Ẹksọdọs 8:6 - Edo Bible (E Baibol Ẹdo) Version 1996

⁶ Ẹre Errọn na niẹn ọkpọ ẹre da ehe ne amẹ ghi ye hia, ẹkirẹ keghi vẹ rre, iran na gba otọe nii.

Ẹksọdọs 8:6 Iomraidhean Croise

II Samuẹl 7:22

A miẹn vbe u kpọlọ hẹ Nọyaẹnmwa ne Udazi! Ọvbehe ne ọ yevbe ruẹ, ẹ i rrọọ, ma wa rẹn ke otọ gha dee ighẹ wẹ ọkpa ọrọre Osanobua.

II Krọnikol 6:14

Ọ keghi na erhunmwu wẹẹ, “E Nọyaẹnmwa ne Osanobua Izrẹl, ẹbọ ne ọ ye vbe ruẹ ẹ i rrọ vbe ẹrinmwi ra vbe agbọn. U mu Ile ne u gu emwa ruẹn ta sẹ, u keghi ho ẹmwẹ iran vbe iran a ye ekhọe iran hia gha họn ẹmwẹ ne uẹn.

Psalm 105:30

A tue ẹkirẹ yan ẹvbo iran, ẹguae tobọ ẹre keghi vuọn ne iran.

Psalm 78:45

Ọ gie ikian bu iran gha khian, iran keghi ya yan iran, kevbe ẹkirẹ ne ọ mu otọe iran rhia.

Psalm 86:8

A i miẹn osa ne ọ yevbe uwẹ Nọyaẹnmwa, okpa ne ọ he ru emwi ne uwẹ ru i rrọ.

Psalm 90:2

Vbe uwẹ te do yi avbe oke ra u te do ru ẹe ne agbọn gha rrọ wẹ ọrọre Osanobua etẹbitẹghori wẹ ọ re ọ vbe ra gha re Osanobua ẹdẹdẹmwẹdẹ.

Ẹksọdọs 10:2

Ne uwa vbe miẹn ya kpa itan ma avbe ivbi uwa kevbe eyẹ uwa vbe ne I do ivbi Igipt ọzuọ hẹ vbe I winna iwinna ọyunnuan mwẹ ma iran. Wa hia fẹẹrẹ gha vbe rẹn wẹ mẹ ọrọre Nọyaẹnmwa.”

Ẹksọdọs 15:11

“E Nọyaẹnmwa, de ẹbọ ọkpa ne ọ yevbe uwẹ? De ọmwa ne ọ ye vbe uwẹ? Ne uhuanmwẹ ọnrẹn mu ohan? De ọmwa ne ọ yevbe uwẹ ne ọ winna iwinna ọyunnuan, kevbe ne iwinna nekhua ẹre gbe orrirri vberriọ?

Ẹksọdọs 7:19

E Nọyaẹnmwa keghi tama e Mosis wẹẹ, “Tama Errọn ne ọ rhie ọkpọ ruẹ ne ọ niẹn ẹnrẹn da ehe ne amẹ ghi ye vbe otọ Igipt hia, avbe ẹzẹ, ẹzẹ ne afian miẹn egbe, kevbe avbe ọghọdọ, avbe amẹ ni rrọọ gha khian esagiẹn. Amẹ gha khian esagiẹn gba otọ ni fo, esagiẹn gha rrọọ ya sẹ egbe avbe erhan kevbe amẹ ne ọ lẹ ke okuta lẹkua rre.”

Ẹksọdọs 9:14

Vbe ẹghẹ na nian, wẹ tobọ ruẹ ọre I gha rri ọre oya, deba ekhaẹmwẹ ruẹn, kevbe emwa ruẹn ne u miẹn ehe na rẹn wẹ ọmwa ne ọ yevbe mwẹ i rre agbọn na hiehiere.

Ẹksọdọs 9:29

E Mosis keghi tama rẹn wẹẹ, “I gha wa da lahin adesẹ ore ẹvbo rre, I gha niẹn obọ ghe ehe ne Nọyaẹnmwa ye. Avan ne ukhumwu gha da obọ yi ayan i ghi ra vbe gha rrọọ ọvbehe, ne uwa miẹn ehe na rẹn ighẹ Nọyaẹnmwa ọre ọ yan agbọn na.

Aizaia 43:10

“Wa ne ivbi Izrẹl, wa ọrọre osẹe mwẹ; mẹ ọ re ọ zẹẹ uwa, ne uwa gha re eguọmwadia mwẹ ne uwa miẹn ehe na rẹn mwẹ, ne uwa vbe ya mwẹ yi, ne iran vbe rẹn wẹ mẹ ọkpa ọrọre Osanobua. Emwi ne a gho ọvbehe i rrọ gberra mwẹ ẹ i ka rrọ de yi, ẹ i khian vbe gha rrọọ.

Levitikọs 11:12

wa ghẹ rrie emwi ni rre uwu amẹ, ne ẹ i mwẹ ifuẹn akhuẹ ra ikpakpa ne ọ bolo.

Diuteronomi 32:31

Eghian iran rẹnrẹn ighẹ ẹbọ iran i mwẹ ẹtin, iran i mwẹ ẹtin zẹ vbe Osanobua Izrẹl.

Diuteronomi 33:26

“Wa ne ivbi Izrẹl, ẹbọ ne ọ yevbe Osanobua uwa i rrọọ, ne ọ ye ose nọkhua hin fian iso rra, ọ na hin la okuku amẹ do ye uwa obọ.

Diuteronomi 4:35

E Nọyaẹnmwa rhie ọna ma uwa nẹ ne ọ ya rhie maa uwa wẹ rẹn ọkpa kẹkan ọrọre Osanobua, kevbe wẹ ọvbehe i rrọọ.

Arhie Maan 16:13

Iyeke ọnii, I keghi dẹghe avbe orhiọn ni ma huan eha ni ye vbe ẹkirẹ, iran kegha ke uwu unu Ugbogiorinmwi ni ladian, kevbe unu aranmwẹ oha nii kevbe unu akhasẹ ohoghe ni.