Ẹksọdọs 7:4 - Edo Bible (E Baibol Ẹdo) Version 1996

⁴ Ọba Igipt i ra rhie ehọ ne uwa ta yi, ẹghẹ nii 1 gha fi otọ nii emwi, I ghi rri ivbi Igipt oya ẹsẹse, mẹ ghi viọ ivbiyokuo mwẹ, ivbi Izrẹl ne emwa mwẹ ladian hin otọe Igipt rre.

Ẹksọdọs 7:4 Iomraidhean Croise

Ẹksọdọs 10:1

E Nọyaẹnmwa keghi tama e Mosis wẹẹ, “Bu ọba gha khian. I gie irẹn kevbe ekhaẹmwẹ ọnrẹn yin ehọ nẹ ne I miẹn ehe na winna avbe iwinna ọyunnuan ma iran.

Ẹksọdọs 11:9

E Nọyaẹnmwa keghi kha ma e wẹẹ, “Ọba i ra danmwẹ ehọ ruẹ, ne I miẹn ehe na ye winna iwinna ọyunnuan mwẹ vbe otọe Igipt.”

Ẹksọdọs 12:51

Vbe ẹdẹ ne ẹdẹrriọ zẹ e Nọyaẹnmwa keghi viọ ẹwae ivbi Izrẹl ladian vbe otọe Igipt rre.

Ẹksọdọs 13:3

E Mosis keghi khama emwa nii wẹẹ, “Wa ghi ya ẹdẹnẹrẹ na ne uwa kpao vbe otọ Igipt ẹro, ehe ne uwa na gha re eviẹn, rhunmwuda ẹrẹna ọrọre ẹdẹ ne Nọyaẹnmwa ya ẹtin nọkhua ẹre viọ uwa ladian. Wa gha rri ebrẹd ne ọ ma hue.

Ẹksọdọs 13:9

Iruemwi na ghi yevbe ama ne u vin ye obọ ra emwi ayere vbe uharo ruẹ ne ọ gha ye ruẹ rre ne u miẹn ehe na gha ta ẹmwẹ uhi e Nọyaẹnmwa rhunmwuda ẹtin nọkhua ọre Nọyaẹnmwa ya rhie ruẹ hin otọ Igipt rre.

Ẹksọdọs 18:8

E Mosis keghi na iyẹn emwi ne Nọyaẹnmwa rhunmwuda ivbi Izrẹl ru ọba Igipt kevbe ivbi Igipt re ma e Jẹtro. Ọ na iyẹn ọlọghọmwa ne iran he miẹn vbe odẹ kevbe vbene Nọyaẹnmwa miẹn iran fan hẹẹ.

Ẹksọdọs 3:19

Sokpan I rẹnrẹn ighẹ ọba Igipt i ra gie uwa gha khian vbe ẹ i re te a ya obọ ne ọ tọn muẹn.

Ẹksọdọs 3:20

Sokpan I gha lo ẹtin mwẹ. I ghi ya emwi ọyunnuan ne I gha ru vba rri ivbi Igipt oya, iyeke ọnii, ọ ghi gie uwa gha khian.

Ẹksọdọs 6:1

Ẹre Nọyaẹnmwa na tama e Mosis wẹẹ, “U gha miẹn emwi ne I gha ru ọba re ban. I gha ya obọ ne ọ tọn muẹn ne ọ miẹn ehe na gie iran gha khian. Vbe ẹmwata I gha ru ẹe ne ọ ya obọ ẹre khulo uwa ladian hin ẹvbo ẹre rre.”

Ẹksọdọs 6:26

Nene Errọn kevbe Mosis na ọre Nọyaẹnmwa tama wẹẹ, “Viọ avbe ivbi Izrẹl ke Igipt ladian.”

Ẹksọdọs 6:6

Rhunmwuda ọnii, wẹ ghi ya tama ivbi Izrẹl wẹẹ, ‘Mẹ ọrọre Nọyaẹnmwa, I gha fannọ uwa ye otọ vbe obọ iwinna ekuẹnkuẹn ne ivbi Igipt ya ẹtin munọ uwa ya winna. I gha miẹn uwa fan hin uwu eviẹn ne uwa ye ne iran. I gha fannọ uwa ye otọ vbe ekpa ne I gha na tọn obọ mwẹ ne wegbe mu ne I ya rri iran oya nọ mu ohan.

Ẹksọdọs 7:13

Ọba keghi yin ehọ, ọ ma zẹ ye Mosis kevbe Errọn re zẹ vbene Nọyaẹnmwa khare.

Ẹksọdọs 7:16

U ghi tama ọba wẹẹ, ‘E Nọyaẹnmwa ne Osanobua ọghe avbe emwa Hibru ọre ọ gie mwẹ ne I do tama ruẹn wẹẹ, gie emwa mwẹ kpao ne iran ya ga mwẹ vbe ato, sokpan do sẹ ewanwanna, u ma zẹ yọ.’

Ẹksọdọs 8:15

Ọba ghi miẹn wẹ emwi hia vbe maa nẹ, ọ na dọlegbe yin ehọ, ọ ma ghi vbe zẹ ye Mosis kevbe Errọn re zẹ vbene Nọyaẹnmwa kha re.

Ẹksọdọs 8:19

Avbe ọbo edunna keghi tama ọba wẹẹ, “Osanobua ọre ọ ru emwi na!” Sokpan ọba keghi yin ehọ, ọ ma zẹ ye Mosis kevbe Errọn re zẹ vbene Nọyaẹnmwa kha re.

Ẹksọdọs 9:12

Sokpan, e Nọyaẹnmwa keghi ya ọba ze vbe udu, ọ ma zẹ ye Mosis kevbe Errọn re zẹ vbene Nọyaẹnmwa khare zẹẹ.

Ẹksọdọs 9:3

I gha ya emianmwẹ dan ne I gha mu ku avbe emwirri ruẹ rri uwa oya; avbe ẹsin ruẹn, avbe ekẹtẹkẹtẹ ruẹ, ogologo, ẹmila, ohuan kevbe avbe ewe.

Itan 19:29

Ọzuọ ne ọ ye obọ rra ẹwẹe, ẹ i mwẹ obọ ma rhanmwẹ ọẹn.

Aizaia 26:9

Vbe asọn, I ya ekhọe gualọ uwẹ khian; wẹ gha bu ohiẹn agbọn kevbe emwa ni rrọọ iran gha rẹn emwi ne a ya ohiẹn ẹmwata kha.

Eve Orriara 3:3

Ọ keghi kinmwi mwẹ yan egbe yan egbe vbene a i na mwẹ itohan.

Ezikiẹl 14:21

Vbenian ọ re Nọyaẹnmwa ne Udazi khare: “I gha gie emwi ne I ya rri emwa oya enẹ ni khọ sẹ gha rrie Jerusalẹm, ena ọrọre okuo, ukhunmwu, aranmwẹ akọn, kevbe emianmwẹ, ne I ya fuẹn emwa nagbọn kevbe avbe aranmwẹ ba ẹre.

Ezikiẹl 25:11

U gha rri e Moab oya, ẹghẹ nii iran gha rẹn ighẹ mẹ ọrọre Nọyaẹnmwa.”

Ezikiẹl 30:14

I gha ya odẹ ekẹn Igipt khian ne ọ dihoi rua, I ghi mu erhẹn ye Zoan ne ẹvbo nii ne odẹ okuọ. I gha vbe rri e Tẹbes ne igiogbe oya.

Ezikiẹl 30:19

I gha rri Igipt oya nẹ vbenian, iran gha rẹn ighe mẹ ọrọre Nọyaẹnmwa.”

Arhie Maan 15:4

Nọyaẹnmwa, de ọmwa ne ẹ i ra mu ohan ruẹn? De ọmwa ne ẹ i ra kha ighẹ ne ọ kpọlọ wẹ khin? Rhunmwuda, wẹ ọkpa kẹkan ọre ọ huanrẹn. Agbọn ẹvbo hia gha rre, iran ghi do ya uhunmwu rhanmwẹ otọ vbe odaro ruẹ. Rhunmwuda, iran hia miẹn uyinmwẹ ẹmwata ruẹ.”

Arhie Maan 16:7

Mẹ keghi họn vbe urhu ọkpa guan ke uwu Ogiukpo rre wẹẹ, “Nọyaẹnmwa Osanobua ne Oghodua, Ẹmwata ne uhunmwu ẹmwẹ ọre avbe ibuohiẹn ruẹn wa khin.”

Arhie Maan 19:2

Ẹmwata ne uhunmwu ẹmwẹ ọre ibuohiẹn ọnrẹn khin. Rhunmwuda rẹn bu abe gbe ẹe nẹ ighẹ ebabotu nọkhua nii ne ọ ya alama oghẹ ọre mu agbọn rhia. Osanobua rria ẹre ikhi, rhunmwuda ne ọ na gbele avbe eguọmwadia ẹre.”

Giọgis 2:15

Ẹghẹ hia ne iran ya yo okuo, e Nọyaẹnmwa ghi mu aro ne ọ khọ da iran zẹ vbe ne ọ tama iran zẹ wẹ rẹn gha ru. Iran keghi do gha rre uwu ọlọghọmwa nọkhua.