyaẹnmwa ne ọ yi ẹrinmwi kevbe agbọn, gha fiangbe uẹ ke Zaiọn rre.

Psalm 136:5

Ẹwaẹn rẹn ọ re ọ ya yi avbe ẹrinmwi, etẹbitẹ ọ re ahoẹmwọmwa rẹn khin.

Psalm 146:6

Ọmwa ne ọ yi ẹrinmwi, agbọn kevbe okun, kevbe emwi hia ni rre uwu iran. Ọ mu eyan rẹn sẹ vbe ẹghẹ hia,

Psalm 33:6

Ẹmwẹ unu ọ re Nọyaẹnmwa ya yi avbe ẹrinmwi, ẹmwẹ ne ọ tae ọ re ọ yi owẹn, uki kevbe avbe orhọnmwẹ.

Psalm 33:9

Rẹn guanrẹn, a keghi yii agbọn, vbe ẹmwẹ unu ẹnrẹn, emwi hia keghi ye egbe ladian.

Psalm 8:3

Mẹ gha ghe iso ne uwẹ yi, avbe uki kevbe orhọnmwẹ ne uwẹ viọ ye ihe iran.

Psalm 8:4

Vbe ọmwa khin, ne uwẹ mu ẹmwẹ ọnrẹn ro, kevbe ọmwa kẹkan, ne uwẹ na zẹ yọ ẹre re?

Psalm 90:2

Vbe uwẹ te do yi avbe oke ra u te do ru ẹe ne agbọn gha rrọ wẹ ọrọre Osanobua etẹbitẹghori wẹ ọ re ọ vbe ra gha re Osanobua ẹdẹdẹmwẹdẹ.

Psalm 96:5

Amazẹ ọ re ẹbọ avbe emwa nekpa khin, sokpan, e Nọyaẹnmwa ọ re ọ yi ẹrinmwi.

Ẹksọdọs 20:11

Ẹdẹ ehan ọre mẹ ne Nọyaẹnmwa ya yi ẹrinmwi, agbọn, avbe okun kevbe emwi nii rre uwu iran hia, sokpan vbe ikpẹdẹ ne ne ogihinrọn, I keghi kẹtin. Ọnii ọ zẹe ne imẹ ne Nọyaẹnmwa na fiangbe Ẹdẹ Ikẹtin, I na ya ẹe khian ne ọ huanrẹn.

Ẹksọdọs 31:18

Ugbẹn vbe Osanobua ghi gu e Mosis guan fo nẹ vbe uhunmwu oke Sainai, ọ keghi viọ uhanhan ayere eveva nii nẹẹn, uhanhan okuta ne ikpinhianbọ Osanobua gbẹnnẹ uhi yi.

Itan 16:4

Emwi ne Nọyaẹnmwa yi hia wa mwẹ ne a zẹ yotọ khẹ ọre; emwi ne a ghae khẹ ọmwa dan ọrọre ọfuan.

Itan 3:19

Ẹwaẹn obọ ẹre, ọ re Nọyaẹnmwa ya yi agbọn, irẹnmwi obọ ẹre ọ re ọ ya rhie iso ye ihe ẹre.

Asan-Ibo 12:1

Rhunmwuda ọnii, ye Ayi ne ọ yii uẹ rre vbe ne u he na re ọvbokhan na, vbe ẹdẹ oya kevbe ukpo ẹhorriẹ nii ma he rre, ẹghẹ ne u gha na gha kha wẹẹ, “Ehia khan mwẹ nẹ.”

Aizaia 37:16

“E Nọyaẹnmwa ne Oghodua, Osanobua Izrẹl, wẹ ne ọ tota ye odukhunmwu ehe ne avbe emwi ne a yi ni zẹ ifuẹn nii ye, wẹ okpa kẹkan ọrọre Osanobua, wẹ ọ re ọ vbe khaemwisẹ yan avbe otọe arriọba ni rre agbọn na hia, wẹ ọ re ọ yi otọe kevbe iso.

Aizaia 40:21

Wẹ ma rẹn ra? A ma tama ruẹn ke ẹkpo nii gha dee? Wẹ ma he họn vbene agbọn ya suẹn hẹ?

Aizaia 40:26

Tọn aro mu ghe odukhunmwu! Gha ọ yi avbe orhọnmwẹ ne u dẹghe yi? Ọmwa ne ọ viọ iran ladian vbe ivbiyokuo? Ọ rẹn inu ne iran khin te ọ he ọkpọkpa vbọ eni! Ẹtin ẹnrẹn kpọlọ sẹ vberriọ okpa vbe iran ne ọ gha wii edẹ i rrọ!

Aizaia 40:28

Wẹ ma rẹn ra? U ma he họn? E Nọyaẹnmwa ọrọre Osanobua etẹbitẹ rẹn ọ re ọ yi agbọn na hia. Egbe i wọ ẹre, ẹtin i fu ẹe ọmwa ne ọ rẹn iro ekhọe ẹre i rrọọ.

Aizaia 42:5

Osanobua ọ re ọ yi iso, ọ keghi niẹn ẹnrẹn uan. Rẹn ọ re ọ yi agbọn kevbe emwi hia ni rre uwu ẹre; rẹn ọ re ọ rhie arrọọ kevbe uhiọnrọnmwẹ ne emwa ẹnrẹn hia. Banbanna nian, e Nọyaẹnmwa Osanobua tama ọguọmwadia ẹre wẹẹ,

Aizaia 44:24

“Mẹ ọrọre Nọyaẹnmwa ne ọ ọmiọnmwafan ruẹn, mẹ ọ re ọ yii uwẹ. Mẹ ọrọre Nọyaẹnmwa ne ọ yii emwi hia. Mẹ ọkpa ọ re ọ tan iso zẹ vbe ukpọn ẹghẹ ne I na yii agbọn, ọmwa ne ọ ru iyobọ mẹ i rrọọ.

Aizaia 45:18

E Nọyaẹnmwa ọ re ọ yii iso, rẹn ọrọre ọmwa ne ọ re Osanobua! Rẹn ọ re ọ dọnmwẹ agbọn, ọ na yii ẹe ọ ru ẹe gbain kevbe ne ọ vbe tọ, ọ ma yi ẹre ne ọ dihoi rua ne ọ rhiaẹe. Sokpan ehe ne emwa gha yin. Rẹn ọrọre ọmwa ne ọ khare wẹẹ, “Mẹ ọrọre Nọyaẹnmwa, osa ọvbehe i ghi vbe rrọọ.

Aizaia 51:13

Wẹ mianmian e Nọyaẹnmwa ne ọ yii uwẹ nẹ ra? Ọmwa ne ọ tana iso yotọ ọna vbe gbe ẹyotọ agbọn? Vbọzẹ ne ohan na mu ẹẹn ẹghẹ hia yi rhunmwuda okuosu iran ni wọ ruẹ uhunmwu? Iran ni mu egbe ne iran ya fuẹn ruẹn uan okuosu iran i ghi miẹn emwi ru uẹ re.

Aizaia 51:16

Mẹ ọ re ọ tan iso yotọ, I keghi vbe gbe ẹyotọ agbọn I tama Jerusalẹm wẹẹ, ‘Emwa mwẹ wa khin I maa uwa emwi ọghomwẹ nẹ, obọ mwẹ ọ re i ya degue uwa.’ ”

Aizaia 65:17

E Nọyaẹnmwa khare wẹẹ, “Mẹ wa yi agbọn ọgbọn nian, kevbe avbe ẹrinmwi ọgbọn. A gha mianmian emwi ni sunu vbe ẹghẹ ne ọ gberra hia fẹfẹẹfẹ.

Jerimaia 10:12

Ẹtin ẹnrẹn ọ re Nọyaẹnmwa ya yii otọe ẹwaẹn ẹnrẹn ọ re ọ ya yii agbọn, ọ kevbe niẹn iso ne ọ vbẹ.

Jerimaia 32:17

“E Nọyaẹnmwa ne Udazi, wẹ ọ re ọ yii otọ kevbe iso vbekpa ẹtin kevbe iwegbe ruẹ nọkhua, emwiọkpa ne ọ wegbe gbe ne uwẹ, ẹ i rrọọ.

Jerimaia 51:15

E Nọyaẹnmwa ọ re ọ ya ẹtin ẹnrẹn yii otọe, ẹwaẹn ẹnrẹn ọ re ọ ya yii agbọn, ọ kevbe rhaan aro iso ne ọ vbẹ.

Zẹkaraia 12:1

Uhunmwu ne Nọyaẹnmwa gie rre vbe ekpa Izrẹl ọ re ọna khin, e Nọyaẹnmwa ne ọ tan iso vbe ukpọn, ne ọ yi agbọn, ọ na rhie arrọọ ne ọmwa. Rẹn wẹẹ,

Matiu 11:25

Vbe ẹghẹ ọkpa ni, Jesu keghi kha wẹẹ, “Evbavba Nọyaẹnmwa ẹrinmwi kevbe agbọn, I kpọnmwẹ ọn rhunmwuda, emwi ne uwẹ rhie lẹre ne iran ne umẹwaẹn kevbe ni rẹn emwi, u keghi rhie ẹre ma iran ni ma rẹn emwirhọkpa.

Iyẹn ne ọ Maan Ọghe Mak 13:19

Rhunmwuda ọlọghọmwa ọghe ẹdẹ ne ẹdọ keghi re egbe ne a ma he miẹn ke ne a bu agbọn tu agbọn gha dee do sẹ ẹdẹ ne ẹrẹna. A i ra vbe dọlegbe miẹn egbọre.

Iwinna 14:15

“Iho mwa, vbọzẹ ne uwa na ru emwi na yi? Emwa kẹkan vbe ne uwa ye ọre ima vbe khin. Iyẹn Ne ọ maa ọre ima rre do kpe orhu ẹre vbe edinran, ne a miẹn ehe na fi uwa ekhọe werriẹ hin emwi akuọkan na rre ghe Osanobua ne ọ rrọọ, ọmwa ne ọ yi ẹrinmwi kevbe agbọn kevbe okun kevbe emwi hia ni rre uwu iran.

Iwinna 17:24

Osanobua ne ọ yi agbọn kevbe emwi hia ni rre uwu ẹre, ọrọre Nọyan ẹrinmwi kevbe agbọn, ẹ i vbe di owa ne emwa ne agbọn bọe ya.

Iwinna 4:24

Iran ghi họn ẹmwẹ na, iran keghi ku urhu gbe ya na erhunmwu ghe Osanobua wẹẹ, “Ayi ne Ọ yi, nọ yan ẹrinmwi kevbe agbọn, okun kevbe emwi hia ni re uwu iran.

Ebe ne Pọl gbẹẹn gie emwa Rom 11:36

Rhunmwuda rẹn ọre ọ yi emwi hia, rhunmwuda ẹre ọre emwi hia na rrọọ, rẹn iran vbe rrọọ na: Uyi ọre ọghe Osanobua ẹdẹdẹmwẹdẹ. Isẹ!

I Kọrinti 8:6

Sokpan Osanobua ọkpa ma mwẹ, ọnii ọ re Evbavba ne ọ yi emwi hia, ọmwa ne ima rre agbọn na, Nọyaẹnmwa ọkpa kẹkan ọre ọ vbe rrọọ, ọnii ọrọre Jesu Kristi, ọmwa ne a la ekpa ẹre yi emwi hia, ọmwa ne ima la ekpa ẹre vbe rre agbọn.

Ẹfisọs 3:9

Kevbe ne I ma emwa hia vbene a ra ya mu ẹn sẹ hẹ ighẹ emwamwa ẹkhokho ne Osanobua mwamwa ẹn. Osanobua ne Ayi ne ọ yi emwi hia keghi rhie emwamwa ẹkhokho ọghọe na lẹre ke ne ẹkpo mwẹ arria gha dee.

Hibru 1:10

Ọ kevbe rhie te ẹe ba ẹre wẹẹ, “Wẹ Nọyaẹnmwa yi agbọn vbe omuhẹn, obọ ruẹ ọre u ya yi ẹrinmwi,

Hibru 1:2

Sokpan, vbe ẹdẹ okiekie na nian, Ovbi ẹre ọre ọ ghi gie do gun mwa guan. Rọẹn ni ọrọre ọmwa ne Osanobua la obọ ẹre yi agbọn vbe ẹrinmwi, ọmwa ne Osanobua zẹ wẹ, ọ gha do yan emwi hia vbe ufomwẹ a rre nẹ.

Hibru 11:3

Iyayi ọre ima ya rẹn wẹ, ẹmwẹ unu ọre Osanobua ya yi ẹrinmwi kevbe agbọn, ne a na miẹn wẹ uwu emwi ne a i bẹghe ọre a ke yi emwi ne a bẹghe ladian.

Hibru 3:4

A rẹnrẹn ighẹ, owa hia mwẹ ọmwa ne ọ bọ ẹe, Osanobua ọrọre ọmwa ne ọ bọ emwi hia.

II Pita 3:5

Iran keghi ba yangbe ẹmwata na wẹ, vbe ẹghẹ ne ọ kpẹe fua, Osanobua guan rẹn, a keghi yi ẹrinmwi kevbe agbọn. Uwu amẹ ọre a ke rhie agbọn na ladian, amẹ ọre avbe ya ruẹe.

I Jọn 1:1

Ẹmwẹ arrọọ ne ọ wa rrọọ ke omuhẹn gha dee, ọre ima gbẹn ebe ẹre gie uwa na. Ma họẹn nẹ, ma ye aro ima miẹn ọẹn, vbe ẹmwata, te ima miẹn ọẹn, ma na vbe ye obọ kan rẹn.

Arhie Maan 10:6

Ọ keghi ya eni Osanobua yan, ọmwa ne ọ rrọọ ẹdẹ kevbe ẹdẹdẹmwẹdẹ, ọmwa ne ọ yi ẹrinmwi kevbe emwi hia ni rre uwu ẹre, agbọn kevbe emwi hia ni rre uwu ẹre, okun kevbe emwi hia ni rre uwu ẹre. Odibosa nii keghi kha wẹẹ, “A i ghi si ẹe kpẹe vbe otọ ọvbehe.

Arhie Maan 14:7

Ọ keghi ya urhu ne ọ la kha wẹẹ, “Wa gha mu ohan Osanobua, wa vbe gha rho ukpọlọmwẹ ọnrẹn! Rhunmwuda ẹghẹ sẹ nẹ ne ọ ra na do bu ohiẹn emwa ne agbọn. Rhunmwuda ọnii, wa ghughẹ rre ne uwa ya uhunmwu rhanmwẹ otọ vbe odaro Osanobua, ọmwa ne ọ yi ẹrinmwi kevbe agbọn kevbe okun kevbe avbe uhunmwu ẹzẹ hia.”

Arhie Maan 21:6

Rẹn keghi kha wẹẹ, “A ru nẹ, Mẹ ọrọre Alfa kevbe Omega, omuhẹn kevbe ufomwẹ. Ọmwaikọmwa ne ohanmwẹ amẹ gbe I gha sa nẹẹn wọn ọghe ọhẹ vbe amẹ ne ọ ke uhunmwu ẹzẹ ẹfe ni rre.

Arhie Maan 22:13

Mẹ ọrọre Alfa Kevbe Omega, okaro kevbe okiekie, omuhẹn kevbe ufomwẹ.”

Arhie Maan 3:14

“Gbẹn ebe gie odibosa ne ọ rre Laodisia wẹ: “Uhunmwu ne ọ gie rre ọ na khin ighẹ Isẹ, osẹe ẹmwata, kevbe ọghe uhunmwu ẹmwẹ, ọmwa ne ọre ehe ne emwi hia ne Osanobua yi ke rre.

Arhie Maan 4:11

“Nọyaẹnmwa kevbe Osanobua mwa! Wẹ sẹe ne ọ gha miẹn uyi kevbe ọghọ, kevbe ẹtin. Rhunmwuda wẹ ọre ọ yi emwi hia. Zẹ vbene u ho, ọre u ya rhie arrọọ ne iran kevbe ẹfe.”