Ẹksọdọs 7:5 - Edo Bible (E Baibol Ẹdo) Version 1996

⁵ Ivbi Igipt gha rẹn wẹ mẹ ọrọre Nọyaẹnmwa vbe ẹghẹ ne I gha na kpa obọ mwẹ fi iran emwi, I ghi vbe viọ ivbi Izrẹl hin otọ iran rre.”

Ẹksọdọs 7:5 Iomraidhean Croise

Psalm 138:7

Ibaro gha gba ogba ga mwẹ, wẹ ghi ye rhie mwẹ mwẹ vbe ai mwẹ ẹbe. U gu avbe eghian mwẹ ne ohu mu gbinna, u keghi ya ẹtin ruẹn miẹn mwẹ fan.

Psalm 9:16

E Nọyaẹnmwa ye egbe ne a miẹn, vbekpa ohiẹn ẹmwata ne ọ bu. Iwinna dan ọghe emwa dan, khuẹn ifi mu iran.

Ẹksọdọs 10:2

Ne uwa vbe miẹn ya kpa itan ma avbe ivbi uwa kevbe eyẹ uwa vbe ne I do ivbi Igipt ọzuọ hẹ vbe I winna iwinna ọyunnuan mwẹ ma iran. Wa hia fẹẹrẹ gha vbe rẹn wẹ mẹ ọrọre Nọyaẹnmwa.”

Ẹksọdọs 10:7

Ekhaẹmwẹ ọba Igipt keghi tama rẹn wẹẹ, “Inu ẹghẹ oko na ra kpokpo ima la vbe otọe yi? Gie ivbi Izrẹl nikpia kpao ne iran ya ga e Nọyaẹnmwa ne Osanobua iran. Wẹ ma he ye rẹn nian ighẹ Igipt khian ne ọ rẹnkhẹn uan?”

Ẹksọdọs 14:18

I gha khọnmiotọ nẹ, ivbi Igipt gha na rẹn wẹẹ mẹ ọrọre Nọyaẹnmwa.”

Ẹksọdọs 14:4

Mẹ gha gie ọba Igipt yin ehọ, ọ ghi zẹ iran khu, vbe ne obọ mwẹ nọ gha ke ukhunmwu ne ọba Igipt kevbe ivbi iyokuo ẹre, gha na rhie uyi gunmwe. Ivbi Igipt gha rẹn wẹ mẹ ọrọre Nọyaẹnmwa.” Ivbi Izrẹl keghi ru vbene a khama iran.

Ẹksọdọs 18:8

E Mosis keghi na iyẹn emwi ne Nọyaẹnmwa rhunmwuda ivbi Izrẹl ru ọba Igipt kevbe ivbi Igipt re ma e Jẹtro. Ọ na iyẹn ọlọghọmwa ne iran he miẹn vbe odẹ kevbe vbene Nọyaẹnmwa miẹn iran fan hẹẹ.

Ẹksọdọs 3:20

Sokpan I gha lo ẹtin mwẹ. I ghi ya emwi ọyunnuan ne I gha ru vba rri ivbi Igipt oya, iyeke ọnii, ọ ghi gie uwa gha khian.

Ẹksọdọs 6:1

Ẹre Nọyaẹnmwa na tama e Mosis wẹẹ, “U gha miẹn emwi ne I gha ru ọba re ban. I gha ya obọ ne ọ tọn muẹn ne ọ miẹn ehe na gie iran gha khian. Vbe ẹmwata I gha ru ẹe ne ọ ya obọ ẹre khulo uwa ladian hin ẹvbo ẹre rre.”

Ẹksọdọs 6:6

Rhunmwuda ọnii, wẹ ghi ya tama ivbi Izrẹl wẹẹ, ‘Mẹ ọrọre Nọyaẹnmwa, I gha fannọ uwa ye otọ vbe obọ iwinna ekuẹnkuẹn ne ivbi Igipt ya ẹtin munọ uwa ya winna. I gha miẹn uwa fan hin uwu eviẹn ne uwa ye ne iran. I gha fannọ uwa ye otọ vbe ekpa ne I gha na tọn obọ mwẹ ne wegbe mu ne I ya rri iran oya nọ mu ohan.

Ẹksọdọs 7:17

Enian ọre Nọyaẹnmwa khare nian, ‘Emwi ne I ra ru na gha rhie ma ruẹn wẹ mẹ ọrọre Nọyaẹnmwa. Ghe ẹre, I ra ya ọkpọ na fi ẹzẹ emwi, ọ ghi khian esagiẹn.

Ẹksọdọs 8:10

Ọba keghi tama rẹn wẹẹ, “Na erhunmwu mẹ akhuẹ.” E Mosis na kha wẹẹ, “Ọ gha wa sẹ, vbene u khare ne u miẹn ehe na rẹn wẹ ẹbọ ọkpa irrọ ne ọ ye vbe Nọyaẹnmwa ne Osanobua mwa.

Ẹksọdọs 8:19

Avbe ọbo edunna keghi tama ọba wẹẹ, “Osanobua ọre ọ ru emwi na!” Sokpan ọba keghi yin ehọ, ọ ma zẹ ye Mosis kevbe Errọn re zẹ vbene Nọyaẹnmwa kha re.

Ẹksọdọs 8:22

Vbe ẹdẹ ne ẹdẹrriọ, mẹ gha sẹ otọe Gosiẹn rae, ehe ne avbe emwa mwẹ ye, a ghi miẹn wẹ ikian i rre odọ, ne u miẹn ehe na rẹn wẹ mẹ ne Nọyaẹnmwa ọre ọ winna vbe ẹvbo na.

Ezikiẹl 25:17

I gha rria iran ikhi. Iran gha họn ẹmwẹ ohu mwẹ vbe egbe. Ẹghẹ nii, iran gha rẹn ighẹ mẹ ọrọre Nọyaẹnmwa.”

Ezikiẹl 28:22

Tama iran ni rre evba ẹmwẹ ne imẹ ne Nọyaẹnmwa ne Oghodua tae vbe ekpa iran. Oghian uwa ọ re I khin Saidọn, emwa gha rho mwẹ ye emwi ne I ru uwa re. Iran gha rẹn wẹ mẹ ọrọre Nọyaẹnmwa vbe I a ghi rri emwa ni rre uwu uwẹ oya nẹ ne I ya rhiema vbene I huan hẹ.

Ezikiẹl 32:15

I gha ya Igipt khian otọe ne ọ gbe ẹvbi nẹ, I na vbe fuẹn avbe emwa ni rre evba hia, iran gha rẹn ighe mẹ ọrọre Nọyaẹnmwa.

Ezikiẹl 36:23

I gha rhie igiemwi uhuanmwẹ eni mwẹ nọkhua ma avbe uhunmwu ẹvbo nẹ, eni ne uwa faraa vbe ehe ne iran ye, ẹghẹ nii, iran gha rẹn ighe mẹ ọrọre Nọyaẹnmwa. Mẹ ne Nọyaẹnmwa ne Udazi ọ re ọ tae. I gha ya uwu rhie igiemwi ma avbe uhunmwu ẹvbo wẹ ọmwa nọhuanrẹn ọ re imẹ khin.

Ezikiẹl 39:22

Ivbi Izrẹl gha vbe rẹn ke ẹghẹ nii kpao ighe mẹ ọrọre Nọyaẹnmwa ne Osanobua iran.

Ezikiẹl 39:7

I gha wa ru ẹe ne Izrẹl ne emwa mwẹ rẹn eni mwẹ nọhuanrẹn. Mẹ i ghi ra ye kue ne a yagha eni mwẹ nọhuanrẹn ọvbehe. Ẹghẹ nii, avbe uhunmwu ẹvbo hia gha rẹn wẹ mẹ ne Nọyaẹnmwa ọrọre Osanobua nọhuanrẹn ọghe Izrẹl.”