Ẹksọdọs 5:6 - Edo Bible (E Baibol Ẹdo) Version 1996

⁶ Vbe ẹdẹ ne ẹdẹrriọ zẹẹ, ọba ọghe Igipt keghi yi iyi ma avbe iran ni ya avbe eviẹn winna ne ivbi Igipt, kevbe avbe ọkaolotu iwinna ne ivbi Izrẹl wẹẹ,

Ẹksọdọs 5:6 Iomraidhean Croise

II Krọnikol 26:11

Ọ kegha mwẹ ivbiyokuo ni bun ni wa rhie vbẹ khẹ okuọ. Ọmwa ne ọ gbẹnnẹ emwi ẹmwẹ iran ye otọ kegha re avbe Jeiẹl kevbe Maaseia ne ọgbenbe vbe ne Hananaia ne ọkpa vbe uwu iran ni lele ọba winna na gha gbe aro ghe iran.

Ẹksọdọs 1:11

Ivbi Igipt keghi rhunmwuda ọnii zẹlẹ avbe emwa ni su oleghan ne iran, ne iran gha ya ẹtin ya iran miẹn ẹsọn ne a wiẹn iran an. Avbe ivbi Izrẹl ẹre ọ bọlọ ẹvbo ne a tie ẹre Pitọn kevbe Ramesis ne ọba, ne ọ gha re ehe ne a si evbare gboo yi.

Ẹksọdọs 3:7

Ẹre Nọyaẹnmwa na kha wẹẹ, “I miẹn obọ oya ne a ya mu emwa mwẹ vbe Igipt, I họn utumwẹ ne iran tu wẹ ne a miẹn iran fan vbe obọ avbe iran ni lo iran vbe eviẹn, I wa miẹn oya ne iran re.

Ẹksọdọs 5:10

Iran ni ye avbe eviẹn winna kevbe avbe ekaolotu iwinna avbe ivbi Izrẹl, keghi ladian ya khama iran wẹẹ, “Vbenian ọre ọba ọghe Igipt khare. I i ghi viọ irunmwu ne uwa ọvbehe.

Ẹksọdọs 5:19

Avbe ekaolotu iwinna ivbi Izrẹl ghi họn ewanniẹn ne a rhie ne iran, wẹẹ, “Te uwa gha mannọ ibiriki nii gba ẹdẹgbegbe, iran keghi rẹn wẹ iran la ẹmwẹ.”

Ẹksọdọs 5:7

“Wa ghẹ ghi dọlegbe viọ irunmwu ne avbe emwa na, zẹ vbe ne uwa te ka ru ẹe, wa gie iran tobọ iran ya gha gualọ.

Itan 12:10

Ọmwa esi ghi gha gbearoghe emwi irri ẹre, sokpan, emwa dan ghi gha ru ọghe iran khọ.

Nọmbas 11:16

E Nọyaẹnmwa keghi tama e Mosis wẹẹ, “Si arhin ekigbe siyenẹ ni re ọkaolotu ni rẹn enegbe kevbe ne ọghọ rre ọre egbe koko, viọ iran bu mwẹ gha die Owa Ukpọn Ile, tama iran ne iran mudia ke uwẹ vba.

Diuteronomi 1:15

Ọre I na viọ emwa ni wan an, kevbe ni rẹn agbọn vbe uwu avbe ekaolotu uwa ne uwa zẹlẹe vbe ẹwae uwa, I na wẹ ne iran gha gbearoghe uwa. Eso kegha gbearoghe arhin arriaisẹn vbọ, eso iyisẹn, eso ekigbesiyeha, eso igbe. I keghi ye vbe zẹlẹ emwa ọvbehe eso ye ukpo vbe uwu avbe ẹwae nii hia.

Diuteronomi 16:18

“U ghi zẹ avbe ọbuohiẹn kevbe emwa iwinna vbe dọmwadẹ ẹvbo ne Nọyaẹnmwa Osanobua gha rhie ne uẹn. Iran na ghi gha bu ohiẹn emwa nii vbe ne a i na ghe ikpanro.

Jọsua 24:1

E Jọsua keghi si avbe ẹwae Izrẹl hia koko vbe Siẹkẹm. Ọ keghi tie avbe ediọn, avbe ọkaolotu, avbe enibuohiẹn kevbe avbe ekamakodin Izrẹl, iran kegha die odaro Osanobua.

Jọsua 24:4

I kevbe viọ Jekọb kevbe Isọ ne Aizik. I keghi mu Idọm ne ẹvbo oke ne Isọ ne ọ gha re ọghọe sokpan e Jekọb kevbe ivbi ẹre kegha rrie Igipt.

Jọsua 8:33

Ivbi Izrẹl hia, kevbe avbe ọkaolotu iran, emwa iwinna iran kevbe iran ni bu ohiẹn deba avbe erriọvbe ni rre ehe ne iran ye, keghi tẹn lele obọ eveva ọghe Ẹkpẹti Ile Nọyaẹnmwa, iran na mu aro da avbe ohẹn e Livai ni mu ẹẹn. Obọ ọkpa vbe uwu avbe emwa nii keghi mudia viọ iyeke da Oke Gerizim kevbe obọ ọkpa na viọ iyeke da Oke Ebal. E Mosis ne ọguọmwadia e Nọyaẹnmwa ọ re ọ ka tama iran ne iran ru ẹe vberriọ vbe ẹghẹ a sẹ ne iran gha ya miẹn afiangbe.