Ẹksọdọs 6:3 - Edo Bible (E Baibol Ẹdo) Version 1996

³ I rhie egbe ma Ebraham, Aizik kevbe Jekọb zẹ vbe Osanobua Ne Oghodua. Sokpan, I ma ya eni mwẹ ne ọ huanrẹn ighẹ Nọyaẹnmwa rhie egbe ma iran.

Ẹksọdọs 6:3 Iomraidhean Croise

Gẹnẹsis 13:18

Rhunmwuda ọnii, Ebram na si agọ ẹre, ọ keghi ya bu ẹre ye ọkpẹn erhan iruẹmwi ọghe Mamrẹ vbe Hibrọn, ọ ke gba aka ne Nọyaẹnmwa vbe evba.

Gẹnẹsis 17:1

Ugbẹn vbe Ebram ghi rre ukpo ọkpairrọvbiyisẹn, e Nọyaẹnmwa keghi rhie egbe ma rẹn, Ọ wẹẹ, “Mẹ ọrọre Osanobua Noghodua. U ghi gha họn ẹmwẹ mwẹ vbe ẹghẹ hia ne u gha ya vbe agbọn, ne u vbe gha ru emwi ne ọ gbae vbe ẹghẹ hia,

Gẹnẹsis 22:14

Ebraham kegha tie evba nii, “Nọyaẹnmwa Kpemehe.” U hin ye do sẹ ẹdẹ nẹrẹ na te emwa ye tae wẹẹ, “Uhunmwu oke Nọyaẹnmwa ọre ọ na kpemehe ẹre.”

Gẹnẹsis 28:3

Te Osanobua Noghodua gha fiangbe orọnmwẹ uwa ne ọ gue mwẹ emọ nibun, sẹrriọ ne u gha na do gha re erha agbọn ẹvbo nibun.

Gẹnẹsis 35:11

Osanobua keghi tama rẹn wẹẹ, “Mẹ ọrọre Osanobua Noghodua. Biẹlẹ emọ nibun. Uniẹn ivbuẹ gha bun, eso vbe uwu iran gha vbe gha re ọba, u gha mwẹ uniẹn ivbuẹ nibun sẹrriọ wẹ eso gha do khian iyaẹvbo.

Gẹnẹsis 48:3

E Jekọb keghi tama e Josẹf wẹẹ, “Osanobua Noghodua rhie egbe ma mwẹ vbe Luz, vbe otọe Kenan, ọ keghi fiangbe mwẹ.

Psalm 68:4

Wa so ihuan ghe Osanobua wa so ihuan urhomwẹ ghe eni ẹnrẹn, wa zẹ odẹ nẹ ọmwa ne ọ hin okuku amẹ khian. Nọyaẹnmwa ọ re a tie ẹre, wa gha sẹ ọyẹnmwẹ vbe eni ẹnrẹn.

Psalm 83:18

Te iran gha rẹn wẹ wẹ ọkpa ọrọre Nọyaẹnmwa, ne ọ khaemwisẹ yan emwi hia, ni rre otọ agbọn.

Ẹksọdọs 15:3

Ne ọ khọn okuo ọre Nọyaẹnmwa khin Nọyaẹnmwa ọrọre eni ẹnrẹn.

Ẹksọdọs 23:21

Wa ghi rhie ehọ ye ẹmwẹ ọnrẹn, wa gha ru vbene ọ khare. Wa ghẹ sọtẹ ghe ẹre rhunmwuda eni mwẹ ọre ọ ya ru emwi. Rẹn i ra ye egbe abakuru vberriọ bọ ọmwa.

Ẹksọdọs 3:14

Osanobua tama e Mosis wẹẹ, “Mẹ mwẹ ọre ọmwa ne Imẹ khin. Ọna ọrọre emwi ne u gha tama ivbi Izrẹl wẹẹ, ‘Omwa ne a tiẹre Imẹ ẹre ọ gie mwẹ gie uwa.’ ”

Aizaia 42:8

“Mẹ ọkpa kẹkan ọrọre Nọyaẹnmwa, Osanobua ruẹ. Emwi ne a gho ọvbehe ne ọ gha gunmwẹ ghae vbe uyi mwẹ, ẹ i rrọ, mẹ i ra kue ne amazẹ gunmwẹ ghae vbe uyi mwẹ.

Aizaia 44:6

E Nọyaẹnmwa ne ọ khaemwisẹ yan, kevbe ne ọ vbe degue Izrẹl, e Nọyaẹnmwa ne Oghodua khare wẹẹ, “Mẹ ọrọre okaro, okiekie, ne irẹn ọkpa re Osanobua; osa ọvbehe i rrọ gberra imẹ.

Jerimaia 16:21

Rhunmwuda ọnii nian, e Nọyaẹnmwa keghi kha wẹẹ, “I gha rhie ẹtin mwẹ ma avbe uhunmwu ẹvbo kevbe iwegbe mwẹ. Iran gha rẹn wẹ mẹ ọrọre Nọyaẹnmwa.”

Jerimaia 33:2

E Nọyaẹnmwa ne ọ yi agbọn, ne ọ ma ẹẹn ọ na mu ẹẹn gbọ ye ehe ne ọ ye, ọ gunmwẹ guan. Ọmwa ne eni ẹnrẹn re Nọyaẹnmwa; ọ na kha wẹẹ,

Ezikiẹl 20:5

Tama iran vbene I khare. Ẹghẹ ne I na hannọ Izrẹl zẹ, te I ve iran emwi. I rhie egbe mwẹ ma iran vbe Igipt, I keghi tama iran wẹẹ: Mẹ ọrọre Nọyaẹnmwa ne Osanobua rua.

Ezikiẹl 37:13

I gha we avbe idin nii unu an ighe ehe ne a re avbe emwa mwẹ yi, mẹ na ghi viọ iran ladian, iran gha rẹn wẹ mẹ ọrọre Nọyaẹnmwa.

Ezikiẹl 37:6

I gha viọ inian ne giẹrẹ kevbe nekhua ne uwa, I gha mu ikpakpa egbe rhu uwa. I gha rhie uhiọnrọnmwẹ ye uwu uwa, wa ghi gha rre agbọn, ẹghẹ nii wa gha na rẹn wẹ mẹ ọrọre Nọyaẹnmwa.”

Iyẹn ne ọ Maan Ọghe Jọn 8:58

Jesu wanniẹn wẹẹ, “Ẹmwata ọre I tama uwa. Vbe a te bie Ebraham, ‘Mẹ Nọ.’ ”

Arhie Maan 1:4

E Jọn ọre ọ gie uhunmwu na gie avbe esọsi ihinrọn ni rre otọ Esia. Ẹsọhẹ kevbe ọfumwegbe ọrọre ọghe uwa ke ehe ne Osanobua ye gha dee, Ọmwa ne ọ rrọọ banbanna, ọmwa ne ọ ka gha rrọọ yi ke ne ọ khian vbe gha rrọọ, kevbe ke ehe ne avbe orhiọn ihinrọn ni rre odaro ẹkete ẹre ye ghe dee.

Ebe Rut 1:20

Rẹn keghi wanniẹn wẹẹ, “Wa ghẹ ghi tie mwẹ Naomi, wa gha tie mwẹ Mara rhunmwuda Osanobua ne Udazi ye obọ ne ọ tọn mu mwẹ nẹ.