Ẹksọdọs 5:9 - Edo Bible (E Baibol Ẹdo) Version 1996

⁹ Wa ya iran na kakabọ winna sayọ, wa gie iran gha winna vbe ẹghẹ hia, ẹghẹ nii, iran ighi miẹn obọ ya gha danmwehọ ẹmwẹ ohoghe!

Ẹksọdọs 5:9 Iomraidhean Croise

II Ọba 18:20

Ọ keghi nọ wẹẹ, “Wa yayi wẹ unu ọ re ẹwaẹn kevbe ẹtin ne a ya khọn okuo ye ra? De ọmwa ne uwẹ yayi wẹ ọ gha yi uẹ obọ ya sọtẹ ghe Asiria yi?

Job 16:3

Te uwa ra wa gha guan khian ẹdẹdẹmwẹdẹ ra? Te awua vbe a gha miẹn wẹ, ẹ i re uwa ọre ọ guan kiekie ra?

Ẹksọdọs 5:10

Iran ni ye avbe eviẹn winna kevbe avbe ekaolotu iwinna avbe ivbi Izrẹl, keghi ladian ya khama iran wẹẹ, “Vbenian ọre ọba ọghe Igipt khare. I i ghi viọ irunmwu ne uwa ọvbehe.

Ẹksọdọs 5:8

Sokpan wa ghi wẹ ne iran gha mannọ inu ibiriki ne iran na ka mannọ de yi, ghẹ fian hin rre hiehiere. Te iwinna ma kpọlọ sẹ, ọnii ọre ọ sii ẹe ne iran na ta ẹe wẹ ne a gie iran ya zọ ese ghe Osanobua iran.”

Jerimaia 43:2

Ẹre Azaraia ne ovbi e Hosiaia, kevbe Johanan ne ovbi e Karea, kevbe avbe emwa nii hia nekpa fẹẹrẹ na tama mwẹ wẹẹ, “Ohoghe ọ re u ta, e Nọyaẹnmwa ne Osanobua mwa ma gie uẹ ne u tama ima wẹ ne ima ghẹ gha rrie Igipt ne a ya yin odọ nii.

Zẹkaraia 1:6

Avbe eguọmwadia mwẹ i ghẹ avbe akhasẹ ọ re I giee ne a tama avbe erha uwa odede, emwi ne I ho ne iran ru kevbe emwi ne ọ gha he sunu, sokpan, iran ma zẹye rhọkpa, ọre obọ na vba iran. Ẹghẹ nii, iran keghi fi uyinmwẹ werriẹ, iran keghi do miẹnkue wẹ, mẹ ne Nọyaẹnmwa ne Osanobua ọ re ọ rri iran oya vbene ọ ma iran zẹ vbene I ta ẹe wẹ I gha ru ẹe.”

Malakai 3:14

Wa khare wẹẹ, ‘Ẹi zẹdẹ mwẹ esa ne a gha ga Osanobua. De esa ne ọ khin ne a gha ru vbene ọ khare ra ne a gha rhie ma e Nọyaẹnmwa ne Oghodua wẹ ọ da mwa ne ima na ru emwi ne ima ru?

Ẹfisọs 5:6

Wa ghẹ gie ọmwa rhọkpa ya ẹmwẹ ọzuọ mu uwa rẹrẹ, usun emwi ne ọ si ẹe ne izohu Osanobua gha na rhurhẹ yan iran ne ẹ i họn ẹmwẹ nẹẹn, ọre ena khin.