Ẹksọdọs 7:16 - Edo Bible (E Baibol Ẹdo) Version 1996

¹⁶ U ghi tama ọba wẹẹ, ‘E Nọyaẹnmwa ne Osanobua ọghe avbe emwa Hibru ọre ọ gie mwẹ ne I do tama ruẹn wẹẹ, gie emwa mwẹ kpao ne iran ya ga mwẹ vbe ato, sokpan do sẹ ewanwanna, u ma zẹ yọ.’

Ẹksọdọs 7:16 Iomraidhean Croise

Ẹksọdọs 10:3

Ẹre Mosis kevbe Errọn na bu ọba, iran ke tama rẹn wẹẹ, “Vbe nian ọre Nọyaẹnmwa ne Osanobua ivbi e Hibru khare, ‘De ẹghẹ ne uwa gha fieghe uhunmwu ye ẹmwẹ ne I khama uwa la? Gie emwa mwẹ kpao ne iran ya ga mwẹ.

Ẹksọdọs 13:15

Ugbẹn vbe ọba Igipt ghi yin ehọ, vbene ọ ma na gie ima kpao, ọre Nọyaẹnmwa na gbele emọ ọdiọn nii re ikpia nii rre otọ Igipt hia, ọghe emwa nagbọn kevbe ọghe emwirri. Ọ nii ọ si ẹe ne ima na ya emọdiọn nii re ọwọe zọ ese ghe Nọyaẹnmwa sokpan a ghi dẹlẹ ivbi mwa nikpia ne ọdiọn werriegbe.

Ẹksọdọs 14:5

Ugbẹn vbe a ghi khama ọba Igipt wẹ emwa nii lẹ kua, ke irẹn kevbe avbe ekhaẹmwẹ ọnrẹn keghi fi ekhọe werriẹ vbe ekpa iran, iran keghi kha wẹẹ, “Vbe ọna khun emwi ne ima ru na yi? Ma gie ivbi Izrẹl lẹ kua hin ehe ọviẹn ne iran ye ne ima rre!”

Ẹksọdọs 3:12

Osanobua keghi wanniẹn wẹẹ, “I gha yaba ruẹ, ọ na u gha ya rẹn wẹ mẹ ọre ọ giọ. U gha ghi viọ emwa nii ke Igipt ladian nẹ, u gha do ga mwẹ vbe uhunmwu oke na.”

Ẹksọdọs 3:13

Sokpan e Mosis keghi tama Osanobua wẹẹ, “Vbe ne ọ ye na nian, I ghẹ ghi bu ivbi Izrẹl gha khian, I na ya tama iran wẹẹ, ‘Osanobua avbe erha uwa odede ọre ọ gie mwẹ bu uwa gha dee,’ iran gha nọ mwẹ wẹẹ, ‘Vbe a tie eni ẹnrẹn?’ Vbe I a ghi ra tama iran hẹẹ?”

Ẹksọdọs 3:18

Iran gha rhie ehọ nuẹn ta yi, u ghi bu ọba Igipt ke uwẹ kevbe avbe ọkaolotu ivbi Izrẹl, u ghi tama rẹn wẹẹ, ‘E Nọyaẹnmwa, Osanobua avbe emwa Hibru miẹn ima aro. Lahọ gie ima khian okhian ikpẹdẹ eha ghe uwu ato ne ima ya zọ ese ne Nọyaẹnmwa, Osanobua mwa.’

Ẹksọdọs 4:22

Ẹghẹ nii, u ghi tama rẹn wẹẹ, vbenian ọre Nọyaẹnmwa khare ‘Izrẹl ọrọre ovbi mwẹ ne ọdiọn.

Ẹksọdọs 4:23

I tama ruẹn ne u gie ovbi mwẹ gha khian ne ọ ya ga mwẹ sokpan u keghi he. Wanwanna nian, mẹ gha gbe ovbi uẹ ne okpia ne ọdiọn.’ ”

Ẹksọdọs 7:4

Ọba Igipt i ra rhie ehọ ne uwa ta yi, ẹghẹ nii 1 gha fi otọ nii emwi, I ghi rri ivbi Igipt oya ẹsẹse, mẹ ghi viọ ivbiyokuo mwẹ, ivbi Izrẹl ne emwa mwẹ ladian hin otọe Igipt rre.

Ẹksọdọs 8:1

Ẹre Nọyaẹnmwa na tama e Mosis wẹẹ, “Bu ọba gha khian ne u ya kha ma rẹn wẹẹ, ‘Vbe nian ọre Nọyaẹnmwa khare, “Gie emwa mwẹ gha khian ne iran ya ga mwẹ.

Ẹksọdọs 8:20

E Nọyaẹnmwa keghi tama e Mosis wẹẹ, “Vbe owiẹ vbirrivbirri akhuẹ, u ghi ya vba ọba vbe ọ gha rrie ẹzẹ, ne u khama rẹn wẹẹ, ‘Ẹmwẹ ne Nọyaẹnmwa ta ẹe ọrọre wẹẹ, “Gie emwa mwẹ gha khian ne iran ya ga mwẹ.

Ẹksọdọs 9:1

E Nọyaẹnmwa keghi khama e Mosis wẹẹ, “Bu ọba Igipt ne u ya tama rẹn wẹẹ, ‘Vbenian ọre Nọyaẹnmwa ne Osanobua avbe Hibru khare, “Gie emwa mwẹ gha khian ya ga mwẹ.

Ẹksọdọs 9:13

E Nọyaẹnmwa keghi tama e Mosis wẹẹ, “Vbe owiẹ fioo akhuẹ u ghi bu ọba Igipt ne u ya tama rẹn wẹẹ, ‘Vbenian ọre Nọyaẹnmwa ne Osanobua avbe Hibru khare, gie ivbi Izrẹl gha khian ne iran ya ga mwẹ.

Aizaia 45:13

Mẹ ọ re ọ tobọmwẹ kpikpi e Sairọs ne ọ ru emwi ne ọ ru vbene I mwamwaẹn, ne ọ dọlọ emwi hia yi, I gha dia odẹ ne ọ ra la hia, ọ gha dọlọ Jerusalẹm ne okpẹvbo mwẹ bọ ọ ghi fannọ emwa mwẹ ne a viọ ẹre oghunmwu kua. Ọmwa ne ọ vbu ẹe ya winna iwinna na i rrọ, ra ne ọ rhie igho odieke ne ẹẹn. E Nọyaẹnmwa ne Oghodua guan nẹ.”

Jerimaia 50:33

E Nọyaẹnmwa ne Oghodua khare wẹẹ, “A wọ ivbi Izrẹl kevbe Juda uhunmwu. Iran ni munọ iran oghunmwu gha baba iran, iran i ra gie iran kpao gha rrie.