Ẹksọdọs 8:1 - Edo Bible (E Baibol Ẹdo) Version 1996

¹ Ẹre Nọyaẹnmwa na tama e Mosis wẹẹ, “Bu ọba gha khian ne u ya kha ma rẹn wẹẹ, ‘Vbe nian ọre Nọyaẹnmwa khare, “Gie emwa mwẹ gha khian ne iran ya ga mwẹ.

Ẹksọdọs 8:1 Iomraidhean Croise

Psalm 105:30

A tue ẹkirẹ yan ẹvbo iran, ẹguae tobọ ẹre keghi vuọn ne iran.

Ẹksọdọs 3:12

Osanobua keghi wanniẹn wẹẹ, “I gha yaba ruẹ, ọ na u gha ya rẹn wẹ mẹ ọre ọ giọ. U gha ghi viọ emwa nii ke Igipt ladian nẹ, u gha do ga mwẹ vbe uhunmwu oke na.”

Ẹksọdọs 3:18

Iran gha rhie ehọ nuẹn ta yi, u ghi bu ọba Igipt ke uwẹ kevbe avbe ọkaolotu ivbi Izrẹl, u ghi tama rẹn wẹẹ, ‘E Nọyaẹnmwa, Osanobua avbe emwa Hibru miẹn ima aro. Lahọ gie ima khian okhian ikpẹdẹ eha ghe uwu ato ne ima ya zọ ese ne Nọyaẹnmwa, Osanobua mwa.’

Ẹksọdọs 4:23

I tama ruẹn ne u gie ovbi mwẹ gha khian ne ọ ya ga mwẹ sokpan u keghi he. Wanwanna nian, mẹ gha gbe ovbi uẹ ne okpia ne ọdiọn.’ ”

Ẹksọdọs 5:1

E Mosis kevbe Errọn keghi bu ọba ọghe Igipt, iran tama rẹn wẹẹ, “E Nọyaẹnmwa khare wẹẹ, ‘Gie emwa mwẹ kpao ne iran ya ru eghọ ugamwẹ mẹ vbe uwu ato.’ ”

Ẹksọdọs 5:3

E Mosis kevbe Errọn keghi wanniẹn wẹẹ, “Osanobua avbe emwa Hibru do miẹn ima. Lahọ gie ima khian okhian ikpẹdẹ eha gha rrie uwu ato ne ima ya zọ ese ghe Nọyaẹnmwa Osanobua ima. A deghẹ ma ma yo, ọ gha ya okuo ra okpe emianmwẹ gbele ima hia a.”

Ẹksọdọs 7:16

U ghi tama ọba wẹẹ, ‘E Nọyaẹnmwa ne Osanobua ọghe avbe emwa Hibru ọre ọ gie mwẹ ne I do tama ruẹn wẹẹ, gie emwa mwẹ kpao ne iran ya ga mwẹ vbe ato, sokpan do sẹ ewanwanna, u ma zẹ yọ.’

Ẹksọdọs 7:25

Ikpẹdẹ ihinrọn ọre ọ yae vbe Nọyaẹnmwa ghi fi ẹzẹ emwi nẹ.

Ẹksọdọs 8:2

Danmwehọ, a deghẹ u ma kue ne iran gha khian, I gha ya ẹkirẹ ru emwa ẹvbo ruẹ hia emwi.

Ẹksọdọs 8:20

E Nọyaẹnmwa keghi tama e Mosis wẹẹ, “Vbe owiẹ vbirrivbirri akhuẹ, u ghi ya vba ọba vbe ọ gha rrie ẹzẹ, ne u khama rẹn wẹẹ, ‘Ẹmwẹ ne Nọyaẹnmwa ta ẹe ọrọre wẹẹ, “Gie emwa mwẹ gha khian ne iran ya ga mwẹ.

Ẹksọdọs 9:1

E Nọyaẹnmwa keghi khama e Mosis wẹẹ, “Bu ọba Igipt ne u ya tama rẹn wẹẹ, ‘Vbenian ọre Nọyaẹnmwa ne Osanobua avbe Hibru khare, “Gie emwa mwẹ gha khian ya ga mwẹ.

Jọsua 8:18

Ẹre Nọyaẹnmwa na tama Jọsua wẹẹ, “Niẹn asoro ruẹ da Eai, I ra muẹn nuẹn.” E Jọsua keghi ru vbene a tama rẹn.