Ẹksọdọs 7:9 - Edo Bible (E Baibol Ẹdo) Version 1996

⁹ “A deghẹ ọba wẹ ne uwa ya iwinna ọyunnuan rhie ma ighẹ wa nọ, u ghi tama Errọn wẹ ne ọ rhie ọkpọ ne u ya tua otọ ne u fi ẹe fi otọ vbe odaro ọba ne u ya ẹe khian ẹyẹn.”

Ẹksọdọs 7:9 Iomraidhean Croise

Ẹksọdọs 10:13

Ẹre Mosis na niẹn ọkpọ ẹre, e Nọyaẹnmwa na gie ẹhoho hoho la otọe nii hia la ẹghẹ avan kevbe ẹghẹ asọn hia ke odẹ ọlarre ovẹn gha dee. Ẹdẹ ghi gbe, ọ viọ avbe irhiso nii hia rre nẹ.

Ẹksọdọs 4:17

Rhie ọkpọ ne a ya tua otọ khian nii mwẹ obọ, ọnii ọre u ra ya gha winna iwinna ọyunnuan.”

Ẹksọdọs 4:2

E Nọyaẹnmwa keghi nọ rẹn wẹẹ, “De emwi ne u da yi nii yi?” Ọ wanniẹn, “Ọkpọ ne a ya tua otọ khian.”

Ẹksọdọs 4:20

E Mosis keghi viọ amwẹ ọnrẹn kevbe avbe ivbi ẹre nikpia, ọ ke viọ iran yan ekẹtẹkẹtẹ, ọ na dọlegbe gha rrie Igipt. Ọ keghi vbe rhie ọkpọ nii ne Osanobua rhie nẹẹn.

Ẹksọdọs 4:3

E Nọyaẹnmwa keghi kha wẹẹ, “Rhie ẹre fi otọ.” E Mosis ghi rhie ẹre fi otọ, ọ keghi khian ẹyẹn, rẹn na lẹ nẹẹn.

Ẹksọdọs 7:8

E Nọyaẹnmwa keghi khama e Mosis kevbe Errọn wẹẹ,

Ẹksọdọs 9:23

Ẹre Mosis na niẹn ọkpọ ẹre da iso. E Nọyaẹnmwa na rhọ avan ne ukhunmwu kevbe ayan ku otọe. E Nọyaẹnmwa na rhọ avan ne ukhunmwu yan Igipt.

Aizaia 7:11

“Nọ e Nọyaẹnmwa ne Osanobua ruẹ wẹ ne ọ rhie ama nuẹn. Ọ sẹtin gha re ke ehe ne dinmwidinmwi ne avbe orinmwi ye gha dee, ra ke odukhunmwu reghe gha dee.”

Ezikiẹl 29:3

Tama rẹn wẹ ẹmwẹ ne Nọyaẹnmwa ne Udazi tama ọba Igipt ọ re ọna khin wẹẹ: Oghian rẹn ọ re I khin, wẹ ne Ugbogiorinmwi agbaka ne ọ rre uwu ẹzẹ. U khare wẹ ọwuẹ ọ re Naẹl khin ighe wẹ ọ re ọ yii ẹe.

Matiu 12:39

Jesu wanniẹn wẹẹ, “Emwa dan ni ma rẹn Osanobua ọre orre na wa khin! Ẹ i re iwinna ọyunnuan wa nọ rẹn? Iwinna ọyunnuan ne a gha rhie ma uwa i ghi vbe rrọọ gberra ọghe Jona ne akhasẹ.

Iyẹn ne ọ Maan Ọghe Jọn 10:38

Sokpan deghẹ iwinna nii ọre I winna, deghẹ wa ma rhe ya mwẹ yi, wa ye avbe iwinna ni yi, ne uwa miẹn ehe na rẹn vbe ne a i ghi na gbe agbanmwẹ wẹ Evbavba rre uwu imẹ, mẹ vbe rre uwu Evbavba.”

Iyẹn ne ọ Maan Ọghe Jọn 2:18

Avbe Ju keghi bu ẹre gha dee, iran nọ rẹn wẹẹ, “De iwinna ọyunnuan ne u gha sẹtin winna ya rhie ma ima ighe u mwẹ asẹ ne a ya ru emwi na?”

Iyẹn ne ọ Maan Ọghe Jọn 6:30

Iran wanniẹn wẹẹ, “De iwinna ọyunnuan ne uwẹ gha winna ne ima miẹn, ne ima miẹn ehe na ya uwẹ yi? De emwi ne u gha ru?