Ẹksọdọs 8:4 - Edo Bible (E Baibol Ẹdo) Version 1996

⁴ Iran ghi gha san yan ruẹn, ekhaẹmwẹ ruẹn kevbe emwa ruẹn hia.” ’ ”

Ẹksọdọs 8:4 Iomraidhean Croise

I Ọba 13:6

E Jeroboam ne ọba keghi tama akhasẹ nii wẹẹ, “Lahọ na erhunmwu ghe e Nọyaẹnmwa Osanobua ruẹ mẹ ne u tama rẹn ne ọ dọlọ obọ mwẹ yi.” Akhasẹ keghi na erhunmwu ghe e Nọyaẹnmwa, a keghi dolọ obọ ọba yi.

Psalm 107:40

ọ ghi mu ohu ghe iran ni zẹ iran kpokpo, ọ ghi ye iran gha kpolugho vbe ato ne odẹ i ye.

Ẹksọdọs 10:17

Banbanna nian, lahọ ya orukhọ mwẹ bọ mwẹ uhukpa na ne uwa na erhunmwu ghe Nọyaẹnmwa ne Osanobua uwa ne ọ mu irriaikhi ne ọ gbe ọmwa uhunmwu na hin mwẹ egbe rre.”

Ẹksọdọs 8:24

E Nọyaẹnmwa keghi ru emwi na, ikian keghi bi la ẹguae ọba Igipt kevbe owa ekhaẹmwẹ ọnrẹn kevbe otọe Igipt hia. Ikian keghi rhia ẹvbo nii uan.

Ẹksọdọs 8:3

Iran gha vuọn ẹzẹ Nail hia, iran ghi ke evba kpao gha die uwu ẹguae ruẹ, ughugha ruẹ, ukpo ne u vbiẹ, ughugha avbe ekhaẹmwẹ ruẹn kevbe emwa ruẹn, kevbe uwu aroewu kevbe uwu ọkpan ebrẹd ruẹ.

Ẹksọdọs 8:5

E Nọyaẹnmwa keghi tama e Mosis ne ọ kha ma Errọn wẹẹ, “Niẹn ọkpọ ruẹ da avbe ẹzẹ, ẹzẹ ne a fian miẹn egbe kevbe ọghọdọ, ne u gie ẹkirẹ vẹ la otọ Igipt.”

Ẹksọdọs 9:28

Na erhunmwu ghe Nọyaẹnmwa! Egbe avan ne ukhumwu kevbe ayan na wọ mwa. I yan ighẹ 1 gha gie uwa gha khian, wa i ghi khian mudia kpẹe sẹ ona.”

Aizaia 19:11

Akpa ọ re iran khin ighe avbe ọkaolotu ẹvbo e Zoan. Ude ọzuọ ọ re emwa ni ghi wan sẹ vbe Igipt bu ọmwa re! Vbe ohan na gie iran tama ọba hẹ yi wẹ iran ọrọre emwa ni mudia ye ihe avbe umẹwaẹn kevbe avbe ọba nẹdẹ.

Aizaia 19:22

E Nọyaẹnmwa gha rri ivbi Igipt oya, sokpan, ọ gha vbe mu iran egbe rran. Iran gha fiwerriẹ bu irẹn rre, rẹn ghi vbe mu iran egbe rran.

Aizaia 23:9

E Nọyaẹnmwa ne Oghodua ọ re ọ mwamwa ẹn. Te ọ mwamwa ẹn ne ọ miẹn ehe na dobọ uhiomwẹ ne iran hio ye emwi ne iran he ye obọ ru yi, kevbe ne ọ silo emwa iran ne a yọghọ na kẹ otọ.

Daniẹl 4:37

“Banbanna nian, mẹ ne Nebukiadneza rho ẹre, I ya ọghọ ne ẹẹn, I keghi vbe rhie uyi ne ẹẹn ighe Ọba Ẹrinmwi. Emwi hia ne ọ gbae kevbe ne ọ hẹnhẹn, ọghọe ọ re nọ. Ọ vbe sẹtin vbokho ọmwaikọmwa ne ọ tengbemu uhunmwu rriotọ.”

Nọmbas 21:7

Emwa ni keghi bu e Mosis gha dee, iran tama rẹn wẹẹ, “Ma ru orukhọ ne ima na gha filo unu gie Nọyaẹnmwa kevbe uwẹ. Banbanna nian, na erhunmwu ghe Nọyaẹnmwa ne ọ viọ avbe ẹyẹn kpao.” Ẹre Mosis na na erhunmwu ne emwa nii.